Ɛksodɔs 26:1 - EBƆRƐ BE KAWƆL

¹ “Le e daga fanɛ men lɔŋɛ Ebɔrɛ be wajɛbu na, men ta ago be ejese lela mɔlmɔlbi nɛ ejese nɛ a la buru nɛ kepeper kpaw n lue epatisa kudu nseŋ shin nɛ esa nɛ e nyi kajɔ e ta kebasibi nɛ jese n jɔ chɛrubim be kaduli n deŋi n deŋi epatisa na so.

Ɛksodɔs 26:1 ပူးပေါင်းရင်းမြစ်များ

2 Samuɛl 7:2

Ndoŋ nna nɛ ewura Deevid kaŋɛ anebi Neetan le: “Keni! Ndibi nɛ baa tre sida na nɛ b ta m pɔr ma laŋ ere, ama Ebɔrɛ be ŋkre be deka na bre wɔ wajɛbu to nna!”

1 Bewura 6:29

B daŋ wora emalaika anyɔ na nɛ abii be ndibi nɛ atoto be ndulgi nna n deŋi bɔrɛlambu na be epunto nɛ kumo be ŋkpar to be ebu nɛ baa tre acheembiana to be kakpa cheembi na be egbalana kikɛ so.

1 Kronikɛls 17:1

Ewura Deevid ka ya kaa wɔ mbe kuwura laŋ popɔr na to nɛ e tre anebi Neetan ŋ kaŋɛ mo le: “Keni! Ndibi nɛ baa tre sida na nɛ b ta m pɔr ewura be laŋ nɛ n wɔtɔ ere, ama Enyɛnpe Ebɔrɛ be ŋkre be deka na bre wɔ wajɛbu to nna!”

1 Kronikɛls 21:29

Enyɛnpe Ebɔrɛ be wajɛbu nɛ Mosis daŋ yuu ashi kiyi na to nɛ bɔrɛsure nɛ e pɔr nɛ b daa lara sarga chɔɔso kumo so na kikɛ daa wɔ kakpa nɛ baa bunyaŋ Enyɛnpe Ebɔrɛ loŋ be saŋɛ na ashi Gibiɔn na nna;

Ɛksodɔs 25:18

Shin nɛ b ta shuwa m bɛl asɔ anyɔ ko nɛ a du fanɛ emalaika nɛ baa tre chɛrubim na n yuu deka na be buuso na so.

Ɛksodɔs 25:4

nɛ ago lela nɛ afuibi nɛ b nyɔɔ buru ŋko kepeper kpaw nɛ wajɛchɛbi fuful nɛ wajɛ nɛ b ta kaboe be afuibi n lue

Ɛksodɔs 25:8

Ade be kaman nɛ fo shin nɛ basa na e yuu wajɛbu cheembi n sa ma, saŋɛ na so, meeŋ ba kaa wɔ bumo to.

Ɛksodɔs 26:2

Men shin nɛ epatisa na kikɛ e baa sasa nɛ amo be kekama be nteŋ to e baa la ayadra be nteŋ kuduana nɛ anyɔ nɛ amo be kekama be mparto malɛ e baa la keyadra be nteŋ ashe.

Ɛksodɔs 26:31

Men ta ejese nɛ a la buru nɛ apeper kpaw nɛ ago nɛ ago be ejese lela mɔlmɔlbi n lue patisa ko nseŋ shin nɛ esa nɛ e nyi kajɔ e ta kebasibi nɛ jese n jɔ chɛrubim be nduli ŋ deŋi n deŋi epatisa na so.

Ɛksodɔs 26:36

Men shin nɛ esa nɛ e nyi kajɔ e ta ejese buru nɛ apeper kpaw nɛ ago nɛ ago be ejese lela mɔlmɔlbi n lue Ebɔrɛ be wajɛbu na be kabuna be epatisa.

Ɛksodɔs 31:7

Loŋ be asɔ na e la Enyɛnpe be wajɛbu na, kɔnɔkoŋwule be ŋkre be deka na nɛ kumo be buuso nɛ baa tre kuwɔr be kakpa na

Ɛksodɔs 35:11

Loŋ be asɔ na e la Enyɛnpe be wajɛbu na nɛ kumo be buuso nɛ kumo be akɔltobi nɛ kumo be eshabɔrɛ nɛ elarbeŋ nɛ eyɔri nɛ ndibi yuuso nɛ amo be atɔl,

Ɛksodɔs 35:35

E sa bumo kasɔwora be kenyi nna nɛ b baa tiŋ a ta ago be jese lela nɛ buru be jese nɛ jese peper kpaw nɛ ejese peper kunɔkunɔ a jɔ asɔ ŋko a lue ewajɛ be yiriyiri. Bumo alɛ bee tiŋ a wora ashuŋ be yiriyiri kikɛ nyam nsaa tiŋ a ji asɔ kebita kenyiso.”

