Ɛksodɔs 23:1 - EBƆRƐ BE KAWƆL

¹ Men sa maa bɔ efɛ be baru, ŋko a ji efɛ be shɛda a chɛ belubiworapo to.

Ɛksodɔs 23:1 ပူးပေါင်းရင်းမြစ်များ

Jɛnesis 39:17

Mo kul ka ba nɛ e kaŋɛ mo kesheŋ koŋwule na fanɛ: “Keni, kenya nɛ e la Hibruw nɛ fo bar laŋ to m ba wɔtɔ anyi to nfe na luri nna nɛ e ba pur ma.

2 Samuɛl 16:3

Nɛ ewura na bishi mo le: “Nnɛ nɛ fo nyɛnpe Sɔɔl mo nanabi Mifiboshɛf wɔ?” Nɛ Ziba yɛ: “E wɔ Jerusalɛm to, ŋkpal e ka bee fɛ fanɛ Israɛlebi na beeŋ laŋɛ mo nananyɛn Sɔɔl be kuwura n sa mo so.”

2 Samuɛl 19:27

E daŋ ya ku efɛ nna deŋi ma n sa fo. Yiramu, ama ŋkpal fo ka du fanɛ Ebɔrɛ be kabɔ so, fo wora kusɔ kama nɛ k par fo.

Nshɛ 101:5

M maaŋ sa ekama nɛ e bee nite a ji basa be asheŋ ekpa nɛ e baa wora loŋ. Ma alɛ maaŋ sa kamoowuwura ŋko keŋkenshiwura kashuli kikɛ nɛ b baa du loŋ.

Nshɛ 120:3

Menyi befɛpo ere, manɛ nɛ Ebɔrɛ beeŋ wora menyi? Nuso be kasogberge nɛ e beeŋ sa menyi?

Nshɛ 15:3

nsaa maa ku efɛ a deŋi bumo braana, ŋko a malga asheŋ lubi a gbiti bumo na; nɛ bumo nɛ baa sa basa bunyaŋ na,

Nshɛ 27:12

Sa maŋ yige ma n sa ma doŋana nɛ b ta efɛ nɛ kafunti a kɔ ma, nseŋ nya ma n wora kusɔ nɛ baa sha.

Nshɛ 35:11

Belubiworapo bee ku efɛ a ji shɛda a gbiti ma. Baa ku ma kɔnɔ a kaŋɛ fanɛ n wora asɔ nɛ m maŋ nyi amo be asheŋ gba.

Ɛksodɔs 20:16

Men sa maa ji efɛ be shɛda a gbiti men braana.

Ɛksodɔs 23:7

Men sa maa ku efɛ a deŋi basa so, ŋko a ji demu a kaŋɛ fanɛ basa nɛ b maŋ wora n jija daga luwu. Esa kama nɛ e wora loŋ maaŋ ji n lar ma anishito kikɛ.

Aŋasa 10:18

Esa kama nɛ kekishi wɔ mo to la efɛpo nna. Ewulpo e naa ta b yɛ b yɛ a shuŋ.

Aŋasa 12:17

Fo baŋ ji kashenteŋ, basa bee wora asheŋ a niŋi ekpa nna, ama efɛ bre bee shin nɛ basa bee wora asheŋ a gbɛto nna.

Aŋasa 14:5

Kashenteŋ be shɛdajipo maa fule, ama efɛ be shɛdajipo bre be kamalga kikɛ la efɛ nna.

Aŋasa 17:4

Alubisheŋ bee wora belubiworapo ebel nna nɛ efɛ malɛ bee wora befɛpo ebel.

Aŋasa 19:28

Efɛ be shɛdajipo bee kuŋ kashenteŋji ekpa nna; Asheŋ lubi bee wora alubiworapo ebel nna.

Aŋasa 19:5

Efɛ be shɛdajipo ashi demujikpa maaŋ ta mbe kumu n ji nɛ e maŋ nya kasogberge.

Aŋasa 19:9

Efɛ be shɛdajipo ashi demujikpa maaŋ paŋ mbe kasogberge kikɛ. Efɛpo malɛ kikɛ beeŋ mur.

Aŋasa 21:28

Efɛ be shɛda maaŋ tiŋ n yili kikɛ, kashenteŋ be shɛda nawule e naŋ yili.

Aŋasa 24:28

Sa maŋ kaŋ ji efɛ be shɛda ŋ gbiti fo barkasa ŋko ŋ ku efɛ ŋ deŋi mo.

Aŋasa 25:18

Keji efɛ be shɛda ŋ gbiti esa du nna fanɛ fo ka da mo kasaŋɛ ŋko ketanyembi ŋko ŋ ŋe mo kedibi nna.

