Ɛksodɔs 22:31 - EBƆRƐ BE KAWƆL

³¹ Men la ma basa cheembi nna, amoso men sa maa ji eblaŋ nɛ kupuŋ to be asɔbɔya jiŋka. Men baa ta amo a lɛ njɔnɔ.

Ɛksodɔs 22:31 ပူးပေါင်းရင်းမြစ်များ

Ɛzra 9:2

Juwebi be benyɛn nɛ bumo be bibinyɛnsobiana daa ta eyiri pɔtɛana be mbichesobi nna a kil nɛ loŋ nɛ Ebɔrɛ be basa maŋ naa du cheembi. Israɛlebi be benimuana na e daŋ sɔ kumo be kejuŋkpar.

Ezikɛl 4:14

Nɛ ma alɛ kaŋɛ Enyɛnpetale Ebɔrɛ le: “Loŋ maaŋ wora, ŋkpal manɛ so, m maŋ naŋ ji ma ekishi n jija ma kumu kikɛ. Yili ma kebia to kikɛ, m maŋ naŋ ji kusɔ wuso ŋko kusɔ nɛ kusɔbɔya pɛ n ji ŋ ka kikɛ. Ajibi nɛ a maŋ walɛ so maŋ naŋ luri ma kɔnɔ kikɛ.”

Ezikɛl 44:31

Bɔrɛmatapoana maŋ daga fanɛ b ji kusɔbɔya ŋko kabuibi nɛ k wu kpi ŋko kumo nɛ kusɔbɔya pɔtɛ mɔ n ji ŋ ka be eblaŋ.”

Levitikɔs 19:2

e kaŋɛ Israɛlebi na le: “Men baa du cheembi, ŋkpal manɛ so, ma Enyɛnpe, men be Ebɔrɛ na du cheembi nna.

Levitikɔs 20:25

Amoso nɛ a daga fanɛ men baa keni to nɛnɛ a barga asɔbɔya nɛ mbuibi nɛ a walɛ so nɛ amo nɛ e maŋ walɛ so to na. Men sa maŋ kaa ji asɔbɔya nɛ mbuibi nɛ e maŋ walɛ so. N teŋ kaŋɛ fanɛ a maŋ walɛ so. Nɛ men ji amo a beeŋ shin nɛ menyi alɛ gba e wora eyurpi.

Levitikɔs 22:8

Bɔrɛmatapo maŋ daga fanɛ e ji kusɔbɔya nɛ k wu kpi ŋko kusɔbɔya nɛ kupuŋ to be kusɔ pɛ. Ŋkpal manɛ so k beeŋ shin nɛ e wora eyurpi. Ma e la Enyɛnpe Ebɔrɛ na.

Levitikɔs 7:24

Menyeeŋ tiŋ n ta kusɔbɔya wuso ŋko amo nɛ kusɔ pɛ be nfɔ n wora kusɔ pɔtɛ kikɛ, ama men sa maŋ kaŋ ji amo kikɛ.

Ashuŋ Shunso 10:14

Nɛ Pita kaŋɛ: “Akai, Enyɛnpe, ŋkpal manɛ so, m maŋ naŋ ji kusɔ kama nɛ k maŋ walɛ so nɛ anyi Juwebi bee kishi kikɛ.”

Ashuŋ Shunso 15:20

Ama a daga fanɛ an sibɛ kawɔl ŋ kaŋɛ bumo fanɛ b sa maa ji ajibi nɛ a maŋ walɛ so ŋkpal a ka la kalɔŋɛ be ajibi so. An kaŋɛ bumo fanɛ b baa gelge kubojuaji nsaa maa ji ŋklaŋ ŋko kusɔbɔya kama nɛ b maŋ teŋ.

Ditɛronɔmi 14:21

Menyi ere la Enyɛnpe menyi be Ebɔrɛ na be basa nna, amoso men sa maŋ kaa ji kusɔbɔya kikɛ nɛ k wu kpi. Menyeeŋ tiŋ n shin nɛ befɔ nɛ b chena menyi to na bre e ji kumo, ŋko menyeeŋ tiŋ n fa kumo n sa befɔ pɔtɛ. Men sa maŋ kaa daŋɛ kubolpɔbi ŋko kaboebi be eblaŋ kumo nio be kenyipochu to kikɛ.