Ɛksodɔs 23:24 - EBƆRƐ BE KAWƆL

²⁴ Men sa maŋ kaŋ bunyaŋ bumo be agbir na ŋko n shuŋ amo ŋko m bɛ bumo be edaŋkaresheŋ so. Men jija bumo agbirana na cheche nseŋ bure bumo be agbirjembu na to burburbi.

Ɛksodɔs 23:24 ပူးပေါင်းရင်းမြစ်များ

2 Bewura 17:11

B daa chɔɔ duwu mboŋ ere kikɛ nna a bunyaŋ agbir fanɛ kananɛ efuli pɔtɛana so be basa daa wora pɔɛŋ nɛ Enyɛnpe Ebɔrɛ ju bumo ashi kasawule na so na. Bumo be asheŋ lubi nɛ b daa wora na daŋ pɛ Enyɛnpe Ebɔrɛ agbo ga.

2 Bewura 17:8

nsaa bɛ basa nɛ Enyɛnpe Ebɔrɛ ju kasawule na so na be edaŋkaresheŋ nɛ asheŋ lubi nɛ Israɛl be bewura bar Israɛl be efuli so na kikɛ so nna.

2 Bewura 18:4

E daŋ mur nnyamase be mboŋ nɛ baa bunyaŋ Ebɔrɛ na nna nseŋ bure ndoŋ be ajembu be eshabɔrɛ na nɛ kegbirche Ashira be mpɔrduli be ndibi n lɛ. E daŋ bɛa danyaŋ be kuwɔ nɛ baa tre Nehushtan nɛ bumo nananyɛn Mosis daŋ lɔŋɛ nɛ Israɛlebi na bee bunyaŋ kumo m ba fo loŋ be jemanɛ na to nna.

2 Bewura 3:2

Mo alɛ gba daŋ wora kulubi ŋ gbiti Enyɛnpe Ebɔrɛ ama mo ere daa maŋ wora alubi fanɛ mo tuto ŋko mo nio Jɛzebel. E daŋ bure Baal be agbir nɛ mo tuto daŋ pɔr n yili a shuŋ na nna.

2 Kronikɛls 14:2

Ewura Asa daŋ wora kusɔ nɛ k niŋi nsaa walɛ Enyɛnpe mbe Ebɔrɛ na be anishito nna.

2 Kronikɛls 25:14

Ewura Amaziya ka ya kɔ m pɔɔ Edɔmebi na so na nɛ e ta bumo be agbir m ba yili ŋ ki mbe agbir nsaa shuŋ amo a lara sarga a sa amo.

2 Kronikɛls 33:2

E daŋ kini kenu n sa Enyɛnpe Ebɔrɛ nna nseŋ bɛ efuliana nɛ Enyɛnpe Ebɔrɛ ju kasawule na so, saŋɛ so nɛ mbe basa Israɛlebi bee ba kumo so sososo na be asheŋ nɛ Ebɔrɛ kishi ga na so.

2 Kronikɛls 33:9

Ewura Manase daŋ shin nna nɛ Juda nɛ Jerusalɛm be basa wora alubi a chɔ amo nɛ efuliana nɛ Enyɛnpe Ebɔrɛ ju kasawule na so saŋɛ so nɛ mbe basa daa ba kumo so sososo na wora na.

Nshɛ 101:3

Ma alɛ beeŋ kishi kusɔ nɛ basa nɛ b pal kaman n sa Ebɔrɛ bee wora na kikɛ.

Ɛksodɔs 20:3

Men sa maŋ kaŋ bunyaŋ kegbir n naŋ ti ma so.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Ɛksodɔs 23:13

Men wora kasonu n sa kusɔ kama nɛ ma, Enyɛnpe Ebɔrɛ kaŋɛ menyi ere kikɛ. Menyi alɛ e sa maŋ kaŋ shuŋ kegbir kama ŋko a ti kegbir kama be ketre.”

Ɛksodɔs 23:32

Men sa maŋ kaŋ shin nɛ menyi nɛ bumo nɛ bumo be agbirana e wora kɔnɔkoŋwule kikɛ.

Ɛksodɔs 23:33

Men sa maŋ kaŋ shin nɛ b chena men be kasawule so, nɛ mannɛ aloŋ, baaŋ shin nɛ men wora kulubi ŋ gbiti ma, ŋkpal manɛ so menyeeŋ baa shuŋ bumo be agbirana na, nɛ k ki fanɛ kejigbelɛ n sa menyi.”

Ɛksodɔs 32:20

Kumo be kaman nɛ e ta kenabi nɛ basa na lɔŋɛ na malɛ n wɔtɔ edɛ to nɛ k ŋalga nɛ e kɔr kumo to fanɛ nyifu na nseŋ ta kumo n wɔtɔ nchu to n shin nɛ Israɛlebi na nuu amo.

Ezikɛl 16:47

Fo baa maŋ kute bumo be kebaawɔtɔ to nna n wora ekishisheŋ nɛ b wora na nawule, ama fo wora amo nɛ a chɔ bumo peya na gba kuraa.”

Hoziya 10:2

Ŋgbene kpakpasowuraana beeŋ ji bumo be alubi be tɔnɔ. Enyɛnpe Ebɔrɛ beeŋ bure bumo be ebɔrɛsure na nseŋ jija bumo be agbirjembu nɛ b yuu na gba.

Levitikɔs 18:3

Men sa maa wora asheŋ nɛ Ijipt nɛ men daa wɔ jemanɛ ko na be basa bee wora na ŋko kananɛ basa nɛ b wɔ Keenan be efuli nɛ ŋ kɔ menyi a yɔ kumo so na be basa bee wora na.

Levitikɔs 26:1

Ndoŋ nna nɛ Enyɛnpe Ebɔrɛ naŋ kaŋɛ: “Men sa maŋ kaŋ lɔŋɛ agbirana ŋko n wora mpɔrduli nɛ ajembu be eshabɔrɛ n yili, ŋko n shɛl ajembu a shuŋ amo. Ma e la Enyɛnpe menyi be Ebɔrɛ na.

Nɔmbɛs 25:2

Le be beche ere daa tre Israɛlebi na nna a yɔ Mowab be kegbir na be esarga be kejigboŋ to. Israɛlebi na daa tu bumo a ji agbirjibi na nna nsaa bunyaŋ

Nɔmbɛs 33:52

men ju basa nɛ b wɔ kasawule na so na kikɛ, nseŋ jija bumo be agbir nɛ b ta abɛlso nɛ ajembu n wora na nɛ mboŋ nɛ baa shuŋ amo na kikɛ.

Ditɛronɔmi 12:3

Men bure bumo be agbirsure nɛ eshabɔrɛ nɛ b ta ajembu m pɔr na nseŋ chɔɔ asɔ kama nɛ a yili n sa kegbir cheso nɛ baa tre Ashira na, saŋɛ na so basa maaŋ naŋ shuŋ agbirana na ashi loŋ be mboŋ kikɛ.

Ditɛronɔmi 7:5

Amoso nɛ men kaŋ kɔ m pɔɔ efuliana na so, men bure m bure bumo be agbirsure nɛ agbirjembu nseŋ ku kegbir cheso nɛ baa tre Ashira na be ndibi nɛ b yuu a shuŋ mo na n lɛ. Kumo be kaman nɛ men chɔɔ bumo be agbirana na m mur.