Ɛksodɔs 23:31 - EBƆRƐ BE KAWƆL

³¹ Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

Ɛksodɔs 23:31 ပူးပေါင်းရင်းမြစ်များ

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

1 Bewura 11:2

Kashenteŋ nna fanɛ Enyɛnpe Ebɔrɛ kaŋɛ Israɛlebi na fanɛ b sa maŋ kaŋ ta efuli pɔtɛana so be beche, ŋkpal manɛ so baaŋ shin nɛ b baa bunyaŋ bumo be agbirana, ama ewura Sɔlɔmɔn kini nseŋ wora loŋ.

1 Bewura 20:13

Loŋ be jemanɛ nɛ anebi ko yɔ ewura Ahab kutɔ n ya kaŋɛ mo le: Enyɛnpe yɛ: “Men sa maa lɔ kufu ŋkpal benapo damta nɛ b kɔ ere so. Meeŋ shin nɛ men kɔ m pɔɔ bumo so, saŋɛ na so menyeeŋ pin fanɛ ma e la Enyɛnpe Ebɔrɛ na kashenteŋto!”

1 Bewura 4:21

Ewura Sɔlɔmɔn be efuli daŋ yili Yufreetes be Lɔr na ase ashi epeŋilarkpa be kaba so nna n ya fo Filisti be efuli ashi epeŋitɔrkpa, ŋ keta loŋ n ya gbuŋ Ijipt be kasawule. Loŋ be efuli na so be basa daa ka lampo nna a sa mo nsaa shuŋ mo hale nɛ e ba wu.

1 Bewura 4:24

Ewura Sɔlɔmɔn e daa ji yili Yufreetes be Lɔr na be epeŋilarkpa be kaba so be kasawule nɛ k yili Tipsa n ya fo Gaaza nɛ k wɔ epeŋitɔrkpa be kaba so na so kuwura. Bewura nɛ b daa wɔ Yufreetes be epeŋitɔrkpa be kaba so na daa shuŋ mo nna nɛ kayurwushi daa wɔ mo nɛ bumo nɛ mbe bechenashapoana be kefɛato.

1 Bewura 8:65

Ewura Sɔlɔmɔn nɛ Israɛlebi na kikɛ daŋ ji abuu to be kebaawɔtɔ be kejigboŋ nchɛnshunu nna m bɛ abar so. Basa na daŋ shi efuli na be kaplɛkama nna. Bedamta daŋ shi Hamaf Paas ashi kelargato be esoso be kaba so nna nɛ beko malɛ shi Ijipt be kasawule be egbaŋ to ashi kelargato be kaseto be kaba so.

2 Kronikɛls 9:26

Mo e daa ji bewura nɛ b wɔ Lɔrgboŋ nɛ baa tre Yufreetes na ashi kelargato be esoso n ya fo Filistiebi be efuli so ashi kelargato be kaseto n ta n ya fo Ijiptebi be kasawule be egbaŋ to kikɛ so eleŋ.

Nshɛ 72:8

Shin nɛ mbe kuwurji e yili teku ko ase n salga to n ya fo teku nyɔsopo ase. Ŋko n yili Yufreetes be Lɔr na ase n salga to n ya fo durnya be ekar.

Nɔmbɛs 21:34

Nɛ Enyɛnpe Ebɔrɛ kaŋɛ Mosis le: “Sa maa ŋana Ɔg nɛ mbe benapo. Meeŋ sa fo eleŋ nɛ fo kɔ m pɔɔ so bumo so fanɛ kananɛ fo wora Hishbɔn be ewura Sihɔn na. Ewura Ɔg be kasawule beeŋ ki menyeya.”

Nɔmbɛs 34:2

fanɛ e sa Israɛlebi na: “Nɛ men baŋ luri Keenan be kasawule nɛ ŋ kɔ a sa menyi na to, kananɛ men be kasawule be egbaŋto egbaŋto beeŋ baa du nde:

Ditɛronɔmi 1:7

Men kaa keeyi nseŋ fara a yɔ Amɔriebi be kepreŋsawule nɛ mboŋ nɛ a kulti ndoŋ na so, an ta fanɛ Jɔɔdan be ketaŋɛ na nɛ keplasawule nɛ abonfu nɛ a dese a laŋɛ kelargato be kaseto na nɛ Teku nɛ baa tre Mɛditerenia na be ekarso. Men yɔ Keenan be kasawule so hale m baŋ so n yɔ Lebanɔn be abee ase n ya fo Lɔrgboŋ nɛ baa tre Yufreetes na ase.

