Ɛksodɔs 25:16 - EBƆRƐ BE KAWƆL

¹⁶ B kaŋ lɔŋɛ deka na n loge nɛ fo ta ajembu pantraŋ pantrambi nɛ ma mbraana deŋi so nɛ meeŋ ta n sa fo ere n wɔtɔ kumo to.

Ɛksodɔs 25:16 ပူးပေါင်းရင်းမြစ်များ

1 Bewura 8:9

Shɛŋ shɛŋ daa maŋ wɔ ŋkre be deka na to ama ajembufalta anyɔ nɛ Mosis daŋ ta n wɔtɔ kumo to ashi kebeegboŋ nɛ baa tre Sainai na ase, saŋɛ so nɛ Enyɛnpe Ebɔrɛ daŋ lara Israɛlebi na Ijipt be efuli so nɛ bumo nɛ mo nase nnɔ n sa abar dra dra na.

2 Bewura 11:12

Kede be kaman nɛ Jehowada keta Jɔash n lar kowu nseŋ ta kuwurwuro m buu mo nseŋ n ta bewura be mbra be kawɔl n sa mo nseŋ chulgi ŋku n wurge mbe kumu so n ta mo ŋ ki ewura. Ndoŋ nna nɛ ekama na kpla enɔ nseŋ cha awɔr ŋ kaŋɛ le: “Ebɔrɛ e teŋi ewura na be ŋkpa so.”

2 Kronikɛls 23:11

Ade kikɛ be kaman nɛ Jehowada nɛ mbe mbinyɛnsobi ya keta Jɔash n lar kowu nseŋ ta kuwurwuro m buu mo. Kumo be kaman nɛ b ta bewura be mbra be kawɔl n sa mo n ta mo ŋ ki ewura. Bɔrɛmatapo Jehowada nɛ mbe mbinyɛnsobi e daŋ duga ŋku n do Jɔash be kumu so n ta mo ŋ ki ewura, nɛ ekama cha awɔr ŋ kaŋɛ: “Ebɔrɛ e teŋi ewura be ŋkpa so!”

Ɛksodɔs 16:34

Enyɛnpe Ebɔrɛ ka baŋ kaŋɛ Mosis na, nɛ e shin nɛ Ɛɛrɔn ta amo n yili kɔnɔkoŋwule be ŋkre be deka na be anishito, nɛ a baa yil ndoŋ.

Ɛksodɔs 25:21

Ade kikɛ be kaman nɛ b ta ajembu pantraŋ pantrambi anyɔ nɛ ma mbraana deŋi so na n wɔtɔ deka na to nseŋ ta buuso nɛ baa tre kuwɔr be kakpa na m buu so.

Ɛksodɔs 26:33

Kumo be kaman nɛ men ta patisa na ŋ kuŋ to nɛ k barga acheembiana to be kakpa cheembi na ashi kakpa cheembi na to nseŋ ta kɔnɔkoŋwule be ŋkre be deka na n yili patisa na be kaman

Ɛksodɔs 27:21

Ɛɛrɔn nɛ mbe mbinyɛnso e daga fanɛ b baa chɔɔ efitila na so a yili patisa nɛ k kuŋ kɔnɔkoŋwule be ŋkre be deka na be anishito na. B baa chɔɔ efitila na so kaaseso kikɛ nɛ a baa fuli to ma, Enyɛnpe Ebɔrɛ be wajɛbu na to a klade. A daga fanɛ Israɛlebi nɛ bumo be kaman to ebi kikɛ e baa bɛ mbra ere so mbaanaayɔ.

Ɛksodɔs 30:36

Shin nɛ b kɔr ako nɛ a pe fanɛ nyifu na n ta amo ŋ ŋmenyaŋ kɔnɔkoŋwule be ŋkre be deka na be anishito ashi Enyɛnpe be wajɛbu na to be kakpa nɛ ma nɛ fo beeŋ baa tu abar na. A daga fanɛ men baa ta duwu na fanɛ asɔ cheembi.

Ɛksodɔs 30:6

Kede be kaman nɛ men ta bɔrɛsure na n yili kakpa nɛ ma nɛ fo beeŋ baa shɛr na be patisa nɛ k kuŋ kɔnɔkoŋwule be ŋkre be deka na nɛ kumo be buuso nɛ baa tre kuwɔr be kakpa na be anishito na.

Ɛksodɔs 31:18

Ebɔrɛ ka malga Mosis kutɔ n loge ashi Sainai be kebee na so nɛ e ta ajembu pantraŋ pantrambi anyɔ nɛ mo ere Ebɔrɛ gbagba sibɛ mbe mbra n deŋi so na n sa Mosis.

