Ɛksodɔs 24:16 - EBƆRƐ BE KAWƆL

¹⁶ Nɛ Enyɛnpe Ebɔrɛ be kemaŋkura gbelge m ba Sainai be kebee na so nɛ kuwɔlpa na buu kumo so hale n ya fo nchɛnshe. Kachɛ shunusopo na nɛ Enyɛnpe Ebɔrɛ shi kuwɔlpa na be nferinto n tre Mosis.

Ɛksodɔs 24:16 ပူးပေါင်းရင်းမြစ်များ

Nshɛ 99:7

E daŋ bɔla kuwɔlpa to nna m malga n sa Mosis nɛ Ɛɛrɔn; nɛ bumo alɛ daŋ wora mbe mbraana nɛ atande nɛ e ta n sa bumo na kasonu.

Ɛksodɔs 16:10

Ɛɛrɔn ka bee malga a sa Israɛlebi na nɛ b keni keshishɛrsawule na be kaba so n wu Enyɛnpe be kemaŋkura ka bee nyaŋɛ kuwɔlpa to epul na to.

Ɛksodɔs 19:11

nseŋ wora shiriya a jo ma eklade. Kumo be kachɛ ma, Enyɛnpe Ebɔrɛ na beeŋ gbelge m ba Sainai be kebeegboŋ na so ashi basa na kikɛ be anishito.

Ɛksodɔs 19:9

Nɛ Enyɛnpe Ebɔrɛ kaŋɛ Mosis: “Keni, meeŋ bɔla kuwɔlpagboŋ ko to a malga fo kutɔ, saŋɛ na so basa na beeŋ nu ŋ ka bee malga fo kutɔ nsaa yirda fo saŋkama.” Ndoŋ nna nɛ Mosis naŋ kaŋɛ Enyɛnpe Ebɔrɛ asheŋ nɛ bejuŋkparpoana na malɛ malga kikɛ.

Ɛksodɔs 20:10

Kachɛ shunusopo na bre la ewushi be kachɛ nna n sa Enyɛnpe Ebɔrɛ men be Ebɔrɛ na. Kumo be kachɛ na bre menyi nɛ men be bibinyɛn nɛ bibiche nɛ anya nyɛnso nɛ becheso nɛ asɔbɔya dɔso nɛ befɔ nɛ b wɔ men be nde to kikɛ, maŋ daga fanɛ b shuŋ kushuŋ kikɛ.

Ɛksodɔs 24:17

Israɛlebi na bre kutɔ, Enyɛnpe Ebɔrɛ be kemaŋkura nɛ k daŋ nyaŋɛ n yuu kebee na so daa du fanɛ edɛgboŋ ko ka bee chɔɔ na.

Aizaaya 4:5

Kumo be kaman nɛ Enyɛnpe Ebɔrɛ na e shin nɛ kuwɔlpa e baa buu kebee nɛ baa tre Zayɔn na nɛ bekama nɛ b gama ndoŋ na so kapaso nseŋ shin nɛ edishi nɛ edɛ wuloŋwuloŋ nɛ kefulto e baa buu kumo so kanyɛso. Ebɔrɛ be kemaŋkura beeŋ baa buu kadegboŋ na kikɛ so a kuŋ kumo.

Ezikɛl 1:28

fanɛ kananɛ bɔrɛ bee mɔl nɛ kabɔrɛnyaŋgelambi bee lar kuwɔlpa so a fulto na. Ndoŋ nna nɛ m pin fanɛ Enyɛnpe Ebɔrɛ na be kemaŋkura nɛ n wu na nseŋ ta enɔ m buu anishi so epul na to ŋ tɔr epun so. Kumo be kaman nɛ n nu ebɔl ko ka bee malga ma kutɔ.

Levitikɔs 9:23

Kumo be kaman nɛ Mosis nɛ Ɛɛrɔn luri wajɛbu na to. B ka lar m ba nɛ b nɛfa basa na nɛ Enyɛnpe Ebɔrɛ na be kemaŋkura fulto ndoŋ nɛ basa na kikɛ wu kumo.

Levitikɔs 9:6

Nɛ Mosis kaŋɛ: “Kusɔ nɛ Enyɛnpe Ebɔrɛ na yili fanɛ men wora nna na, saŋɛ na so mbe kemaŋkura beeŋ lar menyi so.”

Nɔmbɛs 14:10

Ŋkpal kusɔ nɛ Joshuwa nɛ Kalɛb kaŋɛ na so Israɛlebi na daa sha kekpa bumo ajembu nna m mɔ, ama epul na to nɛ Enyɛnpe Ebɔrɛ be kemaŋkura lar Israɛlebi na so nseŋ buu Enyɛnpe be wajɛbu cheembi na so.

Nɔmbɛs 16:42

B ka ba abar so nɛ b ba malga ŋ gbiti Mosis nɛ Ɛɛrɔn na, nɛ b keni wajɛbu na be kaba so, nseŋ wu Enyɛnpe Ebɔrɛ be kemaŋkura ka bɔla kuwɔlpa to m ba buu kumo so.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Kelaraŋŋini 1:10

Enyɛnpe be kachɛ ko mbe kiyoyu koso ma kikɛ to nɛ n nu ebɔl ka wora awɔr ma kamanto fanɛ kabel na.