Ɛksodɔs 35:6

ŋko ago be jese lela ŋko buru be jese ŋko jese peper kpaw ŋko ejese peper kunɔkunɔ ŋko ago be wajɛchɛbi mɔlmɔlbi ŋko wajɛ nɛ b ta kaboe be afuibi n wora

Ɛksodɔs 36:35

Ade kikɛ be kaman nɛ b ta ejese nɛ a la buru nɛ apeper kpaw nɛ apeper kunɔkunɔ nɛ ago be ejese lela mɔlmɔlbi n lue patisa nseŋ shin nɛ esa nɛ e nyi kajɔ ta kebasibi nɛ jese n jɔ n jɔ chɛrubim na n deŋi n deŋi epatisa na so.

Ɛksodɔs 39:3

B daŋ bɛa shuwa gbagba to nna ŋ kuya amo milimilibi fanɛ ejese n wea ejese buru nɛ apeper kpaw nɛ apeper kunɔkunɔ nɛ ago be ejese lela mɔlmɔlbi n lue m baa kumo.

Ɛksodɔs 40:2

“Yuu Enyɛnpe Ebɔrɛ be wajɛbu na kufɔl juŋkparso be kachɛ sososo

Nɔmbɛs 3:25

Bumo be kushuŋ e la kebaakeni Enyɛnpe be wajɛbu na gbagba so nɛ asɔ nɛ baa ta a yuu kumo nɛ amo nɛ baa ta a yuu a kulti kumo nɛ kumo be epatisa nɛ efɔlana nɛ asɔ kama nɛ a ti amo so na.

Nɔmbɛs 4:25

wajɛbu na nɛ kumo be kabuna to be patisa na nɛ acheembiana to be kakpa cheembi na be kabuna to be patisa na nɛ kusɔbɔya be kawɔl lela nɛ baa yuu a kulti kumo na

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 2:21

Ama mannɛ bɔrɛlambu be ebu na gbagba nɛ Yesu daa de. Mbe eyur nɛ e daa de.

Hibruwebi 8:2

Mo koŋwule na e naa shuŋ mbe kabɔrɛmata be kushuŋ ashi mboŋ cheembiana to be kakpa cheembi to na, ndoŋ e la kashenteŋ be wajɛlambu nɛ Enyɛnpe gbagba yuu na. Mannɛ nyiŋgbasa gbagba e ta enɔ n wora kumo.

Hibruwebi 9:2

B daŋ yuu wajɛlambu nna, nɛ kumo be ebu juŋkparso nɛ baa tre kakpa cheembi na daa kɔ patisa. Ndoŋ nɛ fitila na nɛ teebɔl na nɛ bodobodo nɛ b kɔ a sa Ebɔrɛ na kikɛ daa wɔ na.

Hibruwebi 9:9

Kede malɛ la kusɔ nɛ k bee ŋini jemanɛ ere so be asheŋ nna fanɛ ŋkɛana nɛ asɔbɔya be keta n lara sarga na daa maaŋ tiŋ n shin nɛ esa nɛ e kɔ asɔ na a bunyaŋ Ebɔrɛ na e ki esa cheembi ashi mbe nfɛra to.

Kelaraŋŋini 19:8

E nya wajɛ fuful lela nyɛkpɛso nɛ k walɛ so nɛ e buu. Kusɔbuuso lela na e naa yili fanɛ Ebɔrɛ be basa laraso be alelasheŋ be aworbi.”

Kelaraŋŋini 21:3

Kumo be kaman nɛ n nu ebɔl ko awɔrso ka shi kuwurputi na akpa ŋ kaŋɛ: “Naniere bre, basa to e ki kakpa nɛ Ebɔrɛ ba nɛ e ba kaa wɔ. Mo nɛ basa beeŋ ba kaa wɔtɔ nɛ b baa la mbe basa. Ebɔrɛ gbagba e naaŋ ba kaa wɔ bumo to a la bumo be Ebɔrɛ.