Ɛksodɔs 24:18 - EBƆRƐ BE KAWƆL

¹⁸ Ndoŋ nna nɛ Mosis luri kuwɔlpa na to n yɔ kebee na be esoso n ya ji kebee na so nchɛ adena nɛ nnyɛ adena.

Ɛksodɔs 24:18 ပူးပေါင်းရင်းမြစ်များ

1 Bewura 19:11

Nɛ Enyɛnpe Ebɔrɛ kaŋɛ mo le: “Lar n ya yili kebee na be esoso a jo ma, meeŋ ba choŋ.” Ndoŋ nna nɛ Enyɛnpe Ebɔrɛ shin nɛ afu lempo ko ba ber kebee na nseŋ bu kumo n lɛ m bure afalta nɛ a wɔ ndoŋ na to, ama Enyɛnpe na daa maŋ wɔ afu na to. Afu na ka yige nɛ kasawule be kegbuŋgbuŋ malɛ bɛ so ama Enyɛnpe na daa maŋ wɔ kumo alɛ gba to.

1 Bewura 19:8

Nɛ anebi Elaija koso n ji nseŋ nuu nchu nɛ ajibi na sa mo eleŋ nɛ e nite nchɛ adena kikɛ hale n yɔ kebee cheembi nɛ baa tre Sainai na.

Ɛksodɔs 19:20

Kumo be kaman nɛ Enyɛnpe Ebɔrɛ na gbelge m ba Sainai be kebeegboŋ na be awɔlto nɛ Mosis dii n ya tu mo ndoŋ.

Ɛksodɔs 24:17

Israɛlebi na bre kutɔ, Enyɛnpe Ebɔrɛ be kemaŋkura nɛ k daŋ nyaŋɛ n yuu kebee na so daa du fanɛ edɛgboŋ ko ka bee chɔɔ na.

Ɛksodɔs 25:1

Nɛ Enyɛnpe kaŋɛ Mosis:

Ɛksodɔs 32:1

Mosis ka daŋ chɛr kebee na so nsaa maŋ ba manaŋ na nɛ basa na ba shɛr ŋ kulti Ɛɛrɔn nseŋ kaŋɛ mo: “Koso n lɔŋɛ ebɔrɛ ko n sa anyi nɛ e baa juŋkpar anyi. Ŋkpal manɛ so, anyi maŋ nyi kusɔ nɛ k wora Mosis, nɛ e juŋkpar anyi n lar Ijipt be kasawule so na.”

Ɛksodɔs 34:28

Nchɛ adena nɛ nnyɛ adena nɛ Mosis daŋ ta a wɔ Enyɛnpetale Ebɔrɛ na kutɔ nsaa maa ji ŋko a nuu. Loŋ be saŋɛ nɛ Enyɛnpe Ebɔrɛ daŋ sibɛ kɔnɔkoŋwule be ŋkre be mmalga na n deŋi ajembu pantraŋ pantrambi anyɔ na so. Amo e la mbra kudu na.

Ɛksodɔs 9:29

Nɛ Mosis malɛ kaŋɛ mo: “Ŋ kaŋ baŋ lar kade ere to na nɛ meeŋ maŋ ma enɔana so ŋ kule Enyɛnpe Ebɔrɛ nɛ e shin nɛ bɔrɛ na be keponte nɛ abɔrɛjembubi gbɛgbɛso na kikɛ e ku nɛ fo pin fanɛ durnya ere la Enyɛnpe Ebɔrɛ na peya nna.

Ɛksodɔs 9:33

Ade be kaman nɛ Mosis nɛ Ɛɛrɔn lar ewura Fɛɛro kutɔ nɛ kade na to nɛ Mosis maŋ mbe enɔana so ŋ kule Enyɛnpe Ebɔrɛ nɛ bɔrɛ na be keponte na nɛ abɔrɛjembubi gbɛgbɛso na kikɛ nɛ bɔrɛchu nɛ k daa chulgi kasawule na so na kikɛ ku kuraa.

Aŋasa 28:1

Basa lubi bee shile nna nsaa gbɛ a keni fanɛ esa ko ka bee ju bumo na, ama basa nɛ baa wora asheŋ niŋiso bre bee nite kenyɛnso nna fanɛ buluŋ na.

Matiu 4:2

Nchɛ adena nɛ nnyɛ adena nɛ Yesu daŋ ta ŋ kishi ndoŋ. Nchɛ na be kaman nɛ akoŋ pɛ mo.

Maak 1:13

E daa wɔ ndoŋ nchɛ adena nɛ Setani bee chɔ mo a keni. Kupuŋ to be asɔbɔya lubi gba daa wɔ ndoŋ nɛ emalaika ba chɛ mo to.

Luuk 4:2

Nɛ alubipo na ya chɔ mo ndoŋ nchɛ adena ŋ keni. Mbe kechɔŋkeni be jemanɛ na malɛ kikɛ nɛ e daa maa ji shɛŋ, amoso, kumo be kaman akoŋ daŋ pɛ mo nna.

Ditɛronɔmi 10:10

Jemanɛ nɛ n naŋ ta ajembu peŋgeleŋ peŋgelembi popɔr anyɔ na n dii kebee na so na, nchɛ adena nɛ nnyɛ adena nɛ n naŋ ji ndoŋ fanɛ kananɛ n daŋ keji ndoŋ na. Ndoŋ nna nɛ Enyɛnpe Ebɔrɛ na naŋ nu ma kekule nseŋ shuli fanɛ e maaŋ mur bumo.

Ditɛronɔmi 5:31

Ama fo ere, Mosis, e shir ma kutɔ nfe nɛ n ta ma mbraana kikɛ n sa fo nɛ fo ta amo n ya ŋini basa na, saŋɛ na so baaŋ baa wora amo kasonu ashi kasawule nɛ mee sa bumo na so.”

Ditɛronɔmi 9:18

Ndoŋ nna nɛ n ta enɔ m buu anishi so ŋ kurgi kumu n yuu to nseŋ kule Enyɛnpe Ebɔrɛ na. Nchɛ adena nɛ nnyɛ adena nɛ m maa ji ŋko a nuu. Ma alɛ daŋ wora le nna ŋkpal men nananyɛnana ka wora kulubi n da Enyɛnpe Ebɔrɛ na so nɛ e nya agbo na so.

Ditɛronɔmi 9:25

Amoso nɛ n daŋ buu anishi so nseŋ kurgi kumu n yuu to ashi Enyɛnpe be wajɛbu na to nchɛ adena nɛ nnyɛ adena a kule Ebɔrɛ na, ŋkpal manɛ so, n daa nyi geeŋ fanɛ e daa kre kemur bumo nna.

Ditɛronɔmi 9:9

Ma e daŋ dii n yɔ kebeegboŋ na be awɔlto n ya sɔ ajembu peŋgeleŋ peŋgelembi nɛ menyi nɛ Enyɛnpe Ebɔrɛ na be kɔnɔkoŋwule be ŋkre nɛ baa tre amo Mbra Kudu na deŋ so na. Nchɛ adena nɛ nnyɛ adena nɛ n wɔ ndoŋ a maa ji ŋko a nuu.