Ɛksodɔs 23:12 - EBƆRƐ BE KAWƆL

¹² Men ta nchɛ ashe n shuŋ, nseŋ wushi kachɛ shunusopo na, saŋɛ na so men be ana dɔso nɛ ekurma gba beeŋ wushi. Nɛ men be elaŋ to be anya nɛ befɔ gba e wushi.

Ɛksodɔs 23:12 ပူးပေါင်းရင်းမြစ်များ

Nehemaya 13:16

Basa nɛ b daŋ shi kadegboŋ nɛ baa tre Tayɛ nɛ b daa wɔ Jerusalɛm to na daa bar ekɔrɔtɔ nɛ asɔ pɔtɛana ko nna m ba ka fa ndoŋ Kewushiachɛ na.

Ɛksodɔs 16:23

Nɛ Mosis kaŋɛ bumo: “Enyɛnpe Ebɔrɛ nase mbra nna fanɛ echefo la mo gbagba be kachɛ cheembi nɛ e lara nɛ k baa la ewushi be kachɛ nna. Amoso, men tɔ amo nɛ menyee sha ketɔ edɛ to n ji nseŋ daŋɛ amo nɛ menyee sha kedaŋɛ n ji malɛ nseŋ ta amo nɛ a ka na n yili echefo.”

Ɛksodɔs 23:11

nseŋ yige kumo nɛ k wushi kafɛ shunusopo na bre to. Menyi alɛ e sa maŋ teŋi kumo so be akɔrbua kafɛ shunusopo na to, saŋɛ na so betirpo nɛ kupuŋ to be asɔbɔya gba beeŋ shishi amo nɛ a ka na n ji. Loŋ koŋwule na e daga fanɛ men wora men be afeelebi sɔrso nɛ ɔlif be ndibi be adɔ gba.

Ɛksodɔs 34:21

Nchɛnshe e daga fanɛ men ta n shuŋ menyi be ashuŋ nseŋ wushi kachɛ shunusopo na. Hale k la kudɔ ŋko kasɔteŋi be saŋɛ gba, a daga fanɛ men wushi kumo be kamɔnchɛ.

Ɛksodɔs 35:2

Nchɛnshe e daga fanɛ men shuŋ menyi be ashuŋ. Kachɛ shunusopo na bre la Enyɛnpe Ebɔrɛ be Kewushiachɛ cheembi nna. Esa kama nɛ e shuŋ kushuŋ kama kamɔnchɛ, daga fanɛ b mɔ mo.

Ɛksodɔs 35:3

Men sa maŋ kaŋ puga edɛ gba menyi be elaŋana to loŋ be kachɛ na.”

Aizaaya 58:3

Kumo be kaman nɛ basa na bishi le: “Manɛ nna nɛ anyee kishi nɛ Enyɛnpe Ebɔrɛ na maa wu fanɛ anyee kishi? Nɛ manɛ nna nɛ anyee bar anyi be amu kaseto nɛ mbe lakal maŋ wɔ anyi so?” Ade be kaman nɛ Enyɛnpe Ebɔrɛ na malɛ kaŋɛ bumo le: “Kashenteŋ na e la fanɛ, jemanɛ kikɛ nɛ menyee kishi menyi gbagba be aparsheŋ nɛ menyee wora nsaa mɛaŋ menyi be beshumpoana.

Levitikɔs 23:3

Nchɛnshe nɛ menyeeŋ ta n shuŋ menyi be ashuŋ, ama men baa nyiŋi fanɛ kachɛ shunusopo na bre la Kewushiachɛ nna. Loŋ be kachɛ nɛ menyeeŋ ta n shɛr abar so m bunyaŋ ma Enyɛnpe Ebɔrɛ na. Kaplɛkama nɛ men wɔ, Kewushiachɛ na la Enyɛnpe Ebɔrɛ na be kachɛ nna.

Maak 2:27

Kamalga ere be kaman nɛ Yesu naŋ kaŋɛ bumo: “B jɔŋɛ kewushiachɛ na nna n sa basa, mannɛ basa nɛ b lɔŋɛ n sa kewushiachɛ na.

Luuk 13:14

Ndoŋ nna nɛ nshɛrbu na to be enimu nya agbo n wora Yesu ŋkpal e ka chɛ kache na kewushiachɛ so nseŋ kaŋɛ basa na le: “Nchɛ nshe a daga fanɛ an baa kɔ a shuŋ, amoso, men baa ba nfe nchɛ nshe na to m ba kaa shin nɛ b baa chɛ menyi be alɔana. Men sa maa ba kewushiachɛ.”