Aŋasa 25:23

Kananɛ kebɔrɛfito be afu bee bar bɔrɛ na, aloŋ nɛ ŋkuli bee bar agbo.

Aŋasa 6:19

nɛ shɛdajipo nɛ e bee ku efɛ a deŋi abar so nɛ edebɔrpo nɛ e bee ta beteri be amu a ŋmɛa abar.

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Levitikɔs 19:11

Sa maŋ kaŋ yuri ŋko m puni ŋko ŋ ku efɛ.

Levitikɔs 19:16

Men sa maa nite a ji basa be asheŋ a ku efɛ a deŋi bumo. Nɛ baa ji esa demu nɛ k beeŋ tiŋ n shin nɛ e paŋ mbe ŋkpa nɛ feeŋ tiŋ n ji shɛda n chɛ mo to, fo wora loŋ. Ma e la Enyɛnpe Ebɔrɛ na.

Matiu 19:18

Nɛ kanyɛn na bishi mo: “Amo malɛ?” Nɛ Yesu kaŋɛ mo: “Amo e la fanɛ, sa maŋ kaŋ mɔ, sa maa ji kubojua, sa maŋ kaŋ yuri, sa maŋ kaŋ ji efɛ be shɛda,

Luuk 19:8

Nɛ Zakiyes niŋi to n yili nseŋ kaŋɛ Enyɛnpe le: “Enyɛnpe, keni, meeŋ barga ma asɔ to ntuŋ anyɔ so n ta barga to ko ŋ kɛ betirpo, nɛ esa kama malɛ nɛ m puni, meeŋ leŋi amodoŋwura be kusɔ na ntuŋ nna n sa mo.”

Luuk 3:14

Nɛ benapo ko malɛ ba bishi mo: “Manɛ nɛ anyi alɛ beeŋ wora?” Nɛ e kaŋɛ bumo: “Men sa maa suge basa be amansherbi ŋko a ji bumo so. Men shin nɛ men be kakɔka e baa kukwe menyi.”

Baru lela nɛ Jɔn kute na 7:51

“Anyi be mbra na wɔtɔ fanɛ an kaŋɛ fanɛ esa daga kasogberge nɛ anyi alɛ maŋ nu kusɔ nɛ amodoŋwura kɔ nɛ e kaŋɛ nseŋ naŋ bishi m pin to pɔɛŋ nsaa ji mo demu a?”

Romebi 3:8

Le be kamalga koŋwule ere malɛ so nɛ basa ko bee yili so a ku anyi kɔnɔ a kaŋɛ fanɛ loŋ nɛ anyee kaŋɛ na. B yɛ: “Men shin nɛ an baa wora alubi nɛ a baa ki alela.” Loŋ be basa be kasogberge baŋ daga bumo nna.

Ɛfesesebi 4:25

Amoso, men be ekama e lara efɛsheŋ ashi mbe kebaawɔtɔ to nsaa malga kashenteŋ be mmalga a sa mo braana, ŋkpal manɛ so, an kikɛ la eyur koŋwule to be mba nna.

Ditɛronɔmi 5:20

Men sa maŋ kaŋ ku efɛ n deŋi esa kama.

2 Timoti 3:3

Basa maaŋ ba kaa kɔ kasha nseŋ lar kuwɔr to nsaa kɔ efɛ be eshɛda. Baaŋ ba kaa wɔtɔ a diewu, bumo alɛ nsaa la basa ŋana so nseŋ ba kaa kishi kelela be yiri kikɛ.

1 Pita 3:16

Ama men baa kɔ amu be kebar kaseto nɛ bunyaŋ a wora loŋ nsaa maŋ shin nɛ kesheŋ lubi e baa wɔ men be nfɛra fɛsoana to, saŋɛ na so anishinyɔr beeŋ pɛ bekama nɛ baa malga asheŋ lubi a gbiti menyi ŋkpal men ka la Kristo be basa a wora alelasheŋ na so.

Kelaraŋŋini 12:10

Ndoŋ nna nɛ n nu ebɔl ko awɔrso ashi ebɔrɛso ka bee kaŋɛ le: “Naniere bre Ebɔrɛ ŋini mbe eleŋ fanɛ mo e la Ewurgboŋ na nɛ mbe kumɔlga na ba. Naniere bre mbe Kristo na ŋini mbe eleŋ, ŋkpal manɛ so, b ta an niopibiana be alubiwupo mo nɛ e bee wu bumo kulubi kapa nɛ kanyɛ ashi Ebɔrɛ be anishito na n lɛ kasawule.