Ɛksodɔs 23:8 - EBƆRƐ BE KAWƆL

⁸ Men sa maa sɔ brɔbu, ŋkpal manɛ so, brɔbu bee tan esa nna nɛ e maa wu kashenteŋ a ji.

Ɛksodɔs 23:8 ပူးပေါင်းရင်းမြစ်များ

Nshɛ 15:5

Bumo nɛ baa ta bumo be amansherbi a paŋ basa nsaa maa wɔtɔ nchu na; ŋko a sɔ brɔbu nsaa ji a chɛ alubiworapoana to na. Loŋ be basa bre maaŋ ji anishinyɔr kikɛ.

Nshɛ 26:10

nɛ baa wora asheŋ lubi, nsaa sa basa brɔbu saŋkikɛ so.

Aŋasa 15:27

Ekpa lubi so be kanya bee bar tɔrɔ kanaŋ to nna. Sa maa sɔ brɔbu nseŋ kuŋ fo kumu.

Aŋasa 17:23

Edemujipo lubiana nɛ baa ŋana a sɔ brɔbu na maa tiŋ a ji demu nɛ kumo be ekpa so.

Aŋasa 17:8

Brɔbu bee shuŋ nna fanɛ kananɛ baa shuŋ esa kushuŋ nɛ e bee wora esa nɛ e shuŋ mo kushuŋ na be aparsheŋ na. K bee shin nna nɛ asheŋ bee nite nɛnɛ a sa esa nɛ e sa kumo na.

Aŋasa 19:4

Damawura bee nya beteri saŋkama nna; ama etirpo bre mo teriana bee shile nna a ka mo.

Kaŋinichiŋgeliŋ 7:7

Fo baa kɔ kanyiasheŋ nsaa puni basa, kumo ere fee wora nna fanɛ ewulpo na. Fo baa sɔ brɔbu malɛ, fo da nɛ fee jija na.

Aizaaya 1:13

Esarga nɛ menyee bar na kikɛ maŋ kɔ tɔnɔ. Ŋ kishi eduwu nɛ menyee chɔɔ na be efɛa nna ga. Ma alɛ maa sha Kufɔl Popɔr nɛ Kewushiachɛ be nchɛgboŋana nɛ menyi be kabɔrɛshuŋ be nshɛrana be asheŋ. Men wora alubi nna n jija amo.

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Aizaaya 33:15

Nɛ menyee kaŋɛ nsaa wora kusɔ nɛ k daga bre, menyeeŋ ji n lar Ebɔrɛ be demuji to. Amoso men sa maŋ ta eleŋ nɛ men kɔ na a puni betirpo. Menyi alɛ e sa maa sɔ brɔbu. Men sa maa tu basa nɛ baa kre basa be kamɔ ŋko a wora asheŋ alubi na a wora asheŋ.

Aizaaya 5:22

Asheŋ maaŋ nyalɛ n sa menyi! Nsa be keta n wea abar to n nuu bre be kaplɛa so, men la egoni nna nɛ esa kikɛ maŋ fo menyi so!

Aizaaya 5:23

Ŋkpal menyi be kebaasɔ brɔbu basa kutɔ so, basa nɛ b daga fanɛ b ji n tɔr na bee nya bumo be amu nna a ji. Menyi alɛ bee ji demu nna a puni basa nɛ b maŋ wora alubi na.

Ezikɛl 22:12

Ade kikɛ be kaman, basa na be beko wɔtɔ nna a sɔ amansherbi nsaa mɔ basa, nɛ beko malɛ bee wɔtɔ amansherbi nɛ b ta m paŋ bumo braana Israɛl be basa nchu ga a dii kedama nɛ kumo be loŋ maŋ daga. B teŋ ma, Enyɛnpetale Ebɔrɛ na so nna.

Hoziya 4:18

B baŋ nuu nsa m boo ŋ koso, baa luri kesakalea be keji to nna. Bumo alɛ shuli anishinyɔr ka ji bumo a chɔ b ka nya bunyaŋ.

Eemɔs 5:12

N nyi men be alubi damta nɛ menyee wora, nsaa nyi kananɛ menyee puni nsaa tɔrɔ basa lela. Menyee sɔ brɔbu nna nsaa ji betirpo durmu ashi demujikpa.

Maika 7:3

Alubi be kewora deŋ ekama nna. Ekrachi nɛ demujipoana bee tu basa nna a sɔ asɔ pɔɛŋ nsaa shuŋ bumo be ashuŋ a sa bumo. Ekama nɛ e kɔ eyilikpa basa to bee bɔla mbe eyilikpa so nna a fin asɔ a sa mbe kumu nna. Ekama wora kɔnɔ nna a shin nɛ loŋ be asheŋ bee wora.

Ditɛronɔmi 10:17

Enyɛnpe menyi be Ebɔrɛ na e la Ebɔrɛ nɛ e kɔ eleŋ a chɔ agbirana kikɛ nseŋ naa la benyɛnpe to be Enyɛnpe, Ebɔrɛ lempo nɛ mbe asheŋ shi nsaa kɔ kufu. Mo alɛ maa kpɛa to ŋko a tu basa a sɔ asɔ pɔɛŋ nsaa wora asheŋ a sa bumo.

Ditɛronɔmi 16:19

K maŋ daga b baa ji durmu ŋko a kpɛa to ashi bumo be demujiana to. B sa maŋ kaa sɔ brɔbu basa kutɔ pɔɛŋ nsaa ji bumo demu, ŋkpal manɛ so ŋkɛ be kesɔ beeŋ tiŋ n shin nɛ enyiashempo e sa maŋ ji kashenteŋ nseŋ shin nɛ beshenteŋjipo e ki befɛpo, saŋɛ na so nɛ b baa ji asheŋ ekpa nɛ k maŋ daga so.

1 Samuɛl 12:3

Ma e yili nfe na. Nɛ n wora kusɔ ko ŋ gbɛ to nna, kumo ere men kaŋɛ kulubi nɛ n wora na ashi Enyɛnpe Ebɔrɛ nɛ mbe ewura laraso na kikɛ be anishito. Wanɛ be kena ŋko kurma nɛ n daŋ suge? Wanɛ nɛ n daŋ puni ŋko m mɛaŋ? Wanɛ kutɔ nɛ n daŋ sɔ brɔbu? Nɛ fanɛ n wora asɔ ere be kekama nna, kumo ere meeŋ ka kumo be kukɔ.”

1 Samuɛl 8:3

Ama bumo ere daa maŋ du fanɛ bumo tuto. Amansherbi nɛ bumo kenishi daŋ pere so ga, nɛ baa puni basa a sɔ bumo be asɔ nsaa ji basa be edemuana durmu so.