Ɛksodɔs 26:31 - EBƆRƐ BE KAWƆL

³¹ Men ta ejese nɛ a la buru nɛ apeper kpaw nɛ ago nɛ ago be ejese lela mɔlmɔlbi n lue patisa ko nseŋ shin nɛ esa nɛ e nyi kajɔ e ta kebasibi nɛ jese n jɔ chɛrubim be nduli ŋ deŋi n deŋi epatisa na so.

Ɛksodɔs 26:31 ပူးပေါင်းရင်းမြစ်များ

2 Kronikɛls 3:14

Ago be kechɛbi nɛ achɛbi ko nɛ b nyɔ amo buru nɛ apeper kpaw nɛ apeper kunɔkunɔ nɛ b jɔ emalaika be ndulgi n deŋi so na nɛ b ta n lɔŋɛ patisa ŋ kuŋ acheembiana be kakpa cheembi na be kabuna to.

Nshɛ 137:5

O Jerusalɛm, nɛ ŋ kaŋ teŋ fo so, Ebɔrɛ e shin nɛ n sa maŋ naŋ tiŋ n laŋ alaŋsɔ kikɛ.

Ɛksodɔs 25:18

Shin nɛ b ta shuwa m bɛl asɔ anyɔ ko nɛ a du fanɛ emalaika nɛ baa tre chɛrubim na n yuu deka na be buuso na so.

Ɛksodɔs 25:4

nɛ ago lela nɛ afuibi nɛ b nyɔɔ buru ŋko kepeper kpaw nɛ wajɛchɛbi fuful nɛ wajɛ nɛ b ta kaboe be afuibi n lue

Ɛksodɔs 26:1

“Le e daga fanɛ men lɔŋɛ Ebɔrɛ be wajɛbu na, men ta ago be ejese lela mɔlmɔlbi nɛ ejese nɛ a la buru nɛ kepeper kpaw n lue epatisa kudu nseŋ shin nɛ esa nɛ e nyi kajɔ e ta kebasibi nɛ jese n jɔ chɛrubim be kaduli n deŋi n deŋi epatisa na so.

Ɛksodɔs 26:32

Men ta epatisa nɛ b jɔ na n shiga akasiadibi yuuso ana nɛ b ta shuwa m mata amo so nɛ a yil gbiti be atɔl ana so nsaa kɔ shuwa be akɔltobi na so.

Ɛksodɔs 27:16

Kumo be kaman, men shin nɛ esa nɛ e nyi kajɔ e ta ejese nɛ a la buru nɛ apeper kpaw nɛ ago be ejese lela mɔlmɔlbi n lue Ebɔrɛ be wajɛbu na be kelɔnɛ so be kabuna to gbagba be patisa nɛ kumo be nteŋ to e baa la ayadra adesa, nsaa kɔ ndibi yuuso ana nɛ amo be atɔl ana.

Ɛksodɔs 27:21

Ɛɛrɔn nɛ mbe mbinyɛnso e daga fanɛ b baa chɔɔ efitila na so a yili patisa nɛ k kuŋ kɔnɔkoŋwule be ŋkre be deka na be anishito na. B baa chɔɔ efitila na so kaaseso kikɛ nɛ a baa fuli to ma, Enyɛnpe Ebɔrɛ be wajɛbu na to a klade. A daga fanɛ Israɛlebi nɛ bumo be kaman to ebi kikɛ e baa bɛ mbra ere so mbaanaayɔ.

Ɛksodɔs 28:15

Men lɔŋɛ kagbeneso be kɔlgu n sa bɔrɛmatapo nimuso na nɛ k baa la kusɔ nɛ e beeŋ baa ta a pin Ebɔrɛ be aparsheŋ. Men ta ejese be yiri ana nɛ men daŋ ta n lɔŋɛ ɛfɔd na n lue wajɛ nseŋ jɔ kumo.

Ɛksodɔs 35:12

nɛ kɔnɔkoŋwule be ŋkre be deka na nɛ kumo be ndibi nɛ b kɔ a ta kumo na nɛ kumo be buuso nɛ baa tre kuwɔr be kakpa na nɛ patisa kuŋso na

Ɛksodɔs 35:25

Bumo to be beche nyiashempo nɛ b nyi kafɛaŋ na kikɛ daŋ bar ago be ejese lela nɛ ejese nɛ a la buru nɛ ejese peper kpaw nɛ ejese peper kunɔkunɔ nɛ ago be wajɛchɛbi mɔlmɔlbi nɛ kusɔbɔya be afuibi peper nna.

