Ɛksodɔs 23:13 - EBƆRƐ BE KAWƆL

¹³ Men wora kasonu n sa kusɔ kama nɛ ma, Enyɛnpe Ebɔrɛ kaŋɛ menyi ere kikɛ. Menyi alɛ e sa maŋ kaŋ shuŋ kegbir kama ŋko a ti kegbir kama be ketre.”

Ɛksodɔs 23:13 ပူးပေါင်းရင်းမြစ်များ

Nshɛ 16:4

Ama bekama nɛ b shil a bɛ agbirana so na bre be etɔrɔ beeŋ wora keshi ga. M maaŋ tu bumo n lara bumo be agbir na be esarga. Ma alɛ maaŋ bunyaŋ amo.

Nshɛ 39:1

Ŋ kaŋɛ fanɛ meeŋ baa de so, nɛ ma kudonduloŋ maaŋ wora alubi. N yɛ, meeŋ kre ma kɔnɔ so, saŋɛ nɛ ma nɛ basa lubi wɔtɔ na.

Ɛksodɔs 23:24

Men sa maŋ kaŋ bunyaŋ bumo be agbir na ŋko n shuŋ amo ŋko m bɛ bumo be edaŋkaresheŋ so. Men jija bumo agbirana na cheche nseŋ bure bumo be agbirjembu na to burburbi.

Ɛksodɔs 23:32

Men sa maŋ kaŋ shin nɛ menyi nɛ bumo nɛ bumo be agbirana e wora kɔnɔkoŋwule kikɛ.

Jɛremaya 10:11

Fo yɛ ŋ kaŋɛ basa fanɛ, mannɛ agbirana e to ebɔrɛso nɛ kasawule; fo Enyɛnpe Ebɔrɛ na malɛ beeŋ mur kegbir kikɛ nɛ edimɛdi lɔŋɛ.

Hoziya 2:17

Ma alɛ beeŋ lara kegbir nɛ baa tre Baal na be ketre ashi men be nnɔ to nɛ men maaŋ naŋ shu n tre kumo kikɛ.

Zakareya 13:2

Jemanɛ na kaŋ fo, meeŋ mur agbirana be atre kasawule na so nɛ esa maaŋ naa nyiŋi amo be asheŋ gba kuraa. Ma alɛ beeŋ lara anebi fɛpoana na nɛ eyurpisheŋ be kiyoyu gba kasawule na so.

Nɔmbɛs 32:38

nɛ Sibma nɛ nde nɛ b daa tre Nebo nɛ Baal Miɔn na. B daŋ nase nde nɛ b pɔr egbal ŋ kulti na atre popɔr nna.

Ɛfesesebi 5:12

Ŋkpal manɛ so, kemalga asheŋ nɛ basa ŋana a wora ere be asheŋ gba kɔ anishinyɔr nna.

Ɛfesesebi 5:15

Amoso, men baa de men be kebaawɔtɔ so nɛnɛ fanɛ benyiashempo, mannɛ fanɛ bewulpo.

Ditɛronɔmi 12:3

Men bure bumo be agbirsure nɛ eshabɔrɛ nɛ b ta ajembu m pɔr na nseŋ chɔɔ asɔ kama nɛ a yili n sa kegbir cheso nɛ baa tre Ashira na, saŋɛ na so basa maaŋ naŋ shuŋ agbirana na ashi loŋ be mboŋ kikɛ.

Ditɛronɔmi 4:15

Ade be kaman, nɛ Mosis naŋ kaŋɛ Israɛlebi na le: “Enyɛnpe Ebɔrɛ na ka daŋ bɔla edɛ na to m malga menyi kutɔ ashi Sainai be kebee na ase na, men daa maŋ wu mbe kapɔr kikɛ kenishiso. Amoso men baa da so

Ditɛronɔmi 4:23

Amoso, men baa da so nɛ menyi maaŋ teŋ menyi nɛ Enyɛnpe Ebɔrɛ na be kɔnɔkoŋwule be ŋkre na so. Men baa wora mbe mbraana kasonu nsaa maŋ kaŋ shuŋ kegbir be yiri kikɛ,

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Ditɛronɔmi 6:1

“Mbraana nɛ Enyɛnpe menyi be Ebɔrɛ na ta n sa ma fanɛ ŋ ŋini menyi nna na. Men ya kaa wora amo kasonu ashi kasawule nɛ menyee dii Jɔɔdan be lɔr na a yɔ nɛ men ya sɔ n chena so na.

1 Timoti 4:16

Baa de so a keni fo kumu nɛ fo abɔrɛsheŋ be keŋini na so nɛnɛ. Baa wora asɔ ere, ŋkpal manɛ so, loŋ e naaŋ mɔlga fo nɛ bumo nɛ baa nu fo mmalga na.

Hibruwebi 12:15

Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.

Joshuwa 22:5

Ama men baa da so nsaa bɛ mbra nɛ Mosis sa menyi, fanɛ: ‘Men baa sha men Nyɛnpe Ebɔrɛ na, nsaa wora mbe aparsheŋ. Men baa bɛ mbe mbra so, a ji kashenteŋ a sa mo, nsaa shuŋ mo nɛ men be ŋgbene nɛ ayoyu kikɛ.’ ”

Joshuwa 23:11

Amoso, men baa sha men Nyɛnpe Ebɔrɛ na ga nsaa da so nɛ men maaŋ wora n da mo so.

Joshuwa 23:7

Men sa maa ji a tir kasawule na so be basa nɛ b ka a wɔ menyi to na. Men sa maa nase nnɔ bumo be agbir to ŋko a bɔ amo. Men sa maa shuŋ agbir na ŋko a bunyaŋ amo.