Ɛksodɔs 24:10 - EBƆRƐ BE KAWƆL

¹⁰ Ndoŋ nɛ b wu Israɛl be Ebɔrɛ na, nɛ kaboŋ dɛdɛso nɛ k du fanɛ yawukpakpaso be kejembu nɛ baa tre safiri na nseŋ fulto parr fanɛ awɔlpa na, ka wɔ mbe aya be kaseto.

Ɛksodɔs 24:10 ပူးပေါင်းရင်းမြစ်များ

Jɛnesis 32:30

Amoso nɛ Jeekɔb daŋ nase kaboŋ na be ketre Peniyɛl na, ŋkpal manɛ so, e yɛ: “N wu Ebɔrɛ kenishiso nfe nna, ma alɛ maŋ wu.”

Jɛnesis 32:31

Epeŋi maŋ so nna pɔɛŋ nɛ e lar Peniyɛl a tɔr keleŋ so a yɔ.

1 Bewura 22:19

Nɛ anebi Mikaya kraa malga nseŋ kaŋɛ le: “Nu! N wu Enyɛnpe Ebɔrɛ na ka chena mbe kuwurputi so nɛ mbe emalaika kikɛ kulti mo ashi Ebɔrɛso,

2 Kronikɛls 6:17

Enyɛnpe nɛ fo la Israɛl be Ebɔrɛ na, shin nɛ kusɔ kama nɛ fo nase kumo be kɔnɔ n sa fo kenya ewura Deevid na a bɔlɔ so.

Ɛksodɔs 24:11

Ama Ebɔrɛ daa maŋ teŋi mbe enɔ m bar tɔrɔ Israɛl be bejuŋkparpo na be ekama so. B daŋ wu mo kenishiso nseŋ kraa wɔtɔ a ji a nuu.

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Ɛksodɔs 33:20

Ama m maaŋ shin nɛ fo wu ma anishito bre, ŋkpal manɛ so, esa kama maaŋ tiŋ n wu ma anishito nseŋ ji efute.

Ɛksodɔs 33:23

Kumo be kaman nɛ m bugi ma enɔ ashi fo so nɛ fo wu ma kaman, ama fo maaŋ wu ma anishito bre.”

Sɔlɔmɔn 5:14

Mbe mbre pɔl nɛnɛ nna fanɛ eshuwadibi na, nɛ e wɔtɔ enɔ to be mpinibi lela. Mbe eyur walɛ nna fanɛ b ka lɔŋɛ jebote be kinyi so nɛ k bee nyɛkpɛ nɛ b ta abitasɔ nɛ baa tre safai na n ji kumo kebita na.

Sɔlɔmɔn 6:10

Wanɛ e ya kaa ba fanɛ karechɛso loŋ; a walɛ kebita nsaa nyɛkpɛ so fanɛ epeŋi ŋko kufɔl ka fara a lar? Wanɛ e naa tia aya fanɛ achɛkpabi damta ka lar awɔlto m bɛ abar so loŋ?

Nfabel 4:7

Anyi be benimuana be ŋgbene daŋ fuli nna parr fanɛ ateebi; b daŋ maŋ kɔ saŋgre kikɛ bumo to. Bumo alɛ daa kɔ eyur be alenfia, a walɛ eyurto nɛnɛ nsaa kɔ kuwibi to be eleŋ ga, a walɛ eyur so nna.

Ezikɛl 1:1

Ma ketre e la Ezikɛl nɛ n la bɔrɛmatapo nsaa la kanyɛn nɛ baa tre Buzi na pibinyɛn. B ka pɛ Juda be ewura nɛ baa tre Jehowachin nseŋ tintiŋ mo n yɔ Babilɔn be efuli so na be kafɛ nusopo to nɛ ma nɛ bumo nɛ b pɛ n ti mo so n yɔ na daa wɔ lɔr nɛ baa tre Kɛba na ase. Ma nfɛ adesa to be kufɔl nasopo to be kachɛ nusopo na nɛ Enyɛnpe Ebɔrɛ na be kubɔya ba ma kutɔ nɛ esoso bugi n shin nɛ ŋ ku bɔrɛdare ere.

