Ɛksodɔs 24:8 - EBƆRƐ BE KAWƆL

⁸ Ndoŋ nna nɛ Mosis ta ŋklaŋ na be amo nɛ a wɔ ntishaŋ to na malɛ ŋ ŋmenyaŋ basa na so nseŋ kaŋɛ le: “Men keni kɔnɔkoŋwule be ŋkre nɛ menyi nɛ Enyɛnpe Ebɔrɛ bɔla mmalga ere kikɛ so n nase na be ŋklaŋ nna na.”

Ɛksodɔs 24:8 ပူးပေါင်းရင်းမြစ်များ

1 Bewura 8:21

N ta Enyɛnpe Ebɔrɛ be ŋkre be deka nɛ afaltajembu nɛ a la ŋkre nɛ Enyɛnpe Ebɔrɛ nɛ mbe basa Israɛlebi kre saŋɛ nɛ e lara bumo ashi Ijipt be kasawule so na, n wɔtɔ n yili bɔrɛlambu na to.”

1 Bewura 8:9

Shɛŋ shɛŋ daa maŋ wɔ ŋkre be deka na to ama ajembufalta anyɔ nɛ Mosis daŋ ta n wɔtɔ kumo to ashi kebeegboŋ nɛ baa tre Sainai na ase, saŋɛ so nɛ Enyɛnpe Ebɔrɛ daŋ lara Israɛlebi na Ijipt be efuli so nɛ bumo nɛ mo nase nnɔ n sa abar dra dra na.

Nshɛ 78:36

Ama bumo be nnɔ to be mmalga kikɛ la efɛ nna. Asheŋ kama nɛ baa malga maa shi bumo be ŋgbene to.

Ɛksodɔs 24:6

Nɛ Mosis ta loŋ be asɔbɔya na be ŋklaŋ be bargato n wɔtɔ ntishaŋ to nseŋ ta bargato nɛ a ka na malɛ ŋ ŋmenyaŋ bɔrɛsure na so.

Aizaaya 52:15

Ma kenya na beeŋ sa efuliana na be basa ekpa nɛ b ki basa nɛ baaŋ tiŋ n shuŋ ma Enyɛnpe Ebɔrɛ na. Bewura beeŋ wu mo nɛ k wora bumo mamachi nseŋ mɔ bumo be nnɔ. Efuli pɔtɛana be basa beeŋ wu asɔ nɛ b maŋ naŋ wu ŋ ku so, nseŋ fɛ asɔ nɛ b maŋ naŋ fɛ amo be asheŋ ŋ ku so be nfɛra.”

Jɛremaya 31:32

Kɔnɔkoŋwule be ŋkre popɔr na beeŋ baa du fanɛ kedra nɛ ma nɛ bumo nananyɛnana daŋ wora jemanɛ nɛ n daŋ juŋkpar bumo n lar Ijipt be kasawule so nsaa ŋini bumo ekpa ashi bumo be enite to na nna. N daa du fanɛ ekul nɛ e bee sha mbe eche ga na nna n sa bumo, ama b daa maŋ bɛ ma nɛ bumo be kɔnɔkoŋwule be ŋkre na so.

Ezikɛl 16:8

Ŋ ka naŋ ba wu fo nɛ m pin fanɛ naniere fo ki eche nna n loge na, nɛ n ta ŋ gbagba be kusɔbuuso m buu fo kayurkpaŋ so. Kumo be kaman nɛ n nase kɔnɔ n sa fo nseŋ bɔ ntaŋ fanɛ feeŋ baa la meya nɛ ma, Enyɛnpetale Ebɔrɛ na e baa keni fo so.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Levitikɔs 8:30

Ade kikɛ be kaman nɛ Mosis wora ŋku nɛfaso na nɛ bɔrɛsure na so be ŋklaŋ na be ako ŋ ŋmenyaŋ Ɛɛrɔn nɛ mbe mbinyɛnsobi na nɛ bumo be asɔbuuso so, nɛ bumo nɛ amo kikɛ ki cheembi Ebɔrɛ be anishito.

Heegai 2:5

Kɔnɔ koŋwule be ŋkre nɛ ma nɛ men nanaana daŋ kre jemanɛ nɛ b daŋ lar Ijipt be efuli so na nɛ ŋ kraa bɛ so na. Ma alɛ be Kiyoyu kraa wɔ menyi to, amoso men sa maa lɔ kufu.

Zakareya 9:11

Enyɛnpe Ebɔrɛ na yɛ: “Ŋkpal ma nɛ menyi be kɔnɔkoŋwule be ŋkre nɛ b ta esarga be ŋklaŋ m mɔ kumo so na so, meeŋ lara menyi be basa ashi kenyaya nɛ k du fanɛ kemaŋ chiŋgeliŋ nɛ k maŋ kɔ nchu na to.

Matiu 26:28

Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so a bar alubi be ketampaŋ na.

Maak 14:24

Nɛ Yesu kaŋɛ bumo: “Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so.

Luuk 22:20

Men baa wora loŋ a nyiŋi ma.” Ajibi na be kaman nɛ e ta kawiebi na malɛ n wora kananɛ e daŋ keta bodobodo na n wora na nseŋ kaŋɛ bumo: “Kawiebi ere to be asɔnuuso nɛ baa duga a sa menyi ere e la Ebɔrɛ nɛ dimɛdi be kɔnɔkoŋwule be ŋkre popɔr nɛ k wɔtɔ ŋkpal ma ŋklaŋ so na.

1 Kɔrintebi 11:25

B ka ji n loge nɛ e ta kawiebi na malɛ n wora kananɛ e daŋ wora na ŋ kaŋɛ: “Kawiebi ere e la Ebɔrɛ nɛ dimɛdi be ŋkre popɔr ŋkpal ma ŋklaŋ so na. Men baa wora loŋ saŋkikɛ nɛ menyee nuu asɔrso be asɔnuuso ashi kumo to na a nyiŋi ma.”

Ɛfesesebi 1:7

Ŋkpal manɛ so, Kristo be luwu na so e shin nɛ an nya an be amu na. Ebɔrɛ ta anyi be alubi m paŋ anyi. Kashenteŋto malɛ Ebɔrɛ be kuwɔr be kakɛ nɛ e bugi kagbene kikɛ n sa anyi na shi pasaa.

Ditɛronɔmi 5:2

Sainai be kebeegboŋ na ase nɛ anyi nɛ Enyɛnpe, anyi be Ebɔrɛ na wora kɔnɔkoŋwule be ŋkre. Mannɛ an nananyɛnana nɛ mo e daŋ wora ŋkre na, ama anyi nɛ an wɔ ŋkpa to kabre ere gba nɛ mo e wora kumo.

Hibruwebi 10:29

To, nɛ kananɛ k du le ere nɛ esa bee keni Ebɔrɛ Pibinyɛn na jiga ŋko a ta Ebɔrɛ be kɔnɔkoŋwule na be ŋkre be ŋklaŋ nɛ baa ta amo a fɔr basa so nɛ baa ki cheembi na fanɛ kusɔ nɛ k maŋ la shɛŋ ŋko a tege kuwɔr be kakɛ be Kiyoyu na bre, amodoŋwura be kasogberge beeŋ baa shi ga a chɔ Mosis be mbra na peya.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

Joshuwa 24:25

Loŋ be kachɛ na nɛ Joshuwa nase kɔnɔ n sa basa na nseŋ yili Shɛkɛm n sa bumo mbra nɛ baaŋ baa bɛ so.

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.