Ɛksodɔs 24:14 - EBƆRƐ BE KAWƆL

¹⁴ Ama le nɛ Mosis daŋ kaŋɛ Israɛlebi be bejuŋkparpo na: “Men baa wɔ keeyi ere to a jo anyi hale nɛ an ya bɛta m ba. Ama Ɛɛrɔn nɛ Hur bre beeŋ baa wɔ menyi kutɔ nfe, amoso nɛ men be ekama nya demu e beeŋ tiŋ n ta kumo n yɔ bumo kutɔ nɛ b keni kumo to n sa mo.”

Ɛksodɔs 24:14 ပူးပေါင်းရင်းမြစ်များ

Jɛnesis 22:5

Ndoŋ nna nɛ e kaŋɛ mbe nyɛrbi na le: “Menyi nɛ kurma ere e baa wɔ nfe nɛ ma nɛ kebia ere e yɔ anishito n ya bunyaŋ Ebɔrɛ nseŋ bɛta m ba menyi kutɔ nfe.”

Ɛksodɔs 17:10

Nɛ Joshuwa wora kananɛ Mosis kaŋɛ mo na nseŋ keta benyɛn na n ya kaa kɔ Amalɛkebi na kena. Nɛ Mosis nɛ Ɛɛrɔn nɛ Hur malɛ dii n yɔ kebee na be esoso n ya yili.

Ɛksodɔs 17:12

Ŋkpal loŋ so Mosis be enɔana kikɛ daŋ gben nna nɛ Ɛɛrɔn nɛ Hur ta kejembu m bar mo nɛ e chena so nɛ b pɛ mbe enɔana to m maŋ amo so awɔlto. Eko daa yil mbe jisa so nɛ eko malɛ yil mbe bena so. B daŋ baa kɔ mbe enɔana na to nna kpakpa hale nɛ epeŋi ya tɔr.

Ɛksodɔs 18:16

Nɛ fanɛ bumo be benyɔ malɛ baŋ wora n da abar so baa ba ma kutɔ nna nɛ n yili Ebɔrɛ be mmalga naseso nɛ mbe mbraana so n ji bumo demu m pin emo nɛ e kɔ kashenteŋ.”

Ɛksodɔs 32:1

Mosis ka daŋ chɛr kebee na so nsaa maŋ ba manaŋ na nɛ basa na ba shɛr ŋ kulti Ɛɛrɔn nseŋ kaŋɛ mo: “Koso n lɔŋɛ ebɔrɛ ko n sa anyi nɛ e baa juŋkpar anyi. Ŋkpal manɛ so, anyi maŋ nyi kusɔ nɛ k wora Mosis, nɛ e juŋkpar anyi n lar Ijipt be kasawule so na.”

1 Samuɛl 10:8

Juŋkpar ma a yɔ Gilgaal nɛ m ba tu fo ndoŋ n lara sarga chɔɔso nɛ kɔnɔkoŋwuleso be esarga. Ya jo ma ndoŋ bɔkwe nɛ m ba kaŋɛ fo kusɔ nɛ feeŋ wora.