Ɛksodɔs 23:30 - EBƆRƐ BE KAWƆL

³⁰ Amoso, gbrɛgbrɛ nɛ meeŋ baa ju bumo loŋ n ya fo saŋɛ nɛ menyeeŋ wora keshi nseŋ tiŋ n suge kasawule na kikɛ na.

Ɛksodɔs 23:30 ပူးပေါင်းရင်းမြစ်များ

Ditɛronɔmi 7:22

Saŋɛ nɛ menyee kɔ a yɔ anishito na, Enyɛnpe Ebɔrɛ na malɛ beeŋ baa tintiŋ efuliana na be basa a lar kasawule na so gbrɛgbrɛbi. E maaŋ shin nɛ men mur bumo kikɛ kela koŋwule, ŋkpal manɛ so, nɛ men mur bumo kikɛ epul to, kupuŋ to be asɔbɔya lubi beeŋ wora keshi ŋ ki kabɔlar n sa menyi.

Joshuwa 13:6

Sidɔnebi nɛ b wɔ abee be efuli so ashi Lebanɔn be abeegboŋ nɛ Misrefɔf Mayim be kefɛato na gba be efuli ti so. Meeŋ ju le be basa ere kikɛ ashi efuli na so, nɛ fo barga bumo be kasawule na to n sa Israɛlebi na, fanɛ kananɛ ŋ ŋini fo na gbagba chap.

Joshuwa 23:4

Men baa nyiŋi kananɛ n ta basa nɛ b ka na be nsawule nɛ efuli nɛ ŋ kɔ m pɔɔ so nɛ k yili Jɔɔdan be lɔr na ashi epeŋilarkpa n ya fo teku nɛ baa tre Mɛditerenia na ashi epeŋitɔrkpa na be nsawule n sa menyi be yiri yiri to ebi fanɛ bumo be kapetɛ.

Joshuwa 23:5

Enyɛnpe menyi be Ebɔrɛ na gbagba beeŋ shin nɛ b bɛta n shile nɛ e ju bumo saŋɛ nɛ menyee ba na. Menyeeŋ sɔ bumo be kasawule na ŋ ki menyi be kapetɛ fanɛ kananɛ Enyɛnpe Ebɔrɛ na nase kɔnɔ n sa menyi na.

Joshuwa 23:9

Enyɛnpe Ebɔrɛ na ju basagboŋ lempoana saŋɛ nɛ menyee ba na nna, nɛ bumo be ekama maŋ naŋ tiŋ n tu menyi ŋ kɔ.