Ditɛronɔmi 1:8

Le be kasawule ere nɛ ma, Enyɛnpe Ebɔrɛ na nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ b la men nananyɛnana na nɛ bumo be kaman to ebi na. Men yɔ n ya sɔ kumo n chena so.’ ”

Ditɛronɔmi 11:24

Kasawule kama nɛ menyeeŋ bɔla so n choŋ beeŋ ki menyeya nɛ menyi be efuli e salga to n shi keshishɛrsawule nɛ k wɔ kelargato be kaseto be kaba so na n ya fo Lebanɔn be abeegboŋ ashi kelargato be esoso nseŋ naŋ yili lɔrgboŋ nɛ baa tre Yufreetes na ashi epeŋilarkpa n ya fo Teku nɛ baa tre Mɛditerenia nɛ k wɔ epeŋitɔrkpa be kaba so na.

Ditɛronɔmi 2:33

Ama Enyɛnpe anyi be Ebɔrɛ na daŋ chɛ anyi to nɛ an pɔɔ bumo so, nseŋ mɔ mo nɛ mbe mbinyɛnso nɛ mbe benapo na kikɛ.

Ditɛronɔmi 2:36

Enyɛnpe anyi be Ebɔrɛ na daŋ shin nɛ an yili kade nɛ baa tre Arowa nɛ k wɔ Aanɔn be ketaŋɛ be ekarso na nɛ kadegboŋ nɛ k wɔ ketaŋɛ na to na nna ŋ kɔ n sɔ kasawule na kikɛ hale n ya fo Giliad be egbaŋ to. Ndeana na be kekama be egbalana be kebure daŋ maŋ du anyi so kpakpa.

Ditɛronɔmi 20:16

Ama menyi kaŋ kɔ n sɔ ndegboŋ nɛ a wɔ kasawule nɛ Enyɛnpe menyi be Ebɔrɛ na ta a sa menyi ere so bre, men mɔ basa na nɛ bumo be asɔbɔya kikɛ.

Ditɛronɔmi 3:2

Nɛ Enyɛnpe Ebɔrɛ na kaŋɛ ma le: “Mosis, men sa maa ŋana mo. Meeŋ chɛ menyi to nɛ men kɔ m pɔɔ Ewura Ɔg nɛ mbe benapo so n suge bumo be kasawule. Men mur mo nɛ mbe basa kikɛ fanɛ kananɛ men wora Amɔriebi be ewura, Sihɔn, nɛ e daa ji kuwura ashi Hɛshbɔn na.”

Ditɛronɔmi 6:19

nseŋ ju men doŋana kikɛ kasawule na so fanɛ kananɛ e nase kɔnɔ na.

Ditɛronɔmi 9:3

Ama menyi ere beeŋ wu naniere fanɛ Enyɛnpe menyi be Ebɔrɛ na beeŋ juŋkpar menyi fanɛ gbaŋgbaŋ to be edɛ na. E beeŋ pɔɔ bumo so n sa menyi jemanɛ nɛ menyeeŋ baa kɔ bumo na, saŋɛ na so, menyeeŋ mur bumo nseŋ suge bumo be kasawule, fanɛ kananɛ e nase kɔnɔ na.

Joshuwa 1:4

Menyi be kasawule beeŋ fara kelargato be kaseto be keshishɛrsawule na ase n ya fo Lebanɔn be abee so ashi kelargato be esoso, nɛ lɔrgboŋ nɛ baa tre Yufreetes na ashi epeŋilarkpa nseŋ bɔla Hitebi be efuli so n ya fo teku nɛ baa tre Mɛditerenia na ashi epeŋitɔrkpa.

Joshuwa 10:19

ama menyi ere e sa maŋ shir a wɔ ndoŋ. Men bɛ men doŋana na so a kɔ bumo, nɛ b sa maŋ nya ekpa m bɛta n yɔ bumo be nde nɛ b pɔr egbal ŋ kulti na to. Ŋkpal manɛ so Enyɛnpe menyi be Ebɔrɛ na shin nɛ men teŋ kɔ m pɔɔ so.

Joshuwa 10:8

Nɛ Enyɛnpe Ebɔrɛ kaŋɛ Joshuwa le: “Sa maa ŋana bumo. N teŋ ta bumo m bɔɔ fo enɔ. Bumo be ekama maaŋ tiŋ n tu fo ŋ kɔ.”

Joshuwa 13:6

Sidɔnebi nɛ b wɔ abee be efuli so ashi Lebanɔn be abeegboŋ nɛ Misrefɔf Mayim be kefɛato na gba be efuli ti so. Meeŋ ju le be basa ere kikɛ ashi efuli na so, nɛ fo barga bumo be kasawule na to n sa Israɛlebi na, fanɛ kananɛ ŋ ŋini fo na gbagba chap.

Joshuwa 2:24

Le nɛ b kaŋɛ Joshuwa: “Enyɛnpe Ebɔrɛ na ta bumo be kasawule na kikɛ m bɔɔ anyi enɔ. Kufu daŋ pɛ basa na ga nna ŋkpal anyi so.”

