Ɛksodɔs 23:18 - EBƆRƐ BE KAWƆL

¹⁸ Men sa maŋ shin nɛ asɔbɔya nɛ men ta n lara sarga n sa ma na be ŋklaŋ nɛ kusɔ kama nɛ k kɔ yiisi e wea abar to. Menyi alɛ e sa maŋ shin nɛ kare e chɛ asɔbɔya nɛ men ta n lara sarga n sa ma kejigboŋana na to na be nfɔ so.

Ɛksodɔs 23:18 ပူးပေါင်းရင်းမြစ်များ

Ɛksodɔs 12:10

Men sa maŋ kaŋ shin nɛ kare e chɛ eblaŋ na be kekama so. Men chɔɔ ekama nɛ meeŋ we ŋ ka.

Ɛksodɔs 12:15

Yili loŋ be kachɛ na n ya fo bɔkwe men be ekama e sa maŋ kaŋ ji bodobodo nɛ b ta yiisi n wora. Bɔkwe na to be kachɛ sososo na ekama e lara yiisi kikɛ ashi mbe laŋ to. Esa kama nɛ e baŋ ji bodobodo nɛ b ta yiisi n wora nchɛnshunu na to, meeŋ lara mo ashi ma basa to.

Ɛksodɔs 12:8

K daga fanɛ b tɔ eblaŋ na edɛ to nna nseŋ ta amo nɛ bodobodo nɛ a maŋ kɔ yiisi nɛ epofantaŋ kekra n wea abar to n we.

Ɛksodɔs 16:19

Kumo be kaman nɛ Mosis naŋ kaŋɛ bumo: “Ekama e sa maŋ kaŋ shin nɛ amo be ako e yili mo kutɔ ŋklade.”

Ɛksodɔs 29:34

Ama nɛ fanɛ amo be ako ka nseŋ di ŋklade, men chɔɔ amo nɛ esa kama e sa maŋ kaŋ ji amo, ŋkpal manɛ so, a la asɔ cheembi nna.

Ɛksodɔs 34:25

Men sa maŋ kaŋ ta kusɔ kama nɛ k kɔ yiisi n ti kusɔbɔya so n lara sarga n sa ma. Menyi alɛ e sa maŋ kaŋ shin nɛ Kebansonchoŋ be Kejigboŋ be kusɔbɔya be eblaŋ kama e yili ŋklade.

Levitikɔs 2:11

Ayu be sarga kama nɛ menyeeŋ lara n sa Enyɛnpe Ebɔrɛ na maŋ daga e baa kɔ yiisi kumo to. Menyi alɛ e sa maŋ kaŋ ta yiisi ŋko mushoŋ n wea ayu be sarga kama to n chɔɔ n lara sarga n sa Enyɛnpe Ebɔrɛ na.

Levitikɔs 7:12

Nɛ esa bee shin nɛ e lara kɔnɔkoŋwule be sarga fanɛ kapandi be sarga, a daga e ta bodobodo nɛ a maŋ kɔ yiisi ŋko ekrakashi nɛ a maŋ kɔ yiisi ŋko mansaŋ m b baga amo ŋku n ti kusɔbɔya na so n lara sarga na so n lara kumo.

Levitikɔs 7:15

Kusɔbɔya nɛ b ta n lara kɔnɔkoŋwule nɛ kapandi be sarga na daga b ka we kumo be eblaŋ kikɛ kachɛ nɛ b mɔ kumo na nna. Kare maa chɛ kumo be eblaŋ so.

Ditɛronɔmi 16:4

A maŋ daga fanɛ esa kikɛ menyi be kasawule na so e baa kɔ yiisi mbe laŋ to nchɛnshunu na kikɛ to. A daga fanɛ men we kusɔbɔya nɛ menyeeŋ mɔ kaaseso n ji Kebansonchoŋ na be eblaŋ kikɛ kachɛ sososo na be kanyɛ na kikɛ.