Ezikɛl 10:1

Asheŋ na be kaman nɛ ŋ keni kuwɔlpa nɛ k sha asɔbɔya keniso na be amu so, nseŋ wu kusɔ ko fanɛ kuwurputi nɛ b ta yawu kpakpaso be kejembu lela nɛ baa tre saffai na n lɔŋɛ.

Danɛl 10:17

N du fanɛ kenya ka yil mo nyɛnpe be anishito nna. Nuso nɛ meeŋ tiŋ m malga fo kutɔ? M maŋ naa kɔ eleŋ gba nɛ n fute.”

Nɔmbɛs 12:8

Ma nɛ mo ere bee wu abar nna nsaa malga abar kutɔ. Mannɛ aŋasa to nɛ mee malga mo kutɔ. E nyi kananɛ ma kapɔr du kikɛ! Amoso men maŋ kɔ ekpa nɛ men malga ŋ gbiti ma kayɛrbi Mosis!”

Matiu 17:2

Ndoŋ nna nɛ e kilgi kanaŋ ko bumo be anishito nɛ mbe anishiakpa fuli to a nyɛkpɛ fanɛ epeŋi nɛ mbe asɔbuuso malɛ fuli to parr a kpa edɛ.

Baru lela nɛ Jɔn kute na 1:18

Esa kama maŋ naŋ wu Ebɔrɛ kenishiso. Ebinyɛn koŋwule, nɛ e tase m mata Ebɔrɛ na, nawule e ŋini basa kananɛ Ebɔrɛ du.

Baru lela nɛ Jɔn kute na 14:9

Nɛ Yesu bishi mo: “Filip, fo maŋ nyi ma a? Ma nɛ menyi kikɛ e baa wɔtɔ n chɛr le nɛ fo maŋ nyi ma a? Esa kama nɛ e wu ma, wu Etuto na nna na nɛ manɛ e ba nɛ fo kaŋɛ fanɛ: ‘Ŋini anyi Etuto na’?

Baru lela nɛ Jɔn kute na 6:46

Ama mannɛ fanɛ esa daŋ wu Etuto na kenishiso nna. Emo nɛ e shi Ebɔrɛ na kutɔ na nawule e wu Etuto na.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

1 Jɔn 4:12

Esa kama maŋ naŋ wu Ebɔrɛ kenishiso, ama nɛ an baa sha abar bre, kumo ere Ebɔrɛ wɔ anyi to nɛ mbe kasha malɛ bɔlɔ anyi to felɛlɛ kashenteŋto.

Kelaraŋŋini 1:16

E daa kɔ achɛkpabi ashunu nna mbe enɔjiso to nɛ tokobi jinnɔnyɔ jiso ko shi mbe kɔnɔ to n lar. Mbe anishiakpa malɛ daa kpa edɛ nna fanɛ epeŋi ka bee nyaŋɛ ga na.

Kelaraŋŋini 21:11

Nɛ kadegboŋ na kikɛ sɔ Ebɔrɛ be kemaŋkura a nyɛkpɛ so palpal fanɛ kejembubi mo nɛ baa tre jaspa nɛ k bee wu to fanɛ abɔrɛjembubi na.

Kelaraŋŋini 4:3

Esa nɛ e daa tase ndoŋ na daa kpa edɛ nna palpal, a du fanɛ kejembu nɛ baa tre jaspa na nna, nseŋ pere kpaiŋ fanɛ kejembu nɛ baa tre saadie na. Kabɔrɛnyaŋgelambi ko malɛ daa du fanɛ ɛmeraldi be kejembu nɛ k la kefitiri bumbuŋ nawule na daŋ kulti kuwurputi na.