Ɛksodɔs 24:9 - EBƆRƐ BE KAWƆL

⁹ Asheŋ ere kikɛ be kaman nɛ Mosis nɛ Ɛɛrɔn nɛ Nadab nɛ Abihu nɛ Israɛlebi na be bejuŋkparpo adushunu dii kebee na be esoso.

Ɛksodɔs 24:9 ပူးပေါင်းရင်းမြစ်များ

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

Ɛksodɔs 19:24

Nɛ Enyɛnpe Ebɔrɛ kaŋɛ Mosis: “Gbelge n yɔ kaseto nɛ fo nɛ Ɛɛrɔn kikɛ e ya bɛta m ba. Ama bɔrɛmatapoana na nɛ basa na bre be ekama e sa maŋ kaŋ temba egbaŋ na ashi kebeegboŋ na be kaseto n dii m ba ma kutɔ. Nɛ b wora loŋ, meeŋ gberge bumo kusoe.”

Ɛksodɔs 24:1

Kachako nɛ Enyɛnpe Ebɔrɛ kaŋɛ Mosis le: “Fo nɛ Ɛɛrɔn nɛ Nadab nɛ Abihu nɛ Israɛlebi be bejuŋkparpo adushunu e ba ma kutɔ ashi kebee ere ase nfe. Ama pɔɛŋ nɛ men fo kumo men feŋ n yili m bunyaŋ ma.

Ɛksodɔs 28:1

Naniere shin nɛ fo da Ɛɛrɔn nɛ mbe mbinyɛnso Nadab nɛ Abihu nɛ Eliazaa nɛ Itama e lar Israɛlebi na to m ba fo kutɔ, saŋɛ na so baaŋ ba kaa la bɔrɛmatapoana a shuŋ ma.

Ɛksodɔs 33:20

Ama m maaŋ shin nɛ fo wu ma anishito bre, ŋkpal manɛ so, esa kama maaŋ tiŋ n wu ma anishito nseŋ ji efute.

Aizaaya 6:1

Kafɛ nɛ ewura Uzzaya wu na nɛ ŋ ku bɔrɛdare n wu Enyɛnpe Ebɔrɛ na nɛ e tase mbe kuwurputi so kemaŋkura nɛ bunyanso. Mbe kuwurpiŋi daŋ sɔ bɔrɛlambu na be kaplɛkama nna.

Ezikɛl 44:3

Israɛl be ewura beeŋ tiŋ m ba nfe m ba ji ajibi nɛ b ta n lara sarga n sa ma, ama a daga fanɛ e bɔla kabunagboŋ ere be kedɛdɛ na to nna n luri ŋko n lar.”

Levitikɔs 10:1

Nadab nɛ Abihu kikɛ daa la Ɛɛrɔn be mbinyɛnsobi nna nɛ b daŋ wora n da Enyɛnpe Ebɔrɛ na so ŋkpal b ka daŋ wora edɛ n wɔtɔ edɛtɔl to n chɔɔ duwu ekpa nɛ k maŋ daga so m ba Enyɛnpe Ebɔrɛ na be anishito so.

Nɔmbɛs 11:16

Nɛ Enyɛnpe Ebɔrɛ kaŋɛ Mosis le: “Lara Israɛl be bejuŋkparpo adushunu nɛ basa na bee sa bunyaŋ nɛ b nyi bumo be ashuŋ nɛnɛ, nɛ fo nɛ bumo kikɛ e ba yili Enyɛnpe be wajɛbu na be kabuna.

Demujipoana 13:22

Kumo be kaman nɛ Manoa kaŋɛ mbe eche: “Anyee shin nɛ an wu nna na, ŋkpal manɛ so, an wu Ebɔrɛ kenishiso!”