Ɛksodɔs 23:25 - EBƆRƐ BE KAWƆL

²⁵ Nɛ men baa shuŋ ma, Enyɛnpe Ebɔrɛ, men be Ebɔrɛ na, ma alɛ beeŋ nɛfa men be ajibi nɛ men be nchu nseŋ lara alɔana kikɛ ashi menyi to.

Ɛksodɔs 23:25 ပူးပေါင်းရင်းမြစ်များ

Nshɛ 103:3

Enyɛnpe Ebɔrɛ na e naa ta anyi be alubi a paŋ anyi. Mo alɛ e naa chɛ anyi be alɔana kikɛ,

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Kaŋinichiŋgeliŋ 5:20

Ŋkpal Ebɔrɛ ka sa fo kagbenefuliso, fo maŋ naa fɔŋ ŋkpa shiimbi nɛ anyee ji durnya ere to be asheŋ so.

Aizaaya 33:16

Aloŋ e naaŋ shin nɛ men nya menyi be amu, nsaa du fanɛ basa nɛ b wɔ ebu lempo jeŋgreŋ nɛ k bee kuŋ basa na to. Menyi alɛ beeŋ naa nya a ji nsaa nuu yila yila so jemanɛ kikɛ.

Aizaaya 33:24

Enyɛnpe Ebɔrɛ na beeŋ ta menyi be alubi m paŋ menyi, nɛ esa kama nɛ e wɔ anyi be kasawule so maaŋ naŋ fubel ŋ kaŋɛ le: “Mee lɔ nna!”

Jɛremaya 8:2

Awibi na beeŋ baa dese nɛ epeŋi nɛ kufɔl nɛ achɛkpabi nɛ baa sha ga nseŋ ta amo ŋ ki agbir a shuŋ na kikɛ e baa nyaŋɛ a yuu amo so. Esa kama maaŋ gama amo abar so ŋko n laŋɛ amo m puli. E beeŋ baa dese kasawule fanɛ epi nna.

Danɛl 1:15

Nchɛ kudu na ka fo nɛ b wu fanɛ Danɛl nɛ mo teriana na kɔ eyur be alenfia nɛ eleŋ nɛnɛ a chɔ bumo braana nɛ b daa ji ewurkpa be ajibi na.

Levitikɔs 11:44

Ma e la Enyɛnpe Ebɔrɛ menyi be Ebɔrɛ na nɛ a daga men lara menyi be amu n yili a kɔr bekama to a ŋini fanɛ men la n nawule peya nna, ŋkpal manɛ so, n du cheembi nna.

Levitikɔs 26:3

Nɛ menyee bɛ ma mbraana so nsaa wora kusɔ nɛ ŋ kaŋɛ kasonu,

Malakai 3:10

Men ta menyi be kudukudusopo kikɛ m ba Enyɛnpe Ebɔrɛ be lambu to, saŋɛ na so ajibi damta beeŋ baa wɔ ndoŋ. Men wora ma ŋ keni, nɛ m bugi Ebɔrɛso be etokuro n chulgi enɛfa be yiri yiri alegaiso n sa menyi nɛ menyi maaŋ nya kakpa gba n yili amo.

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Ditɛronɔmi 10:12

To, Israɛl be basa, men nu kusɔ nɛ Enyɛnpe menyi be Ebɔrɛ na bee fin menyi kutɔ. Kumo e la fanɛ men bunyaŋ mo nseŋ bɛ mbe mbra kikɛ so nseŋ ta menyi be ŋgbene kikɛ n sha mo nseŋ shuŋ mo,

Ditɛronɔmi 10:20

Kumo be kaman, men baa sa Enyɛnpe menyi be Ebɔrɛ na bunyaŋ nsaa shuŋ mo nawule. Men baa ji kashenteŋ a sa mo nsaa nase nnɔ ashi mo nawule be ketre to.

Ditɛronɔmi 13:4

Men baa bɛ Enyɛnpe Ebɔrɛ na so nsaa bunyaŋ mo. Menyi alɛ e baa wora mo nɛ mbe mbraana kasonu nsaa shuŋ mo nseŋ naa ji kashenteŋ a sa mo.

Ditɛronɔmi 6:13

Amoso men baa bunyaŋ Enyɛnpe menyi be Ebɔrɛ na nsaa shuŋ mo nawule nseŋ naa nase nnɔ mo nawule be ketre to.

Ditɛronɔmi 7:13

Enyɛnpe menyi be Ebɔrɛ na beeŋ baa sha menyi nseŋ nɛfa menyi, saŋɛ na so menyeeŋ kurge mbia damta n salga to. Mo alɛ beeŋ naŋ nɛfa menyi be adɔsawule, saŋɛ na so, menyeeŋ nya ajibi damta nɛ yabra belbelso nɛ ɔlif be ŋku, nɛ menyi be ana nɛ mbolpɔ e kurge ga. Kasawule nɛ e nase kumo kɔnɔ n sa men nananyɛnana na so nɛ e beeŋ sa menyi enɛfa ere na.

Ditɛronɔmi 7:15

Enyɛnpe Ebɔrɛ na e naaŋ baa kuŋ menyi ashi alɔ kikɛ to nsaa maŋ shin nɛ alɔ lubi nɛ a daa tɔrɔ menyi ashi Ijipt be efuli so na e ba menyi so, ama e beeŋ shin nɛ a pɛ men doŋana kikɛ.

Joshuwa 22:5

Ama men baa da so nsaa bɛ mbra nɛ Mosis sa menyi, fanɛ: ‘Men baa sha men Nyɛnpe Ebɔrɛ na, nsaa wora mbe aparsheŋ. Men baa bɛ mbe mbra so, a ji kashenteŋ a sa mo, nsaa shuŋ mo nɛ men be ŋgbene nɛ ayoyu kikɛ.’ ”

Joshuwa 24:21

Ama le nɛ basa na daŋ kaŋɛ Joshuwa: “Anyi maaŋ shuŋ agbir! Enyɛnpe Ebɔrɛ na nɛ anyeeŋ shuŋ.”

Joshuwa 24:24

Nɛ basa na malɛ kaŋɛ Joshuwa le: “Anyeeŋ shuŋ Enyɛnpe an be Ebɔrɛ na nseŋ wora mo kasonu.”

1 Samuɛl 12:20

Ndoŋ nna nɛ Samuɛl kaŋɛ le: “Men sa maa lɔ kufu. Kashenteŋ nna fanɛ men wora kulubi, ama amo na amo kikɛ, men sa maŋ lar Enyɛnpe Ebɔrɛ na kaman ama men ta menyi be ŋgbene kikɛ a shuŋ mo.

1 Samuɛl 12:24

Men baa nu a sa Enyɛnpe Ebɔrɛ na nsaa ta menyi be ŋgbene kikɛ a shuŋ mo nsaa nyiŋi asheŋgboŋ damta nɛ e wora n sa menyi na.

1 Samuɛl 7:3

Ndoŋ nna nɛ Samuɛl kaŋɛ Israɛlebi na le: “Nɛ men bɛta a ba Enyɛnpe Ebɔrɛ kutɔ bre, kumo ere a daga men ka yige efuli pɔtɛana so be agbir nɛ kegbirche Ashtɔrɛf be kebaashuŋ, nseŋ ta men be ŋgbene kikɛ n sa Enyɛnpe Ebɔrɛ, nsaa bunyaŋ mo nawule. Saŋɛ na so e beeŋ mɔlga menyi ashi Filistiebi na be enɔ to.”