Ɛksodɔs 25:18 - EBƆRƐ BE KAWƆL

¹⁸ Shin nɛ b ta shuwa m bɛl asɔ anyɔ ko nɛ a du fanɛ emalaika nɛ baa tre chɛrubim na n yuu deka na be buuso na so.

Ɛksodɔs 25:18 ပူးပေါင်းရင်းမြစ်များ

Jɛnesis 3:24

Ebɔrɛ ka ju Adam nɛ mbe eche ashi kudɔbi na to n loge nɛ e shin nɛ emalaika nɛ baa tre chɛrubim na ba kudɔbi na be epeŋipetekpa m baa kaa keni kumo so, nɛ tokobi nɛ k bee suse edɛ bee filito a yɔ a ba, saŋɛ na so ekama maaŋ tiŋ n yɔ kedibi nɛ k bee sa ŋkpa na ase.

1 Kronikɛls 28:18

nɛ shuwa nɛ baaŋ ta n lɔŋɛ bɔrɛsure nɛ baaŋ baa chɔɔ duwu kumo so na nɛ kananɛ e beeŋ lɔŋɛ asɔ nɛ a du fanɛ emalaika nɛ b parga bumo be aba m buu Enyɛnpe be ŋkre be deka na be buuso so na nna.

2 Kronikɛls 3:10

Ewura Sɔlɔmɔn daŋ kaŋɛ mbe beshumpo nna fanɛ b ta kebɛlso n lɔŋɛ emalaika anyɔ be mpɔrduli nseŋ ta shuwa m mata m mata amo so n ta amo n yili acheembiana to be kakpa cheembi na to

Ɛksodɔs 25:17

Kumo be kaman nɛ b ta shuwa nɛ a maŋ kɔ eyurpi amo to n lɔŋɛ deka na be buuso nɛ kumo be nteŋ to e baa la ayadra ana nɛ kumo be mparto malɛ e baa la ayadra anyɔ. Buuso na be ketre e la ‘kuwɔr be kakpa’.

Ɛksodɔs 25:19

B ta chɛrubim na be kuko n yili buuso na be ekarso be kaba ko nseŋ ta kenyɔsopo na malɛ n yili kaba nɛ k ka na. B lɔŋɛ buuso na nɛ chɛrubim na n chɔga abar so nɛ a baa la kukoŋwule,

Ɛksodɔs 25:36

B ŋalga shuwa gbagba n lɔŋɛ kefitilatɔl na nɛ kumo be ayabi na, nɛ amo kikɛ e baa la kukoŋwule.

Ezikɛl 10:2

Nɛ Enyɛnpe Ebɔrɛ na kaŋɛ kanyɛn nɛ e buu piŋi lela na le: “Ya lara ajanwulɛ nɛ a kɔ edɛ ashi asɔ kulkulso nɛ a du fanɛ cheche be aya a wɔ asɔbɔya keniso na be akel to na n ya fari Jerusalɛm be kadegboŋ na kikɛ to.” Ndoŋ nna nɛ mee keni mo nɛ e bee yɔ.

Ezikɛl 10:20

Ndoŋ nna nɛ m pin geeŋ fanɛ asɔbɔya keniso ere nɛ n daŋ wu Israɛl be Ebɔrɛ na be kaseto na ashi Kɛba be lɔr ase na.

Ezikɛl 10:3

Jemanɛ nɛ kanyɛn na bee yɔ na nɛ asɔbɔya keniso na yil a laŋɛ bɔrɛlambu na be kelargato be kaseto na nna, nɛ kuwɔlpa buu bɔrɛlambu na be epunto be kelɔnɛ na kikɛ so.

Hibruwebi 9:5

Asɔ pɔrso anyɔ ko nɛ baa tre chɛrubim nɛ a daa ŋini fanɛ Ebɔrɛ be kemaŋkura wɔ ndoŋ na daa yuu deka na be kumu so nna m parga to m buu kakpa nɛ baa tre kuwɔr be kakpa na. Ama anyi maaŋ tiŋ m malga m malga asheŋ ere to n luri to n loge.

1 Samuɛl 4:4

Ndoŋ nna nɛ b shuŋi basa ko fanɛ b yɔ Shilo n ya ta Enyɛnpe be ŋkre be deka nɛ mbe ketre Enyɛnpetale deŋ mbe kuwurputi so ashi shuwa be emalaika anyɔ na be nferinto na m ba. Eli be mbinyɛnsobi anyɔ nɛ baa tre, Hofni nɛ Finihas gba daŋ ti bumo nɛ b ya ta ŋkre be deka na m ba na so.