Ɛksodɔs 25:8 - EBƆRƐ BE KAWƆL

⁸ Ade be kaman nɛ fo shin nɛ basa na e yuu wajɛbu cheembi n sa ma, saŋɛ na so, meeŋ ba kaa wɔ bumo to.

Ɛksodɔs 25:8 ပူးပေါင်းရင်းမြစ်များ

1 Bewura 6:13

Meeŋ baa wɔ ma basa Israɛlebi to ashi bɔrɛlambu nɛ menyee pɔr ere to, ma alɛ maaŋ kini bumo n lɛ.”

1 Kronikɛls 22:19

Men ta men be ŋgbene nɛ men be ayoyu kikɛ a shuŋ Ebɔrɛ. Men fara a pɔr bɔrɛlambu na saŋɛ na so menyeeŋ ta Enyɛnpe Ebɔrɛ be ŋkre be deka na nɛ asɔ cheembi nɛ b kɔ a bunyaŋ Enyɛnpe Ebɔrɛ na n ya yili kumo to.”

Ɛksodɔs 15:17

Fo e naaŋ yɛr fo basa n ya chena fo gbagba be kebee so, kaboŋ nɛ fo, Enyɛnpe lara fanɛ k baa la fo pe nsaa la ebu cheembi nɛ fo gbagba pɔr na.

Ɛksodɔs 15:2

Enyɛnpe Ebɔrɛ na e la ma elempo nɛ ma emɔlgapo. Meeŋ boŋ kashɛ ŋ dele mo. Mo e la ma Ebɔrɛ, amoso meeŋ di mo epaŋ. N tuto be Ebɔrɛ e la mo, amoso meeŋ fur mo.

Ɛksodɔs 29:45

Saŋɛ na so, nɛ ŋ gbelge m baa kaa wɔ Israɛlebi na to a la bumo be Ebɔrɛ.

Ɛksodɔs 29:46

Aloŋ nɛ baaŋ ba pin fanɛ ma e la Enyɛnpe bumo be Ebɔrɛ nɛ n lara bumo ashi Ijipt nsaa wɔ bumo to na. Ma e la Enyɛnpe bumo be Ebɔrɛ na.”

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Ezikɛl 37:26

Ade kikɛ be kaman, ma nɛ bumo beeŋ luri kɔnɔkoŋwule be ŋkre to a ŋini kayurwushi nɛ baaŋ baa wɔtɔ to hale mbaanaayɔ. Ma alɛ beeŋ shin nɛ b baa wɔtɔ nseŋ wora keshi n ti so nɛ ma bɔrɛlambu na e baa wɔ bumo to mbaanaayɔ.

Ezikɛl 37:28

Jemanɛ nɛ meeŋ yili ma bɔrɛlambu bumo to mbaanaayɔ na, nɛ efuliana na beeŋ pin fanɛ ma Enyɛnpe Ebɔrɛ na e lara Israɛlebi na ŋ ki ma basa.”

Ezikɛl 43:7

“Dimɛdi pibi, Ezikɛl, ma kuwurputi be kakpa nna na. Meeŋ baa wɔ Israɛl be basa nɛ b la ma basa ere to a ji kuwura bumo so hale mbaanaayɔ. Israɛl be basa ŋko bumo be bewuraana maaŋ naŋ shuŋ agbirana ŋko n wora kanyiŋi be asɔ nɛ a bee ŋaba ma ketre cheembi na n yili nfe n sa bumo be bewura nɛ b wu na.

Levitikɔs 10:4

Kumo be kaman nɛ Mosis tre Mishaal nɛ Ɛlzafan nɛ b la Ɛɛrɔn mo wɔpa, Uziɛl, be mbinyɛnsobi nseŋ kaŋɛ bumo le: “Men ba ta men kurgepoana ere be kebuni ashi wajɛbu na to n lar n yɔ keeyi na be ekarso n ya nase.”

Levitikɔs 26:11

Meeŋ baa wɔ ma wajɛbu na to ashi menyi to, ma alɛ maa lar menyi be kaman kikɛ.

Levitikɔs 4:6

n ya ta mbe keshilbi n nyɔ ŋklaŋ to ŋ ŋmenyaŋ patisa nɛ k bee kuŋ kɔnɔkoŋwule be ŋkre be deka na ase ale ashunu ashi Enyɛnpe Ebɔrɛ na be anishito.

Zakareya 2:10

Kede be kaman nɛ Enyɛnpe Ebɔrɛ kaŋɛ le: “Jerusalɛmebi! Men boŋ nshɛ kagbenefuliso, ŋkpal manɛ so, mee ba nna nɛ ma nɛ menyi e ba kaa wɔtɔ!”

Zakareya 8:3

Meeŋ naŋ bɛta m ba chena Zayɔn be kebee na so ashi Jerusalɛm to. Aloŋ nɛ ekama beeŋ pin fanɛ Jerusalɛm la ma beyirdapo be kadegboŋ nna nɛ Zayɔn malɛ la ma kebee cheembi.

Nɔmbɛs 5:3

Men ju benyɛn nɛ beche kama nɛ b wora eyurpi daŋkare be ekpa so, saŋɛ na so b maaŋ jija keeyi mo nɛ ma nɛ menyi kikɛ wɔ kumo to na.”

Ashuŋ Shunso 7:44

Ebɔrɛ be wajɛbu nɛ k daa ŋini fanɛ Ebɔrɛ wɔ an nanaana kutɔ na nɛ bumo e daa la kiyi to. Kananɛ Ebɔrɛ daŋ ŋini Mosis fanɛ e wora kumo na gbagba chap nɛ e daŋ wora kumo.

2 Kɔrintebi 6:16

Manɛ be ŋkre e wɔ Ebɔrɛ be lambu nɛ agbirana be nferinto? Ŋkpal manɛ so, anyi e la Ebɔrɛ nɛ e wɔ ŋkpa to na be lambu. Kumo be asheŋ nɛ Ebɔrɛ malɛ gba kaŋɛ na fanɛ: “Meeŋ baa wɔ bumo to nsaa na bumo to a la bumo be Ebɔrɛ nɛ bumo alɛ e baa la ma basa.

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Hibruwebi 3:6

Ama Kristo bre bugi kagbene nna fanɛ Ebɔrɛ Pibinyɛn a keni Ebɔrɛ be kowu to ebi so. Nɛ anyi alɛ baa kɔ anyi be kenyɛn na nɛ tama nɛ anyee puchi kumo so na to kpakpa, kumo ere an la Ebɔrɛ na be kowu to ebi nna na.

Joshuwa 22:31

Ndoŋ nna nɛ bɔrɛmatapo Eliaza pibinyɛn Finihas kaŋɛ bumo le: “Naniere bre an pin fanɛ Enyɛnpe Ebɔrɛ na e chɛ anyi to nɛ an lɔŋɛ abar na. Ŋkpal manɛ so menyi maŋ kini kenu n sa mo, amoso nɛ men mɔlga Israɛlebi ashi Enyɛnpe na be kasogberge to na.”

Kelaraŋŋini 21:3

Kumo be kaman nɛ n nu ebɔl ko awɔrso ka shi kuwurputi na akpa ŋ kaŋɛ: “Naniere bre, basa to e ki kakpa nɛ Ebɔrɛ ba nɛ e ba kaa wɔ. Mo nɛ basa beeŋ ba kaa wɔtɔ nɛ b baa la mbe basa. Ebɔrɛ gbagba e naaŋ ba kaa wɔ bumo to a la bumo be Ebɔrɛ.