Ɛksodɔs 23:27 - EBƆRƐ BE KAWƆL

²⁷ Meeŋ shin nɛ kufu nɛ keyeŋiyeŋi e tɔr basa nɛ menyee tu na so. Meeŋ shin nɛ men doŋana e kilgi n shile menyi.

Ɛksodɔs 23:27 ပူးပေါင်းရင်းမြစ်များ

Ditɛronɔmi 2:25

Yili kabre a yɔ, meeŋ shin nɛ kaplɛkama be basa e baa ŋana menyi. Kufu beeŋ pɛ ekama nɛ e beeŋ nu b ka ti menyi be ketre nɛ e baa chicha.”

Jɛnesis 35:5

Jeekɔb nɛ mbe kanaŋ ka lar Shɛkɛm a yɔ nɛ Ebɔrɛ shin nɛ kufu pɛ nde nɛ b bɔla amo ase a choŋ na be basa. Amoso b daŋ maŋ tiŋ n wora Jeekɔb nɛ mbe basa shɛŋ.

Ditɛronɔmi 7:23

Enyɛnpe menyi be Ebɔrɛ na beeŋ sa menyi yuku men doŋana so nseŋ shin nɛ keyeŋiyeŋi e tɔr bumo so n ya fo fanɛ b ka beeŋ mur.

Ditɛronɔmi 11:25

Kaplɛkama nɛ menyeeŋ yɔ kasawule na so, Enyɛnpe, menyi be Ebɔrɛ na beeŋ shin nɛ kufu a pɛ basa nɛ b wɔ ndoŋ na fanɛ kananɛ e nase kɔnɔ na. Esa kikɛ maaŋ tiŋ ŋ kuŋ menyi akpa.

Nshɛ 18:40

Fo shin nɛ ndoŋana kilgi n lara aya fuful n shile, nɛ ju m bɛ bumo so m mɔ bekama nɛ b kishi ma na.

2 Kronikɛls 14:14

Kumo be kaman nɛ Asa be benapo na kɔ ndewurbi nɛ a kulti Gɛra na kena m pɔɔ amo kikɛ so ŋkpal Enyɛnpe Ebɔrɛ be kusɔ nɛ e wora na ka shin nɛ kufu pɛ bumo ga so. Ndoŋ nna nɛ Juda be benapo na muu bumo be asɔ lela kikɛ n yɔ.

1 Samuɛl 14:15

Ndoŋ nna nɛ kufu pɛ Filisti be benapo na ga. Bumo nɛ b wɔ keeyi na to na nɛ bumo nɛ b wɔ kade na be kupuŋ to na gba nɛ benapo nɛ baa ta kena a purgi basa na nɛ benapo nɛ b wɔ anishito a kuŋ keeyi na kikɛ daa chicha kufuso nna, nɛ Ebɔrɛ shin nɛ kasawule gbuŋgbuŋ nɛ keyeŋiyeŋi tɔr bumo so.

Ditɛronɔmi 11:23

Aloŋ nɛ Enyɛnpe Ebɔrɛ na beeŋ chɛ menyi to nɛ men sɔ kasawule na. Efuliana nɛ a wɔ ndoŋ na be basa shibi nsaa kɔ eleŋ a chɔ menyi, ama e beeŋ tintiŋ bumo n lar kasawule na so jemanɛ nɛ menyeeŋ baa kɔ bumo na.

Ɛksodɔs 33:2

Loŋ be kasawule na e kɔ kanya alegaiso nsaa wora ajibi nɛnɛ na. Meeŋ shin nɛ ma malaika e juŋkpar menyi nɛ men ju Keenanebi nɛ Amɔriebi nɛ Hitebi nɛ Pɛrizebi nɛ Hivebi nɛ Jebusiebi na kikɛ ashi loŋ be kasawule na so.

2 Samuɛl 22:41

Fo e naa shin nɛ ma doŋana bee shile nɛ ma alɛ bee mɔ bekama nɛ b kishi ma na kikɛ.

Nshɛ 21:12

Fo baŋ to bumo fo atanyembi, baaŋ pal kaman n shile.

Ɛksodɔs 34:24

Meeŋ ju efuli pɔtɛana be basa kikɛ nseŋ kpalga men be kasawule to. Esa kama malɛ beeŋ baa ŋana keta men be nsawule jemanɛ nɛ men yɔ nɛ men ya bunyaŋ ma, men Nyɛnpe Ebɔrɛ na ale asa kafɛ kikɛ to na.

Nɔmbɛs 22:3

nɛ kufu pɛ mo nɛ mbe basa kikɛ ga.

Ditɛronɔmi 6:19

nseŋ ju men doŋana kikɛ kasawule na so fanɛ kananɛ e nase kɔnɔ na.