Ɛksodɔs 26:3 - EBƆRƐ BE KAWƆL

³ Kumo be kaman nɛ men baa epatisa na be anu n chɛ abar so nɛ a ki fanɛ patisagboŋ koŋwule nseŋ naŋ baa anu nɛ a ka na malɛ n chɛ abar so nɛ amo alɛ gba e ki fanɛ patisagboŋ koŋwule.

Ɛksodɔs 26:3 ပူးပေါင်းရင်းမြစ်များ

Ɛksodɔs 26:2

Men shin nɛ epatisa na kikɛ e baa sasa nɛ amo be kekama be nteŋ to e baa la ayadra be nteŋ kuduana nɛ anyɔ nɛ amo be kekama be mparto malɛ e baa la keyadra be nteŋ ashe.

Ɛksodɔs 26:4

Men ta wajɛchɛbi nɛ k la buru m baa asɔ kulkulso fanɛ afirgi m mata m mata epatisagboŋ anyɔ na be kekama be kekilso.

Ɛksodɔs 26:9

Nɛ men baa ewajɛ na be anu n chɛ abar so nɛ a ki patisagboŋ koŋwule nseŋ baa ashe nɛ a ka na malɛ nɛ a ki patisagboŋ koŋwule nɛ men bɔɔ kenyɔsopo na be wajɛ shesopo na to nɛ kumo be kaba e chulgi Ebɔrɛ be wajɛbu na be anishito.

Ɛksodɔs 36:10

B daŋ baa epatisa na be anunu nna n chɛ abar so.

Baru lela nɛ Jɔn kute na 17:21

fo shin nɛ bumo kikɛ e baa la kukoŋwule. Etuto, fanɛ kananɛ n wɔ fo to nɛ fo alɛ wɔ ma to na, loŋ nɛ mee kule fo fanɛ fo shin nɛ b baa wɔ anyi to nɛ durnya e yirda fanɛ fo e shuŋi ma durnya ere to.

1 Kɔrintebi 12:4

Kiyoyu to be ŋkɛ be nnaŋ to e wɔtɔ, ama Kiyoyu koŋwule na e naa sa amo kikɛ.

Ɛfesesebi 4:16

Mo to nɛ eyur na kikɛ to m pɛ to kpakpa a wɔ abar so a du fanɛ kananɛ awibichɛkpa nɛ achin bee pɛ esa be eyur a wɔ abar so nɛ mbaana na be kekama bee nya a shuŋ kumo be ashuŋ nɛnɛ na. Nɛ loŋ malɛ baa wora, eyur na bee bɔla kasha be kebaawɔtɔ kikɛ to nna a daŋ a yɔ anishito.

Kɔlɔsiebi 2:19

Mo alɛ nɛ Yesu Kristo nɛ e la an be enimu na maŋ la kukoŋwule. Yesu Kristo na e la an be enimu a shin nɛ Ebɔrɛ be basa bee nya Ebɔrɛ be kenyi a ti so a du kananɛ Ebɔrɛ bee sha a wɔ abar so fanɛ kananɛ awibichɛkpa nɛ achin bee pɛ esa be eyur a kukwe abar so na.

Kɔlɔsiebi 2:2

saŋɛ na so meeŋ leŋ menyi to nɛ men baa kɔ kasha a wɔ abar so nsaa kɔ kenyi kikɛ nyam. Kumo e la fanɛ nɛ men ba pin mbe wulo na kikɛ.