Ɛksodɔs 23:2 - EBƆRƐ BE KAWƆL

² Men sa maa bɛ jimaŋ so a wora alubi ŋko a ji efɛ be shɛda ashi demujikpa.

Ɛksodɔs 23:2 ပူးပေါင်းရင်းမြစ်များ

Jɛnesis 19:4

B ka bee shin nɛ b luri n dese nɛ Sodɔm be benyɛn ba kulti Lɔt be kowu n shɛr to. Kade na to be benyɛn kikɛ, mbrantiɛbi nɛ benyɛnnimu kikɛ e daa wɔ ndoŋ.

Jɛnesis 6:12

Ndoŋ nna nɛ Ebɔrɛ wu fanɛ durnya jija, ŋkpal manɛ so, basa be asheŋ lubi sɔ durnya to kikɛ nyam nna nɛ dimɛdi be asheŋ woraso kikɛ ki kulubi.

Jɛnesis 7:1

Ndoŋ nna nɛ Enyɛnpe na kaŋɛ Nowa le: “Fo nɛ fo kanaŋ kikɛ e luri kuloŋgboŋ na to, ŋkpal manɛ so, n wu fanɛ fo jemanɛ ere so ebi to fo e la esa nɛ e niŋi ma anishito.

1 Bewura 19:10

Nɛ Elaija kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo bɔrɛsureana n lɛ, m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

Job be kawɔl 31:34

M maa ŋana kusɔ nɛ basa beeŋ kaŋɛ a laŋɛ ma kaplɛa so, Ma alɛ maŋ naŋ lo ma kɔnɔ ŋko n ta ma kumu ŋ ŋana ma laŋ to ŋkpal ŋ ka bee ŋana kufu fanɛ basa beeŋ keni ma jiga so.

Nshɛ 72:2

Saŋɛ na so, e beeŋ baa ji fo basa demu ekpa niŋiso so, nsaa keni basa nɛ b wɔ tɔrɔ to ekpa nɛ k daga so.

Aŋasa 1:15

M pibinyɛn, sa maa tu loŋ be basa a wora asheŋ. Baa ji a gelge bumo.

Aŋasa 18:5

Alubiworapo maŋ daga kesɔ n yige ashi kasogberge to, esa nɛ e maŋ wora n jija malɛ maŋ daga kemɔn kashenteŋ.

Aŋasa 4:14

Sa maa yɔ mboŋ nɛ basa lubi bee yɔ, ŋko a koya basa lubi be aworbi.

Jɛremaya 37:15

B daŋ nya agbo ga nna n wɔtɔ ma nseŋ kaŋɛ esoji na fanɛ b bri ma. Kumo be kaman nɛ b keta ma n yɔ Jonatan nɛ e la ewurkpa be ekrachi na be eko be laŋ nɛ b ta ŋ ki kabuti be kakpa na n ya ti ebu.

Jɛremaya 37:21

Ndoŋ nna nɛ ewura Zɛdikaya sa ebɔl fanɛ b ya ti ma ewurkpa be bekumpo be kakpa nɛ baa ti basa ebu na. Karechɛ kikɛ b daa sa ma ebodobodo nɛ baa tɔ na be kukoŋwule nna n ya fo fanɛ ebodobodo kikɛ ka loge kadegboŋ na to.

Jɛremaya 38:9

“Yiramu, kusɔ nɛ basa ere wora ere maŋ walɛ. B ta Jɛremaya n wɔtɔ ketirbu to, kakpa nɛ akoŋ beeŋ mɔ mo, ŋkpal manɛ so, ajibi kikɛ maŋ naa wɔ kadegboŋ na to.”

Ezikɛl 9:9

Nɛ Ebɔrɛ kaŋɛ ma le: “Israɛl nɛ Juda be basa be kulubi na shi m baŋ so. Basa be kemɔ e sɔ kasawule na kikɛ so nɛ ekishisheŋ malɛ sɔ Jerusalɛm be kade to kikɛ. Baa kaŋɛ nna fanɛ, ma, Enyɛnpe Ebɔrɛ na kplaŋ efuli na so nna; ma alɛ maa wu asheŋ nɛ baa wora na.

