Ɛksodɔs 25:30 - EBƆRƐ BE KAWƆL

³⁰ Kumo be kaman nɛ men ta teebɔl na n yili kɔnɔkoŋwule be ŋkre be deka na be anishito nsaa ta bodobodo nɛ b kɔ a lara sarga a sa ma na a deŋi kumo so saŋkikɛ.”

Ɛksodɔs 25:30 ပူးပေါင်းရင်းမြစ်များ

Matiu 12:4

E daŋ yɔ Ebɔrɛ be lambu to nna n ya ta ebodobodo nɛ b daŋ ta n lara sarga n sa Ebɔrɛ na nna nɛ mo nɛ basa na we, ŋkeshin nɛ an be mbra na bee kaŋɛ fanɛ bɔrɛmatapo na nawule e naaŋ tiŋ n we loŋ be bodobodo na.

Ɛksodɔs 39:36

nɛ teebɔl na nɛ kumo be asɔwurbi kikɛ nɛ bodobodo nɛ b kɔ a lara sarga a sa Ebɔrɛ na

Malakai 1:12

Ama menyi ere jija ma ketre nna ŋkpal men ka maa tre ma bɔrɛsure na shɛŋ nsaa ta ajibi nɛ men maa sha gba a lara sarga a deŋi kumo so so.

Malakai 1:7

Ŋkpal men ka ta ajibi nɛ a maŋ daga keta n lara sarga n deŋi ma bɔrɛsure so so. Kede be kaman nɛ men bishi: ‘Ekpa mo so nɛ an maŋ sa fo bunyaŋ?’ Men ka maŋ keni ma bɔrɛsure m bɔlɔ kenishi so.

2 Kronikɛls 13:11

Kachipurso nɛ kaaseso kikɛ, baa chɔɔ duwu nɛ asɔbɔya be kechɔɔ m mur be esarga nna a sa Enyɛnpe Ebɔrɛ. Baa ta bodobodo be sarga na nna a deŋi teebɔl nɛ k du cheembi na so daŋkare be ekpa so nsaa chɔɔ efitila nɛ a yil shuwa be kefitilatɔl na malɛ so kaaseso kikɛ. Anyi ere bee bɛ Enyɛnpe Ebɔrɛ be mbra na so nna, ama menyi ere kini mo.

1 Kronikɛls 23:29

Bumo koŋwule na e naaŋ naa keni bodobodo nɛ b ta n lara sarga n sa Enyɛnpe Ebɔrɛ na, nɛ nyifu nɛ b kɔ a lara sarga na nɛ ekrakashi nɛ a maaŋ kɔ yiisi na so, nsaa wora bodobodo nɛ baa ta n lara sarga na. Bumo koŋwule na e naa karga kusɔ kama, nsaa ta duwu nɛ asɔ warabi nɛ nyifu nɛ ɔlif be ŋku a wea abar to a wora asɔ ashi bɔrɛlambu na to.

1 Kronikɛls 9:32

Livaiebi nɛ b shi Kohaf be kabuna na be kushuŋ e daa la kebaawora bodobodo cheembi a deŋi teebɔl na so kewushiachɛ kikɛ.

1 Samuɛl 21:6

Ndoŋ nna nɛ bɔrɛmatapo na ta bodobodo cheembi nɛ b daŋ deŋi Enyɛnpe Ebɔrɛ na be teebɔl cheembi so na nseŋ ta apopɔr n deŋi so na, n sa Deevid ŋkpal manɛ so bodobodo kikɛ daŋ maŋ naa wɔtɔ.

Nɔmbɛs 4:7

Kede be kaman nɛ Ɛɛrɔn nɛ mbe mbinyɛnsobi na e naŋ ta wajɛ nɛ k la buru m parga m buu Enyɛnpe Ebɔrɛ be teebɔl nɛ baa ta bodobodo cheembi nɛ duwu be ntishaŋ, nɛ ntishaŋ nɛ baa ta sarga be asɔ a wɔtɔ na, nɛ ekɔlba nɛ baa ta sarga be yabra belbelso a wɔtɔ a bɛ so na so. A daga fanɛ bodobodo e baa wɔ loŋ be teebɔl na so saŋkikɛ.