Ɛksodɔs 35:35

E sa bumo kasɔwora be kenyi nna nɛ b baa tiŋ a ta ago be jese lela nɛ buru be jese nɛ jese peper kpaw nɛ ejese peper kunɔkunɔ a jɔ asɔ ŋko a lue ewajɛ be yiriyiri. Bumo alɛ bee tiŋ a wora ashuŋ be yiriyiri kikɛ nyam nsaa tiŋ a ji asɔ kebita kenyiso.”

Ɛksodɔs 35:6

ŋko ago be jese lela ŋko buru be jese ŋko jese peper kpaw ŋko ejese peper kunɔkunɔ ŋko ago be wajɛchɛbi mɔlmɔlbi ŋko wajɛ nɛ b ta kaboe be afuibi n wora

Ɛksodɔs 36:35

Ade kikɛ be kaman nɛ b ta ejese nɛ a la buru nɛ apeper kpaw nɛ apeper kunɔkunɔ nɛ ago be ejese lela mɔlmɔlbi n lue patisa nseŋ shin nɛ esa nɛ e nyi kajɔ ta kebasibi nɛ jese n jɔ n jɔ chɛrubim na n deŋi n deŋi epatisa na so.

Ɛksodɔs 36:36

Nseŋ ta akasiadibi n lɔŋɛ ndibi yuuso ana n ta shuwa m mata amo so. Kumo be kaman nɛ b ta shuwa n lɔŋɛ amo be akɔltobi nseŋ ta gbiti n lɔŋɛ amo be atɔl ana.

Ɛksodɔs 36:8

Ade kikɛ be kaman nɛ basa nɛ b daa shuŋ kushuŋ na be bumo nɛ b daa kɔ kenyi na, lɔŋɛ Ebɔrɛ be wajɛbu na. B daŋ ta ago be ejese lela mɔlmɔlbi nɛ ejese nɛ a la buru nɛ apeper kpaw nɛ apeper kunɔkunɔ nna n lue epatisa kudu nseŋ shin nɛ esa nɛ e nyi kajɔ ta kebasibi nɛ jese n jɔ n jɔ chɛrubim n deŋi n deŋi epatisa na so.

Ɛksodɔs 40:21

Kumo be kaman nɛ e shin nɛ b ta kɔnɔkoŋwule be ŋkre be deka na m ba yili Ebɔrɛ be wajɛbu na to n shin nɛ b chɛ patisa kuŋso na ŋ kuŋ kumo so fanɛ kananɛ Enyɛnpe Ebɔrɛ kaŋɛ mo na.

Ɛksodɔs 40:3

nseŋ ta kɔnɔkoŋwule be ŋkre be deka nɛ mbra kudu na wɔtɔ na n yili kumo to n ta patisa kuŋso na ŋ kuŋ kumo so.

Sɔlɔmɔn 7:1

Fo la ewurbi pibi nna, nɛ asɛbta bee nyalɛ fo aya to ga. Fo abembi walɛ nna nseŋ ku nchule fanɛ kubɔtoshembi na.

Levitikɔs 16:15

Kumo be kaman nɛ e mɔ basa na be kulubi be sarga be kaboe na nseŋ suse ŋklaŋ na n luri m ba acheembiana to be kakpa cheembi na to nseŋ ba wora amo ŋ ŋmenyaŋ kɔnɔkoŋwule be ŋkre be deka na be buuso so nɛ kumo be anishito, fanɛ kananɛ e daŋ ta gbolu na be ŋklaŋ n wora na.

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Nɔmbɛs 4:5

Enyɛnpe Ebɔrɛ daŋ kaŋɛ Mosis nna fanɛ nɛ b kaa shin nɛ b kaa bumo be keeyi to, b shin nɛ Ɛɛrɔn nɛ mbe mbinyɛnsobi e luri n saŋɛ patisa nɛ k kuŋ ŋkre be deka nɛ k wɔ kakpa cheembi na nɛ wajɛbu to na nseŋ ta kumo m buu deka na so.

Matiu 27:51

Ndoŋ nna nɛ bɔrɛlambu na to be patisa na yili kumo be esoso n chaŋɛ to m ba kaseto. Nɛ kasawule gbuŋgbuŋ to nɛ afalta baŋɛ m baŋɛ to.

Maak 15:38

Nɛ bɔrɛlambu na to be patisa na yili kumo be esoso n chaŋɛ to m ba kaseto.

Luuk 23:45

Ŋkpal manɛ so, epeŋi daa maŋ naa nyaŋɛ nɛ bɔrɛlambu na to be patisa na yili kumo be esoso n chaŋɛ to m ba kaseto.

Ɛfesesebi 2:14

Ŋkpal manɛ so, mo gbagba e la anyi be kagbenewushi nɛ esa nɛ e bee bar anyi basa yiri ntuŋ anyɔ abar so. E jija kebarga to nɛ k daa wɔ anyi nɛ basa be nferinto na, kumo e la kekishi be kebarga to na.