Ɛksodɔs 24:4 - EBƆRƐ BE KAWƆL

⁴ Ndoŋ nna nɛ Mosis sibɛ Enyɛnpe Ebɔrɛ be mmalga na kikɛ n nase. Kare ka chɛ kachipurdidi nɛ e wule ŋ koso n ya yuu bɔrɛsure ashi kebee na be kaseto nseŋ ta ajembu tenteŋ kuduanyɔ n yuu nɛ a yili n sa Israɛlebi be eyiri kuduanyɔ na.

Ɛksodɔs 24:4 ပူးပေါင်းရင်းမြစ်များ

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 28:18

Kare ka chɛ chipurdidi nɛ Jeekɔb ta kejembu nɛ e daŋ ŋele na n yuu fanɛ kanyiŋi be kejembu na nseŋ duga ŋku n wurge kumo be kumu so.

Jɛnesis 28:22

Amoso nɛ n yuu kejembu ere n dulgi ndoŋ nɛ k baa la fo Ebɔrɛ pe na. Kusɔ kama malɛ nɛ fo sa ma, meeŋ lara kumo be kudusopo n sa fo.”

Jɛnesis 31:45

Ndoŋ nna nɛ Jeekɔb ta kejembu ko n yuu n dulgi ndoŋ.

1 Bewura 11:30

Nɛ anebi Ahija bugi mbe piŋi popɔr ŋ kpɛa kumo to achɛbi kuduanyɔ,

1 Bewura 18:31

Kede be kaman nɛ e ta ajembu kuduanyɔ nɛ amo be kekama yili n sa Jeekɔb, nɛ Enyɛnpe Ebɔrɛ na nase ketre Israɛl na, be mbinyɛnsobi kuduanyɔ na be ekama.

Ɛzra 6:17

Kachɛ nɛ b ta bɔrɛlambu na m bɔɔ Ebɔrɛ enɔ na, egbolu kalfa nɛ ekpakpa alfa anyɔ nɛ mbolpɔ alfa ana nɛ b ta n lara sarga n sa Ebɔrɛ. B daŋ mɔ mboe kudu anyɔ nna n lara sarga ŋ kule alubi be ketampaŋ n sa Israɛl be nnaŋ kudu anyɔ na kikɛ.

Nehemaya 10:1

Basa nɛ b daŋ yisi enɔ nɛ ŋkre na yili e la Hakalia pibinyɛn Nehemaya nɛ e la gomena na nɛ Zɛdikaya nɛ bɔrɛmatapoana

Ɛksodɔs 17:14

Kumo be kaman nɛ Enyɛnpe Ebɔrɛ kaŋɛ Mosis le: “Sibɛ kekɔmpɔɔso ere be asheŋ kikɛ n nase kawɔl to, saŋɛ na so k beeŋ baa la kanyiŋi nɛ fo kraŋ kumo ŋ ŋini Joshuwa. Ŋkpal manɛ so meeŋ mur Amalɛkebi nɛ b ka na kikɛ cheche ashi kasawule so nɛ esa kikɛ maaŋ naŋ nu bumo be asheŋ.”

Ɛksodɔs 17:15

Ade kikɛ be kaman nɛ Mosis pɔr bɔrɛsure nseŋ nase kumo: ‘Enyɛnpe Ebɔrɛ na e la ma Kekɔmpɔɔso be tuuta.’

Ɛksodɔs 21:1

Ndoŋ nna nɛ Ebɔrɛ naŋ kaŋɛ Mosis le: “Naŋ ta le be mbraana ere n sa Israɛlebi na.

Ɛksodɔs 24:7

Kede be kaman nɛ e ta kɔnɔkoŋwule be ŋkre be kawɔl na ŋ kraŋ kumo awɔrso nɛ basa na nu nseŋ kaŋɛ le: “Mmalga nɛ Enyɛnpe Ebɔrɛ na malga na kikɛ, anyeeŋ bɛ amo so nseŋ wora kasonu n sa amo.”

Ɛksodɔs 28:21

A daga fanɛ b chaŋ n chaŋ Israɛlebi be nnaŋ kuduanyɔ na be ketre kama n deŋi ajembu kuduanyɔ na be kekama so.

Ɛksodɔs 34:27

Ade kikɛ be kaman nɛ Enyɛnpe Ebɔrɛ na naŋ kaŋɛ Mosis le: “Sibɛ mmalga nɛ ma nɛ fo nɛ Israɛlebi na yili so n wora kɔnɔkoŋwule be ŋkre na n nase.”

Aizaaya 19:19

Kumo be kaman nɛ basa na e pɔr bɔrɛsure n sa Enyɛnpe Ebɔrɛ na ashi Ijipt be kasawule so nseŋ naŋ yuu kanyiŋi be ajembu ashi Ijipt nɛ efuli pɔtɛana be egbaŋ to n sa mo.

Levitikɔs 24:5

Men ta nyifu fanɛ kurwa ashe n wora ebodobodo kudu anyɔ.

Nɔmbɛs 17:2

“Kaŋɛ Israɛlebi fanɛ bumo be nnaŋ kuduanyɔ na be kekama e wora bumo be ejuŋkparpo be kekpabi. Nɛ fo sibɛ ejuŋkparpo kama be ketre n deŋi mbe kekpabi so.

Luuk 22:30

n ji nseŋ nuu ashi ma kuwura to nseŋ naaŋ chena nwurputiana so n ji Israɛlebi be nnaŋ kuduanyɔ na demu.”

Galeeshaebi 2:9

Jeems nɛ Pita nɛ Jɔn nɛ ekama daa nyi b ka la benimu na, e daŋ shuli n sa ma nɛ Baanabas fanɛ an baa la bumo braana beshuŋipo ŋkpal kananɛ b daŋ wu Ebɔrɛ be kuwɔr be kakɛ nɛ e daŋ sa ma na so. B daŋ shuli nna fanɛ an yɔ nnyamase kutɔ nɛ bumo alɛ yɔ Juwebi kutɔ.

Ditɛronɔmi 31:9

Mosis daŋ sibɛ Ebɔrɛ be mbra na nna n wɔtɔ kawɔl to nseŋ ta kumo n sa Israɛl be bejuŋkparpoana na nɛ bɔrɛmatapoana nɛ b shi Livai be yiri to nsaa keni Enyɛnpe Ebɔrɛ na be kɔnɔkoŋwule be ŋkre be deka so na.

Joshuwa 4:20

Ndoŋ nna nɛ Joshuwa koli ajembu kuduanyɔ nɛ b tise ashi Jɔɔdan be lɔr na to na n deŋi abar so ashi Gilgaal,

Joshuwa 4:5

ŋ kaŋɛ bumo le: “Men be ekama e yɔ men Nyɛnpe Ebɔrɛ be ŋkre be deka na ase ashi Jɔɔdan be lɔr na be nferinto n ya ta kejembu n deŋi mbe kebatemu so n yili katelamu n sa mbe kanaŋ ashi Israɛl be nnaŋ kuduanyɔ na to.

Kelaraŋŋini 21:14

Kadegboŋ na be egbal daa kɔ egbaltɔlase kuduanyɔ nɛ gbaltɔlase kama malɛ daa kɔ Kpakpafɔlbi na be beshuŋipo kuduanyɔ na be ekoŋwule kama be ketre.