Ɛksodɔs 35:13

nɛ teebɔl na nɛ kumo be ndibi nɛ b kɔ a ta kumo na nɛ kumo be asɔwurbi kikɛ nɛ bodobodo nɛ b kɔ a lara sarga a sa Ebɔrɛ na,

Hibruwebi 9:2

B daŋ yuu wajɛlambu nna, nɛ kumo be ebu juŋkparso nɛ baa tre kakpa cheembi na daa kɔ patisa. Ndoŋ nɛ fitila na nɛ teebɔl na nɛ bodobodo nɛ b kɔ a sa Ebɔrɛ na kikɛ daa wɔ na.

Ɛksodɔs 40:4

Kumo be kaman nɛ fo ta teebɔl na n yili wajɛbu na to nseŋ ta asɔ nɛ a daga a baa wɔ kumo so na n deŋi kumo so. Kede be kaman nɛ fo ta kefitilatɔl na n yili kumo to m bela efitila na m bɛ m bɛ kumo so.

Ɛksodɔs 40:23

Kumo alɛ be kaman nɛ b ta bodobodo na m ba deŋi teebɔl na so n lara sarga n sa Enyɛnpe Ebɔrɛ na fanɛ kananɛ e kaŋɛ Mosis na.

1 Samuɛl 21:4

Nɛ bɔrɛmatapo na kaŋɛ mo le: “Bodobodo cheembi na nawule nɛ ŋ kɔ, ama nɛ fanɛ fo braana na nɛ beche maŋ di keche nɛ kenyɛn nchɛ nyɔ ere bre, feeŋ tiŋ n ta amo.”

1 Bewura 7:48

Ewura Sɔlɔmɔn daŋ shin nna nɛ b ta shuwa n lɔŋɛ bɔrɛlambu na to be asɔwurbi. Amo e la, bɔrɛsure na nɛ teebɔl nɛ baa ta ebodobodo a deŋi so a sa Ebɔrɛ na,

2 Kronikɛls 2:4

Mee pɔr lambu nna nɛ m maŋkura Enyɛnpe Ebɔrɛ. K beeŋ baa la kakpa cheembi nɛ ma nɛ ma basa beeŋ baa bunyaŋ Ebɔrɛ nsaa chɔɔ duwu nɛ a kɔ efɛa belbelso nsaa lara bodobodo cheembi be sarga a sa mo saŋkikɛ. Ndoŋ malɛ gba nɛ anyeeŋ baa lara sarga chɔɔso kachipurso nɛ kaaseso kikɛ nɛ kewushiachɛ kikɛ nɛ kufɔl popɔr to be kachɛ juŋkparso kikɛ nɛ ewushi be nchɛ a maŋkura an Enyɛnpe nɛ an be Ebɔrɛ na. Mo e kaŋɛ Israɛlebi kenishipereso fanɛ b baa wora loŋ mbaanaayɔ.

Ezikɛl 41:22

bɔrɛsure nɛ b ta ndibi wora nna. Kumo be jeŋgreŋ daŋ fo fanɛ ayadra anu nɛ kumo be mparto malɛ daŋ fo fanɛ ayadra ana. Ndibi nɛ b ta n lɔŋɛ kumo be kaplɛkama. Ndoŋ nna nɛ kanyɛn na kaŋɛ ma le “Kede la kanyiŋi nna fanɛ Enyɛnpe Ebɔrɛ na bee keni mbe bɔrɛlambu so jemanɛ kikɛ nna.”

1 Samuɛl 21:5

Nɛ Deevid yɛ: “Kashenteŋto, b maŋ di beche. Ŋkpal manɛ so hale nɛ anyee yɔ nɛ an ya shuŋ kushuŋ kama gba, b maa wora loŋ. Ama ewura be kushuŋ to bre nɛ baaŋ wora loŋ a?”

2 Kronikɛls 2:3

Ewura Sɔlɔmɔn daŋ ta le be kubɔya ere nna n ya sa Tayɛ be Ewura Hiram: “Shin nɛ ma nɛ fo e baa ji yawu fanɛ kananɛ fo nɛ n tuto ewura Deevid daa ji yawu na, nɛ fo baa fa ndibi nɛ baa tre sida na a sa ma fanɛ kananɛ fo daŋ fa amo n sa mo nɛ e pɔr mbe ewura be laŋ na.