Ɛksodɔs 23:22 - EBƆRƐ BE KAWƆL

²² Ama nɛ men baŋ wora mo kasonu kashenteŋto nseŋ wora kusɔ kama nɛ ŋ kaŋɛ menyi na, kumo ere, men doŋana beeŋ ki ma doŋana nɛ n kɔ bekama nɛ baa kɔ menyi.

Ɛksodɔs 23:22 ပူးပေါင်းရင်းမြစ်များ

Jɛnesis 12:3

Bekama malɛ nɛ b nɛfa fo, ma alɛ gba beeŋ nɛfa bumo. Ama ekama nɛ e sho fo kɔnɔ, ma alɛ gba beeŋ sho amodoŋwura kɔnɔ. Fo so nɛ meeŋ bɔla n nɛfa durnya to ebi kikɛ.”

Nshɛ 35:1

Enyɛnpe Ebɔrɛ, kɔ bekama nɛ baa kɔ ma na; nseŋ kuŋ bumo nɛ baa kuŋ ma ekpa na ekpa.

Ɛksodɔs 15:16

nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Jɛremaya 30:20

Ma alɛ beeŋ naŋ shin nɛ efuli na e nya kumo be eleŋgboŋ dra nɛ k daa kɔ na nseŋ yili to kpakpa. Meeŋ gberge bekama nɛ b daŋ kɔrfɛ bumo na kusoe.

Zakareya 2:8

Kusɔ nɛ Enyɛnpetale Ebɔrɛ na shuŋi ma fanɛ n ya kaŋɛ efuli kama so ebi nɛ b daŋ kɔ m pɔɔ menyi nɛ men wɔ Jerusalɛm to so nseŋ sɔ menyi be asɔ na e la fanɛ, Jerusalɛm du fanɛ Enyɛnpetale Ebɔrɛ na be kenishi nna. Kusɔ kama nɛ esa kama baŋ wora Jerusalɛm, mo nɛ amodoŋwura wora na.

Nɔmbɛs 24:8

Ebɔrɛ e lara bumo ashi Ijipt be kasawule so. B kɔ eleŋ nna fanɛ kupuntona na, nsaa kɔ a pɔɔ bumo doŋana so. Baaŋ to bumo doŋana ata nɛ bumo be awibi kikɛ e buri to.

Nɔmbɛs 24:9

Bumo be efuli du nna fanɛ buluŋ lempo na. K baa di, wanɛ e naaŋ tiŋ n ya tiŋi kumo. Esa kama nɛ e nɛfa Israɛl, gba bee nya nɛfa nna; Esa kama malɛ nɛ e sho Israɛl kɔnɔ, bee nya kɔnɔsho nna.”

Ditɛronɔmi 28:1

Nɛ Mosis naŋ kaŋɛ Israɛl be basa na le: Nɛ fanɛ menyeeŋ wora Enyɛnpe menyi be Ebɔrɛ na kasonu nseŋ bɛ mbe mbraana nɛ n ta a sa menyi kabre ere so kashenteŋto, e beeŋ shin nɛ men ki efuligboŋ nsaa kɔ eleŋ ga a chɔ efuliana nɛ a ka a wɔ durnya to na kikɛ.

Ditɛronɔmi 30:7

Mo alɛ beeŋ laŋɛ eshoduu ere kikɛ n deŋi men doŋana nɛ b kishi menyi nseŋ mɛaŋ menyi na so.

2 Tɛsalɔnikaebi 1:6

Ŋkpal manɛ so, Ebɔrɛ bee wora asɔ nɛ amo be ekpa so nna. Basa nɛ baa tɔrɔ menyi ere, e beeŋ shin nɛ tɔrɔ e ba bumo so.

Joshuwa 9:7

Ama le nɛ Israɛlebi na daŋ kaŋɛ: “Manɛ so nɛ anyi nɛ menyi bee wora kɔnɔkoŋwule be ŋkre? Ashere anyi nɛ menyi maŋ chena n feŋ abar ga gba.”