Ɛksodɔs 23:7 - EBƆRƐ BE KAWƆL

⁷ Men sa maa ku efɛ a deŋi basa so, ŋko a ji demu a kaŋɛ fanɛ basa nɛ b maŋ wora n jija daga luwu. Esa kama nɛ e wora loŋ maaŋ ji n lar ma anishito kikɛ.

Ɛksodɔs 23:7 ပူးပေါင်းရင်းမြစ်များ

Jɛnesis 18:23

Ndoŋ nna nɛ Eebraham firgi n taga Enyɛnpe na to nseŋ bishi mo le: “Enyɛnpe, ama fo baa yɔ nna nɛ fo ya mur basa nɛ b niŋi nɛ alubiworapoana kikɛ nna a?

Job be kawɔl 22:23

Nɛ fo baŋ bɛta m ba Ebɔrɛ kutɔ nseŋ lar alubi to, asheŋ beeŋ nite nɛnɛ n sa fo.

Nshɛ 119:29

Shin nɛ m baa gelge kafulesheŋ; wu ma kuwɔr nseŋ ŋini ma fo mbra na.

Nshɛ 94:21

Loŋ be basa e naa kre basa lela ŋkre lubi nsaa kaŋɛ fanɛ basa nɛ b maŋ wora n jija e daga luwu na.

Ɛksodɔs 20:13

Men sa maŋ kaŋ mɔ.

Ɛksodɔs 20:16

Men sa maa ji efɛ be shɛda a gbiti men braana.

Ɛksodɔs 23:1

Men sa maa bɔ efɛ be baru, ŋko a ji efɛ be shɛda a chɛ belubiworapo to.

Ɛksodɔs 34:7

Ma e naa ŋini benananyɛn ŋgboŋto ŋgboŋto kasha nsaa ta basa be edalubi nɛ kumukpakpaso nɛ alubi a paŋ bumo na. Ama ma alɛ maa kplaŋ alubiworapoana be kewora n jija so a maa gberge bumo kusoe. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.”

Aŋasa 11:21

K baa dese nna geeŋ fanɛ baaŋ gberge belubiworapo kusoe, ama bekama nɛ baa wora asheŋ niŋiso bre beeŋ gelge kasogberge.

Aŋasa 17:15

Enyɛnpe Ebɔrɛ kishi bumo nɛ baa malga a kuŋ belubiworapo, nɛ bumo nɛ baa ku asheŋ a deŋi basa nɛ b maŋ wora kulubi na ga.

Aizaaya 33:15

Nɛ menyee kaŋɛ nsaa wora kusɔ nɛ k daga bre, menyeeŋ ji n lar Ebɔrɛ be demuji to. Amoso men sa maŋ ta eleŋ nɛ men kɔ na a puni betirpo. Menyi alɛ e sa maa sɔ brɔbu. Men sa maa tu basa nɛ baa kre basa be kamɔ ŋko a wora asheŋ alubi na a wora asheŋ.

Aizaaya 5:20

Asheŋ maaŋ nyalɛ n sa menyi! Menyee ta kulubi nna a tre kelela nsaa ta kelela a tre kulubi. Menyee ta tentembiri nna a ki kefulto nsaa ta kefulto a ki tentembiri. Menyi alɛ naa ta kusɔ kekra nna a ki kusɔ belbelso, nsaa ta kusɔ belbelso a ki kusɔ kekra.

Levitikɔs 19:11

Sa maŋ kaŋ yuri ŋko m puni ŋko ŋ ku efɛ.

Levitikɔs 19:16

Men sa maa nite a ji basa be asheŋ a ku efɛ a deŋi bumo. Nɛ baa ji esa demu nɛ k beeŋ tiŋ n shin nɛ e paŋ mbe ŋkpa nɛ feeŋ tiŋ n ji shɛda n chɛ mo to, fo wora loŋ. Ma e la Enyɛnpe Ebɔrɛ na.

Nahum 1:3

Enyɛnpe Ebɔrɛ na kɔ eleŋ ga, mo alɛ maa nya agbo manaŋ manaŋ, ama mo alɛ maa yige bumo nɛ baa wora a de so nɛ baa ta bumo be amu a ji. Bɔrɛfugboŋ nɛ kawuliwuli so nɛ e bee bɔla a wora asheŋ; nɛ bɔrɛwɔlpa malɛ du fanɛ mbe aya to be kalabɛr.

Luuk 3:14

Nɛ benapo ko malɛ ba bishi mo: “Manɛ nɛ anyi alɛ beeŋ wora?” Nɛ e kaŋɛ bumo: “Men sa maa suge basa be amansherbi ŋko a ji bumo so. Men shin nɛ men be kakɔka e baa kukwe menyi.”

Romebi 1:18

Ama Ebɔrɛ bugi to ŋ ŋini basa kananɛ mbe agbo beeŋ shi ebɔrɛso m ba basa so ŋkpal alubi nɛ a wɔ bumo be ŋgbene to nɛ amo nɛ a dii efuli na kikɛ so. Bumo e la basa nɛ bumo be alubi na bee buu kashenteŋ na so basa be anishito na.

Ɛfesesebi 4:25

Amoso, men be ekama e lara efɛsheŋ ashi mbe kebaawɔtɔ to nsaa malga kashenteŋ be mmalga a sa mo braana, ŋkpal manɛ so, an kikɛ la eyur koŋwule to be mba nna.

Ditɛronɔmi 25:1

Nɛ menyi to be benyɔ nya kesheŋ nseŋ yɛr kumo demujikpa nɛ b ji kumo nɛ eko ji m bri mo barkasa,

Ditɛronɔmi 27:25

Nɛ b naŋ kaŋɛ, “Ebɔrɛ be kɔnɔsho beeŋ ba esa kama nɛ e beeŋ sɔ brɔbu nseŋ mɔ esa nɛ e maŋ wora shɛŋ na so.” Nɛ basa nɛ b yil Ebal be kebee so na e kaŋɛ: ‘Amɛn!’

1 Tɛsalɔnikaebi 5:22

m barga menyi be amu ashi kulubi be yiri kikɛ to.