Ɛksodɔs 32:15

Ade kikɛ be kaman nɛ Mosis ta ajembu pantraŋ pantrambi anyɔ nɛ Ebɔrɛ daŋ sibɛ mbra na n deŋi amo be kekama be mba anyɔ so na n shi kebee na so ŋ gbelge to m ba.

Ɛksodɔs 34:29

Mosis ka daŋ shi Sainai be kebee na so ŋ keta Mbra Kudu na m ba na, mbe anishiakpa daa kpa edɛ nna ŋkpal e ka yɔ Enyɛnpe Ebɔrɛ be anishito nɛ mo nɛ mo malga na so, ama mo alɛ daa maŋ nyi mbe anishiakpa ka du loŋ.

Ɛksodɔs 38:21

Besalɛl nɛ e la Uri pibinyɛn nseŋ naa la Hur nɛ e shi Juda be kanaŋ to na mo nanabi na e wora kusɔ kama nɛ Enyɛnpe Ebɔrɛ kaŋɛ Mosis na kikɛ. Esa nɛ e daŋ chɛ mo to e daa la Oholiab nɛ e la Ahisamak nɛ e shi Dan be kanaŋ to na pibinyɛn nɛ e kɔ enɔ to be kushuŋ be kenyi a tiŋ a ta ago be ejese lela nɛ ejese buru nɛ apeper kpaw nɛ apeper kunɔkunɔ a lue ŋko a jɔ. Asɔ nɛ b daŋ ta n lɔŋɛ Ebɔrɛ be wajɛbu nɛ kɔnɔkoŋwule be ŋkre be deka na nɛ asɔ nɛ a daa wɔ kumo to na be kananɛ a sa nde. Mosis e daŋ bɔla Itama nɛ e la bɔrɛmatapo Ɛɛrɔn pibinyɛn na so n shin nɛ Livaiebi sibɛ amo be egbɛ nɛ kananɛ a sa.

Ɛksodɔs 40:20

Ade be kaman nɛ e ta mbra be ajembu anyɔ na n wɔtɔ kɔnɔkoŋwule be ŋkre be deka na to nseŋ ta buuso nɛ baa tre kuwɔr be kakpa na m buu kumo so nseŋ shin nɛ b nyisi ndibi nɛ baa pɛ to a maŋ kumo so na n wɔtɔ amo be mpinibi na be amaŋ to.

Nɔmbɛs 17:4

Nɛ fo ta akpabi na n ya yili ŋkre be deka na be anishito, ashi Enyɛnpe be wajɛbu na be kakpa nɛ mee kaa tu fo na.

Ashuŋ Shunso 7:44

Ebɔrɛ be wajɛbu nɛ k daa ŋini fanɛ Ebɔrɛ wɔ an nanaana kutɔ na nɛ bumo e daa la kiyi to. Kananɛ Ebɔrɛ daŋ ŋini Mosis fanɛ e wora kumo na gbagba chap nɛ e daŋ wora kumo.

Romebi 3:2

Cha, Juwebi baa chɔ basa pɔtɛ ekpa kama so nna, ŋkpal manɛ so, kusɔ nɛ k juŋkpar e la fanɛ bumo nɛ Ebɔrɛ ta mbe mmalga m bɔɔ enɔ.

Ditɛronɔmi 31:26

“Men sɔ Ebɔrɛ be mbra be kawɔl ere n nase m mata Enyɛnpe menyi be Ebɔrɛ na be kɔnɔkoŋwule be ŋkre be deka na. K beeŋ baa wɔtɔ ndoŋ a ji shɛda fanɛ men nyi kusɔ nɛ Enyɛnpe Ebɔrɛ na bee sha fanɛ men baa wora.

Hibruwebi 9:4

Ndoŋ nɛ shuwa be bɔrɛsure nɛ baa chɔɔ duwu kumo so na wɔ. Ndoŋ koŋwule na nɛ kɔnɔkoŋwule be ŋkre be deka nɛ duwu mata m mata kumo kikɛ so na daa wɔ nɛ shuwa be kapuya nɛ k kɔ manna na. Ɛɛrɔn be kekpabi nɛ k bee purge afantaŋ na nɛ ajembu anyɔ nɛ b sibɛ mbraana na n deŋi so na malɛ kikɛ daa wɔ deka na to nna.

Joshuwa 4:16

“Kaŋɛ bɔrɛmatapoana nɛ b sulɔ Ebɔrɛ be ŋkre be deka na kenishipereso fanɛ b dii Jɔɔdan be lɔr na.”