Ɛksodɔs 22:28 - EBƆRƐ BE KAWƆL

²⁸ Ekama e sa maŋ kaŋ malga ŋ gbiti Ebɔrɛ ŋko n shoduu menyi to be ejuŋkparpo.

Ɛksodɔs 22:28 ပူးပေါင်းရင်းမြစ်များ

2 Samuɛl 16:5

Ewura Deevid ka bee fo kade nɛ baa tre Bahurim na nɛ Sɔɔl mo kurgepo ko nɛ baa tre Shimei nɛ e la Gɛra pibinyɛn na bee shɛr mo to nsaa tege mo a sho mo kɔnɔ.

2 Samuɛl 16:9

Kumo be kaman nɛ Zeruwa pibinyɛn Abishai kaŋɛ ewura na le: “Yiramu, manɛ nna nɛ fo shin nɛ esa fuloŋ fanɛ kujɔnɔmu ere bee sho fo kɔnɔ? Shin nɛ n yɔ n ya ku mbe kumu n lɛ!”

2 Samuɛl 19:21

Ndoŋ nna nɛ Zeruwa pibinyɛn Abishai kaŋɛ le: “A daga b ka mɔ Shemei ŋkpal e ka sho Enyɛnpe Ebɔrɛ be ewura lara so na kɔnɔ so.”

1 Bewura 21:10

Men fin befɛpo anyɔ nɛ b yili mbe anishito ŋ ku mo kɔnɔ fanɛ e sho Ebɔrɛ nɛ ewura kikɛ kɔnɔ. Kumo be kaman nɛ men lara mo n yɔ kade na be ekarso n ya kpla mo ajembu m mɔ.”

Nshɛ 138:1

Meeŋ ta ma kagbene kikɛ ŋ kpaŋ fo; O Enyɛnpe Ebɔrɛ; meeŋ boŋ nshɛ ŋ kpaŋ fo ashi emalaika be anishito.

Nshɛ 32:6

Amoso fo kama nɛ fee ŋana Ebɔrɛ, nsaa wɔ tɔrɔ to, fo kule mo. Saŋɛ na so, tɔrɔ be awɔrfoŋ nɛ k du fanɛ nchu ka to chufulgboŋ a ba eleŋso na maaŋ sulɔ fo n yɔ.

Ɛksodɔs 13:12

men ta men be ewurkoŋnyɛn nɛ men be asɔbɔya be bibinyɛn nɛ baaŋ fara ŋ kurge ashi ndoŋ na kikɛ n sa ma, Enyɛnpe Ebɔrɛ na.

Ɛksodɔs 13:2

“Lara wurkoŋnyɛn kikɛ ashi Israɛlebi ere to nɛ e baa du cheembi a la meya. Dimɛdi ŋko kusɔbɔya be wurkoŋnyɛn, la meya nna.”

Ɛksodɔs 21:17

Esa kama malɛ nɛ e sho mo tuto ŋko mo nio kɔnɔ daga luwu.

Ɛksodɔs 23:16

Kasɔteŋi be jemanɛ baa fo, men wora Kasɔteŋi be Kejigboŋ. Kafɛ na ya kaa loge be saŋɛ nɛ menyee chala men be adɔjibi abar so na, men wora Kechala Abarso be Kejigboŋ na.

Ɛksodɔs 23:19

Kafɛ kikɛ men baa ta men be adɔjibi juŋkparso lelaana a bar ma, Enyɛnpe Ebɔrɛ, ashi kakpa nɛ menyee bunyaŋ ma na. Men sa maŋ kaŋ daŋɛ kaboe fɔlbi kumo nio be kenyipochu to.

Kaŋinichiŋgeliŋ 10:20

Sa maŋ kaŋ malga ŋ gbiti ewura ŋko n shoduu damawura, hale fo nfɛra to ŋko ashi fo ebu deseso to gba. Ŋkpal manɛ so, kabuibi ko beeŋ tiŋ n nu nseŋ ya kaŋɛ bumo kusɔ nɛ fo malga na kikɛ.

Levitikɔs 24:15

Kumo be kaman nɛ fo kaŋɛ Israɛl be basa na kikɛ fanɛ esa kama nɛ e malga ŋ gbiti Ebɔrɛ, baaŋ mɔ amodoŋwura gba.

Levitikɔs 24:16

Israɛl be esa kikɛ ŋko efɔ kama nɛ e wɔ Israɛl be efuli so nɛ e malga ŋ gbiti Enyɛnpe Ebɔrɛ na, kade na ebi kikɛ beeŋ kpa mo ajembu m mɔ.

Ashuŋ Shunso 23:3

Nɛ Pɔɔl kaŋɛ mo: “Kebirkɔnshiwura ere! Ebɔrɛ beeŋ ŋmɛa fo kɔnɔ loŋ. Fo yɛ fo chena nfe nna nɛ fo bɔla ekpa nɛ mbra na bee ŋini na so n ji demu, ama ma nɛ fee shin nɛ baa ŋmɛa n naa wora a da mbra na so na.”

Ashuŋ Shunso 23:5

Nɛ Pɔɔl kaŋɛ: “Ŋ kurgepoana, n daa maŋ nyi fanɛ e la bɔrɛmatapo nimuso nna, ŋkpal manɛ so, abɔrɛsibɛ na bee kaŋɛ fanɛ: ‘Sa maŋ kaŋ malga kamalga lubi ŋ gbiti fo basa be enimu.’ ”

1 Pita 2:17

Men baa sa basa kikɛ bunyaŋ nsaa sha bekurgepoana na kikɛ. Men baa ŋana Ebɔrɛ nsaa bunyaŋ men be efuli so be ewurgboŋ na.

2 Pita 2:10

fɔnfɔŋ bumo nɛ b wɔtɔ a bɛ bumo be eyurana be nyɛlga lubiana so nsaa kini Ebɔrɛ be eleŋ na so. Loŋ be basa na nya kagbene nna a wɔtɔ a wu bumo be amu nsaa tege bebunyampoana nɛ b wɔ ebɔrɛso na ŋkaa maa ŋana,

Juud 1:8

Loŋ koŋwule na malɛ nɛ bumo nɛ b luri menyi to na du. B wɔtɔ nna a ku edare nsaa wora alubi a gbiti bumo gbagba be eyurana, baa kini Ebɔrɛ be eleŋ nsaa tege emalaika mo nɛ b kɔ kemaŋkura ashi ebɔrɛso na.

1 Samuɛl 24:10

Fo gbagba wu fanɛ Enyɛnpe Ebɔrɛ daŋ ta fo nna m bɔɔ ma enɔ ashi kebeelaŋ ere to kabre. Ma basa ko kaŋɛ ma fanɛ m mɔ fo, ama ma ere yige fo nseŋ kaŋɛ bumo fanɛ, k maŋ daga fanɛ n wora fo kulubi kikɛ, ŋkpal manɛ so, fo nɛ Enyɛnpe Ebɔrɛ lara fanɛ fo ba la ewura.

1 Samuɛl 24:6

Ndoŋ nna nɛ e kaŋɛ mbe basa na le: “Enyɛnpe Ebɔrɛ e baa pete ma nɛ n wora n nyɛnpe nɛ Enyɛnpe Ebɔrɛ lara fanɛ ewura kulubi. K maŋ daga fanɛ n wora mo kulubi kikɛ!”

1 Samuɛl 26:9

Ama le nɛ Deevid daŋ kaŋɛ mo: “Sa maŋ kaŋ mɔ mo! Enyɛnpe Ebɔrɛ na beeŋ gberge esa kama nɛ e beeŋ mɔ mbe ewura laraso kusoe.