Ɛksodɔs 23:21 - EBƆRƐ BE KAWƆL

²¹ Men baa kaŋ kusoe a nu mbe ebɔl nsaa wora mo kasonu. Men sa maŋ kaŋ wora kulubi kikɛ ŋ gbiti mo. Nɛ men baŋ wora kulubi ŋ gbiti mo, e maaŋ yige m paŋ menyi, ŋkpal manɛ so, ma eleŋ wɔ mo so nna.

Ɛksodɔs 23:21 ပူးပေါင်းရင်းမြစ်များ

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Nshɛ 72:19

Anyeeŋ baa kpaŋ fo ketre nɛ k kɔ kemaŋkura na jemanɛ kikɛ. Shin nɛ fo kemaŋkuragboŋ na e dii efuli durnya ere be kaplɛkama. Amɛn! Amɛn!

Nshɛ 78:40

Jemanɛ nɛ b daa wɔ keshishɛrsawule na so na, ale damta nɛ b daŋ lar Ebɔrɛ kaman n jija mbe kagbene!

Nshɛ 78:56

Ama b daŋ lar Ebɔrɛ kaman nseŋ wora Enyɛnpetale Ebɔrɛ na ŋ keni nna. B daa maŋ bɛ mbe mbraana so.

Nshɛ 83:18

Shin nɛ b pin fanɛ fo e la Enyɛnpetale Ebɔrɛ. Fo alɛ nawule e naa ji kuwura durnya kikɛ so.

Ɛksodɔs 3:14

Nɛ Ebɔrɛ kaŋɛ Mosis le: “Kaŋɛ bumo fanɛ ma ketre e la: ‘Ma Nɛ N La Ma Na.’ Amoso kusɔ nɛ feeŋ ya kaŋɛ Israɛlebi na e la fanɛ: ‘Ma Nɛ N La Na’ e shuŋi ma menyi kutɔ.”

Ɛksodɔs 32:34

Amoso, bɛta n ya juŋkpar basa na n yɔ kakpa nɛ ŋ ŋini fo na nsaa nyi fanɛ meeŋ shin nɛ ma malaika e baa juŋkpar menyi, ama meeŋ gberge basa na kusoe kachako, ŋkpal bumo be kulubi na so.”

Ɛksodɔs 6:3

N daŋ lar men nananyɛnana Eebraham nɛ Aizek nɛ Jeekɔb so fanɛ Ebɔrɛ Elempo nna, ama n daa maŋ shin nɛ b pin fanɛ ma e la Enyɛnpe Ebɔrɛ na.

Aizaaya 42:8

N nawule kpeŋ e la Enyɛnpe Ebɔrɛ na. M maaŋ shuli nɛ agbir ŋko edimɛdi e sɔ kemaŋkura nɛ bunyaŋ nɛ e daga ma na.

Aizaaya 45:6

N wora le nna nɛ basa kikɛ ashi durnya to e pin fanɛ ma e la Enyɛnpe Ebɔrɛ na, nseŋ naŋ pin fanɛ Ebɔrɛ kikɛ maŋ naa wɔtɔ n ti ma so.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Aizaaya 9:5

Benapo nɛ b bɛ abar so a nite be asɛbtagboŋ nɛ bumo be asɔbuuso nɛ ŋklaŋ gbiti na kikɛ beeŋ chɔɔ edɛ to m mur.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 23:6

E kaŋ m ba ji kuwura, Juda be basa kikɛ beeŋ nya bumo be amu nɛ shɛŋ shɛŋ maaŋ naa tɔrɔ bumo nɛ Israɛl be basa e baa wɔ kayurwushi be kebaawɔtɔ to. Le be ewura ere be ketre e naŋ baa la Enyɛnpe Ebɔrɛ e la anyi be Emɔlgapo.”

Jɛremaya 5:7

Kumo be kaman nɛ Enyɛnpe Ebɔrɛ bishi le: Manɛ so nɛ meeŋ ta ma basa be alubi m paŋ bumo? B kplaŋ ma so nseŋ lar ma kaman n ya kaa shuŋ agbirana nɛ e maŋ la Ebɔrɛ na. N sa ma basa kusɔ kama kanaŋkamaso nɛ baa sha, ama b kraŋ yige ma nseŋ lar bumo be beche be mman n ya kaa wɔ esakaleche kutɔ.

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Nɔmbɛs 14:11

Ndoŋ nna nɛ Enyɛnpe Ebɔrɛ kaŋɛ Mosis le: “Emamachisheŋ damta nɛ n wora n sa basa ere kikɛ ere, b kraŋ kini keyirda ma nsaa keni ma jiga a?

