Ɛksodɔs 23:14 - EBƆRƐ BE KAWƆL

¹⁴ Kafɛ kikɛ to men baa wora kejigboŋ be yiri yiri asa a bunyaŋ ma.

Ɛksodɔs 23:14 ပူးပေါင်းရင်းမြစ်များ

1 Bewura 9:25

Kafɛ kikɛ, ale asa nɛ ewura Sɔlɔmɔn daa chɔɔ duwu nsaa lara esarga chɔɔso nɛ kɔnɔkoŋwuleso be esarga a deŋi bɔrɛsure nɛ e pɔr n sa Enyɛnpe Ebɔrɛ na so, hale m ba pɔr bɔrɛlambu na n loge.

2 Kronikɛls 8:13

E daŋ bɛ kananɛ Mosis ŋini fanɛ b baa lara esarga kewushiachɛ na, nɛ kufɔl popɔr kikɛ be kachɛ sososo nɛ bodobodo nɛ a maŋ kɔ yiisi be kachɛgboŋ nɛ kasɔteŋi be kachɛgboŋ nɛ abuu to be kebaawɔ be kachɛgboŋ so nna.

Ɛksodɔs 23:17

Kafɛ kikɛ to, a daga fanɛ menyi to be benyɛn kikɛ ka shɛr Enyɛnpetale Ebɔrɛ na be anishito ale asa.

Ɛksodɔs 34:17

Men sa maŋ kaŋ ta kebɛlso n lɔŋɛ kegbir a bunyaŋ kumo.

Ɛksodɔs 34:18

Men baa bɛ bodobodo nɛ k maŋ kɔ yiisi be daŋkare be kejigboŋ na so fanɛ kananɛ n nase n sa menyi na. Kufɔl nɛ baa tre Abib na baŋ fo, men we bodobodo nɛ a maŋ kɔ yiisi bɔkwe lelemu, ŋkpal manɛ so, loŋ be kufɔl na to nɛ men daŋ lar Ijipt be kasawule so.

Ezikɛl 46:9

Ama jemanɛ kama nɛ basa na ba nɛ b ba bunyaŋ Enyɛnpe Ebɔrɛ na nchɛgboŋana na be kekama to, bekama nɛ baaŋ bɔla kelargato be esoso be kaba so be kabunagboŋ na to n luri na daga fanɛ b bɔla kelargato be kaseto be kaba so be kabunagboŋ na to nna n lar. Ekama e sa maŋ kaŋ naŋ bɔla kabuna nɛ e bɔla to n luri na to n lar, ama kabuna nɛ k wɔ kumo nɛ e bɔla to n luri na be kaba ndoŋ na.

Levitikɔs 23:16

Bɔkwe shunusopo na be kachɛ lalaloge be ŋklade, kachɛ adunusopo na nna na, nɛ men lara ajibi popɔr be sarga n sa Enyɛnpe Ebɔrɛ na.

Levitikɔs 23:4

Nchɛgboŋana nɛ Enyɛnpe Ebɔrɛ na yili nɛ a la nchɛ cheembiana nɛ menyeeŋ baa shɛr nde:

Levitikɔs 23:5

Kebansonchoŋ be kachɛ na la kachɛ nɛ menyeeŋ shɛr nna m bunyaŋ ma. K bee fara kufɔl juŋkparso na be kachɛ kudu ana na be kaaseso yululu nna.

Ditɛronɔmi 16:1

Israɛl be basa, a daga fanɛ men baa ji Kebansonchoŋ be kachɛgboŋ na kufɔl nɛ baa tre ‘Abib’ na to, ŋkpal manɛ so nfɛ nɛ a choŋ na, loŋ be kufɔl na be kanyɛso ko nɛ Enyɛnpe menyi be Ebɔrɛ na kɔ m mɔlga menyi ashi Ijipt be efuli so. ‘Abib’ e la Hibruwebi be sososo be kufɔl ashi bumo be kafɛ to.

Ditɛronɔmi 16:16

Ela asa nɛ menyi be efuli so be basa kikɛ beeŋ ba shuŋ Enyɛnpe Ebɔrɛ na ashi kakpa nɛ menyeeŋ baa shuŋ Ebɔrɛ na. Jemanɛ nɛ baaŋ baa wora loŋ e la Kebansonchoŋ be kejigboŋachɛ nɛ Kasɔteŋi be kejigboŋachɛ nɛ Abuu to be kebaawɔ be kejigboŋachɛ. Menyi to be ekama beeŋ bar kakɛ

1 Samuɛl 1:3

Kafɛ kikɛ Ɛlkana daa shi Raama nna a yɔ Shilo n ya kaa bunyaŋ Enyɛnpetale na nsaa lara sarga a sa mo. Eli nɛ mbe mbinyɛnsobi anyɔ nɛ baa tre Hofni nɛ Finihas na e daa la bɔrɛmatapoana ashi ndoŋ.