Joshuwa 21:44

Enyɛnpe Ebɔrɛ daŋ sa bumo kagbenewushi nna ashi efuli na kikɛ so, fanɛ kananɛ e nase kɔnɔ n sa bumo nananyɛnana na. Bumo doŋana be ekama daa maŋ tiŋ m pɔɔ bumo so, ŋkpal manɛ so, Enyɛnpe Ebɔrɛ daŋ sa Israɛlebi na eleŋ nna nɛ b kɔ m pɔɔ bumo doŋana kikɛ so.

Joshuwa 23:14

Naniere bre ma luwu fo. Menyi alɛ be ekama nyi mbe kagbene to fanɛ asɔ lela kama nɛ Enyɛnpe Ebɔrɛ nase kɔnɔ fanɛ e beeŋ sa na, men nya amo. Kusɔ kama nɛ e nase kɔnɔ fanɛ e beeŋ wora na kikɛ bɔlɔ so nyam.

Joshuwa 24:11

Men ka dii Jɔɔdan be lɔr na m ba Jɛriko, nɛ Jɛriko be basa na kɔ menyi kena. Loŋ gbagba nɛ Amɔriebi nɛ Pɛrizebi nɛ Keenanebi nɛ Hitebi nɛ Gɛgashebi nɛ Hivebi nɛ Jebusiebi daŋ kɔ menyi. Ama n shin nɛ men kɔ m pɔɔ bumo kikɛ so.

Joshuwa 24:12

Mannɛ menyi be etokobi nɛ ata nɛ men daŋ ta m pɔɔ bumo so. Kufu nɛ n daŋ ta n wɔtɔ bumo to fanɛ kananɛ n daŋ wora Amɔriebi be bewura anyɔ nɛ b wɔ Jɔɔdan be lɔr na be epeŋilarkpa na.

Joshuwa 24:18

An ka bee ba kasawule ere so na nɛ Enyɛnpe Ebɔrɛ na ju Amɔriebi nɛ b wɔ kumo so na kikɛ. Amoso anyi alɛ gba beeŋ shuŋ Enyɛnpe na. Mo e la an be Ebɔrɛ.”

Joshuwa 24:8

Ndoŋ nna nɛ n lara menyi m ba Amɔriebi nɛ b wɔ Jɔɔdan be lɔr na be epeŋilarkpa na be kasawule so. B daŋ kɔ menyi kena nna ama n chɛ menyi to nɛ men pɔɔ bumo so. N daŋ mur bumo saŋɛ nɛ menyee ba na nna nɛ men sɔ bumo be nsawule.

Joshuwa 8:18

Ndoŋ nna nɛ Enyɛnpe Ebɔrɛ kaŋɛ Joshuwa le: “Teŋi fo kekpa ere ŋ ŋini Ai, ŋkpal manɛ so meeŋ ta kumo m bɔɔ fo enɔ.” Nɛ Joshuwa wora loŋ.

Joshuwa 8:7

Saŋɛ na so b kaŋ ju anyi m barga kade na n yɔ kufɔ nɛ menyi alɛ e lar kupuŋ na to ŋ kɔ m pɔɔ kade na so. Men Nyɛnpe Ebɔrɛ na beeŋ ta kumo m bɔɔ menyi enɔ.

Joshuwa 9:7

Ama le nɛ Israɛlebi na daŋ kaŋɛ: “Manɛ so nɛ anyi nɛ menyi bee wora kɔnɔkoŋwule be ŋkre? Ashere anyi nɛ menyi maŋ chena n feŋ abar ga gba.”

Demujipoana 1:4

Judaebi na ka kre kena n ya tu Keenanebi nɛ bumo kurgepoana Pɛrizebi na, nɛ Enyɛnpe Ebɔrɛ shin nɛ Judaebi na kɔ m pɔɔ bumo so. Basa ŋgboŋ kudu nɛ b daŋ mɔ ashi kade ko nɛ baa tre Bɛzɛk na.

Demujipoana 11:21

Ama Enyɛnpe, Israɛl be Ebɔrɛ na, shin nɛ Israɛlebi na pɔɔ ewura Sihɔn nɛ mbe benapo na kikɛ so. Kananɛ Israɛlebi sɔ Amɔriebi be kasawule kikɛ ashi efuli na so nna na.

1 Samuɛl 23:4

Amoso Deevid daŋ naŋ laŋɛ nna fanɛ m bishi Enyɛnpe Ebɔrɛ na kumo be asheŋ to nɛnɛ, nɛ Enyɛnpe Ebɔrɛ kaŋɛ mo le: “Ya kɔ Filistiebi na kena Kiila, ŋkpal manɛ so, meeŋ shin nɛ men kɔ m pɔɔ bumo so.”