Ɛksodɔs 22:19 - EBƆRƐ BE KAWƆL

¹⁹ Enyɛn kama nɛ e tu kusɔbɔya n di keche nɛ kenyɛn, k daga fanɛ b mɔ mo.

Ɛksodɔs 22:19 ပူးပေါင်းရင်းမြစ်များ

2 Bewura 23:20

E daŋ mɔ agbirwuraana na nna n deŋi kakpa nɛ baa shuŋ agbir na be ebɔrɛsureana so, nseŋ chɔɔ edimɛdi be awibi n deŋi bɔrɛsure kikɛ so. Kumo be kaman nɛ e bɛta n yɔ Jerusalɛm.

2 Kronikɛls 15:13

B yɛ a daga b ka mɔ ekama nyam nna, kebia, ŋko enimu ŋko enyɛn ŋko eche nɛ e maa bunyaŋ Enyɛnpe Ebɔrɛ na nna.

Ɛksodɔs 20:3

Men sa maŋ kaŋ bunyaŋ kegbir n naŋ ti ma so.

Ɛksodɔs 34:15

Men sa maŋ kaŋ shin nɛ menyi nɛ kasawule na so be basa e wora kɔnɔkoŋwule be ŋkre kikɛ, nɛ mannɛ aloŋ, b baa lɔŋɛ bumo be agbirana, baaŋ tre menyi n fule menyi nɛ men ji agbirjibi na be ako.

Levitikɔs 17:7

Israɛlebi na e sa maa lar Enyɛnpe Ebɔrɛ na kaman n ya kaa mɔ bumo be asɔbɔya a lara esarga a sa agbir nɛ a bee ji mboe ŋko ayoyu lubi ashi bumo be ndɔana to. Mbra ere dese nna n sa bumo nɛ bumo be kaman to ebi kikɛ hale mbaanaayɔ.

Levitikɔs 18:23

Esa kikɛ e sa maŋ kaŋ tu kusɔbɔya n di keche nɛ kenyɛn kikɛ. K la ekishi gboŋgboŋi nna nsaa beeŋ shin nɛ esa na e wora eyurpi.

Levitikɔs 18:25

Bumo be asheŋ woraso e shin nɛ bumo be kasawule wora eyurpi nɛ Enyɛnpe Ebɔrɛ na bee gberge bumo kusoe nɛ k wora fanɛ kasawule na ka kini bumo na.

Nɔmbɛs 25:1

Saŋɛ nɛ Israɛlebi na daŋ wora bumo be keeyi to ashi kepla nɛ baa tre Akasia na, nɛ bumo be benyɛn ko fara a di Mowab be beche nɛ b wɔ ndoŋ na.

Ditɛronɔmi 13:16

Kumo be kaman nɛ men chala basa na be asɔ kikɛ ashi kade na be kelɔnɛ so nseŋ chɔɔ amo nɛ kade na nɛ kusɔ kama nɛ k wɔ kumo to fanɛ sarga n sa Enyɛnpe menyi be Ebɔrɛ na. A daga k dese alambure loŋ nɛ b sa maŋ naŋ lɔŋɛ kumo m pɔr kikɛ hale mbaanaayɔ.

Ditɛronɔmi 13:2

a fin kananɛ baaŋ nya menyi nɛ men shuŋ agbirana nɛ menyi maŋ naŋ shuŋ ŋ ku so. Nɛ k kaŋ ba loŋ

Ditɛronɔmi 17:2

Nɛ men kaŋ nu fanɛ benyɛn ŋko beche ko ashi menyi be ndeana na be kekama to wora kulubi n da Enyɛnpe Ebɔrɛ na so n tɔr mbe kɔnɔkoŋwule be ŋkre na be ntaŋ

Ditɛronɔmi 17:5

men keta loŋ be basa n lar kade na to n ya kpa bumo ajembu m mɔ.

Ditɛronɔmi 27:21

Nɛ b naŋ kaŋɛ, “Ebɔrɛ be kɔnɔsho beeŋ ba esa kama nɛ e beeŋ di kusɔbɔya na so.” Nɛ basa nɛ b yil Ebal be kebee so na e kaŋɛ: ‘Amɛn!’