Nɔmbɛs 14:35

Menyi basa lubi nɛ men chala a fubel a bile asheŋ a malga a gbiti ma ere kikɛ beeŋ wu n dese keshishɛrsawule ere so. Ma Enyɛnpe Ebɔrɛ na e malga na.”

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Baru lela nɛ Jɔn kute na 10:30

Ma nɛ n Tuto na la kukoŋwule nna.”

Baru lela nɛ Jɔn kute na 10:38

Ama nɛ mee shuŋ mbe ashuŋ na nna nɛ men maŋ yirda ma gba, a daga fanɛ men yirda ashuŋ na bre, saŋɛ na so menyeeŋ pin fanɛ Etuto na wɔ ma to nɛ ma alɛ wɔ Etuto na to.”

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.

Ɛfesesebi 4:30

Menyi alɛ e sa maa jija Ebɔrɛ be Kiyoyu Cheeŋ nɛ Ebɔrɛ ta n dulgi menyi n yili kesɔnyigeachɛ na.

Ditɛronɔmi 18:19

Ŋkpal kubɔya na ka beeŋ shi ma kutɔ so, esa kama nɛ e kaŋ kini kewora kumo kasonu, ŋ gbagba e naaŋ bishi amodoŋwura ŋko ŋ gberge mo kusoe.

Ditɛronɔmi 9:7

Men sa maŋ kaŋ teŋ kananɛ men daŋ shin nɛ Enyɛnpe menyi be Ebɔrɛ na nya agbo ashi keshishɛrsawule na so na. Yili kachɛ nɛ men lar Ijipt be efuli so m ba fo nfe, men baa la basa nɛ menyee lar Enyɛnpe Ebɔrɛ na kaman nna.

Kɔlɔsiebi 2:9

ŋkpal manɛ so, Yesu Kristo na to nɛ Ebɔrɛ nɛ mbe kusɔ kama wɔ.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 3:16

To, nɛ basa mo e koso a kɔ mbe eleŋ na? Mannɛ basa nɛ anebi Mosis daŋ juŋkpar n lar Ijipt be efuli so na e daa la a?

Joshuwa 24:19

Ndoŋ nna nɛ Joshuwa kaŋɛ basa na le: “Ashere menyi maaŋ tiŋ n shuŋ Enyɛnpe Ebɔrɛ na. E la Ebɔrɛ cheembi nna. Mo alɛ maaŋ ta menyi be alubi m paŋ menyi, ŋkpal manɛ so, e maa sha kechamana be asheŋ.

1 Jɔn 5:16

Esa kama nɛ e wu mo niopibi ka bee wora kulubi nɛ k maŋ la luwu be kulubi, amodoŋwura e kule Ebɔrɛ nɛ e sa mo ŋkpa. Basa nɛ bumo be alubi maa yɛr bumo luwu to na nɛ n de na. Kulubi ko wɔtɔ a yɛr esa luwu to, mannɛ loŋ be kulubi na be kabɔrɛkule nɛ ŋ kaŋɛ fanɛ amodoŋwura na e kule.

Kelaraŋŋini 1:8

Enyɛnpe Ebɔrɛ na yɛ: “Ma e la Alfa nɛ Omega, Enyɛnpetale mo nɛ e daa wɔtɔ nseŋ kraa wɔtɔ nseŋ naa ba na.”

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

Kelaraŋŋini 2:8

Kede be kaman nɛ e naŋ kaŋɛ: “Sibɛ kawɔl ere n sa Smɛɛna be kade to be asɔri be malaika na ŋ kaŋɛ mo le: ‘Mmalga ere shi emo nɛ e la sososo nɛ lalaloge nseŋ daŋ wu n naŋ tiŋi a wɔ ŋkpa to na kutɔ nna.

Kelaraŋŋini 3:7

Nɛ e kaŋɛ: “Sibɛ kawɔl ere n sa Filadɛlfia be kade to be asɔri be malaika na ŋ kaŋɛ mo le: ‘Mmalga ere shi ma, emo nɛ e du cheembi nsaa la kashenteŋwura nsaa kɔ Ewura Deevid be sɔfi to na kutɔ nna. Kusɔ nɛ m bugi, esa kikɛ maaŋ tiŋ n ti kumo, kusɔ kama malɛ nɛ n ti, esa kikɛ maaŋ tiŋ m bugi kumo.

Demujipoana 13:18

Nɛ malaika na bishi mo le: “Manɛ nna nɛ fee sha kepin ma ketre? K la mamachi be ketre nna. Ŋ kaŋɛ fo kumo gba fo maaŋ pin to.”