Levitikɔs 19:15

Men baa kɔ kashenteŋji nsaa ji asheŋ nɛ amo be ekpa so ashi men be demuji kikɛ to. Men sa maa kpɛa betirpo to ŋko a ŋana damawuraana.

Heegai 1:4

E yɛ: “Ma basa, manɛ nna nɛ menyi ere wɔ nwu lela to nɛ ma ere be bɔrɛlambu bure a dese?

Maak 15:15

Pailat daa maa sha keda jimaŋ na so, amoso, e daŋ lara Barabas nna n sa bumo nseŋ shin nɛ b kuya Yesu so nseŋ ta mo m bɔɔ basa na enɔ fanɛ b ya gbir mo m mata kedibi largato so.

Luuk 23:51

E daa la nshɛrwuraana na be eko nna, ama e daa maŋ sa bumo kashuli ashi kesheŋ nɛ b daŋ wora na to. E daa wɔtɔ nna a jo Ebɔrɛ be kuwura na be keba.

Ashuŋ Shunso 24:27

B wɔtɔ loŋ nɛ nfɛ anyɔ ba choŋ nɛ Pɔkias Fɛstes ba sɔ mo so a la gomena. Ŋkpal kenya ketre Juwebi na kutɔ so, Filiks daŋ yige Pɔɔl kabuti na to nna nseŋ yɔ.

Ashuŋ Shunso 25:9

Ŋkpal kenya ketre Juwebi na kutɔ so, Fɛstes daŋ bishi Pɔɔl nna: “Fee sha keyɔ Jerusalɛm nɛ n ya ji fo asheŋ nɛ b yɛ fo wora ere be demu ndoŋ a?”

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

Ditɛronɔmi 1:17

Men sa maa kpɛa to ashi menyi be demuji to. Ekpa koŋwule so a daga fanɛ men baa ji bepɔshipo nɛ belempo kikɛ demu. Men sa maa ŋana esa kikɛ, ŋkpal manɛ so, Ebɔrɛ beeŋ chɛ menyi to nɛ men ji asheŋ nɛnɛ. Nɛ fanɛ demu ko du kpakpa n sa menyi, men ta kumo m bar ma nɛ n ji kumo.

Ditɛronɔmi 16:19

K maŋ daga b baa ji durmu ŋko a kpɛa to ashi bumo be demujiana to. B sa maŋ kaa sɔ brɔbu basa kutɔ pɔɛŋ nsaa ji bumo demu, ŋkpal manɛ so ŋkɛ be kesɔ beeŋ tiŋ n shin nɛ enyiashempo e sa maŋ ji kashenteŋ nseŋ shin nɛ beshenteŋjipo e ki befɛpo, saŋɛ na so nɛ b baa ji asheŋ ekpa nɛ k maŋ daga so.

Ditɛronɔmi 24:17

Men sa maa mɔn befɔ nɛ amunibi kusɔ nɛ k daga bumo kikɛ. Menyi alɛ e sa maa sɔ ekulpoche be kusɔbuuso a yili tarma pɔɛŋ nsaa sa mo mpaŋ.

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”

1 Samuɛl 15:24

Ndoŋ nna nɛ Sɔɔl kaŋɛ Samuɛl le: “N shuli fanɛ n wora kulubi. Ŋ kini kenu n sa fo nɛ Enyɛnpe Ebɔrɛ kikɛ. Benapo na nɛ n daa ŋana nseŋ nu n sa bumo.

1 Samuɛl 15:9

Sɔɔl nɛ mbe benapo na daa maŋ mɔ Agag. B daa maŋ mɔ mbolpɔ lela nɛ bumo be bibi nɛ ana lela nɛ bumo be bibi ŋko n jija kusɔ kama nɛ k walɛ m par bumo na; kusɔ kama nɛ k daa maŋ kɔ tɔnɔ na nɛ b daŋ jija.