Ma alɛ beeŋ shin nɛ Ijiptebi be ŋkre e mel to nɛ bumo be ŋgbene e jija bumo nɛ b paŋ kenyɛn. Baaŋ ya fin kechɛto bumo be agbirana kutɔ nseŋ naaŋ yɔ belejipo kutɔ n ya bishi so a fin kenu kusɔ ko ashi bubuni kutɔ.
Baa fule menyi nna nɛ Babilɔn be benapo e pɛ menyi n lar men be efuli so n yɔ efuli pɔtɛ wɔfɔ so. Ma alɛ beeŋ ju menyi n lar menyi be efuli so n shin nɛ men mur cheche.
Men sa maa nu a sa menyi be anebiana ŋko basa nɛ baa kaŋɛ fanɛ bumo ere bee tiŋ a bɔla edare so ŋko a tre basa nɛ b wu be ayoyu a bishi so ŋko a kpal a wu echefoso be asheŋ a kute na. Ŋkpal manɛ so, bumo kikɛ bee kaŋɛ menyi nna fanɛ men sa maa nu a sa Babilɔn be ewura Nebukadneeza.
Men sa maa yɔ basa nɛ baa tre abuniyoyu a kpal na kutɔ n ya kaa fin kepin asheŋ to, ŋkpal manɛ so, baaŋ shin nɛ men luri eyurpi to. Ma e la Enyɛnpe, men be Ebɔrɛ na.
Bumo be bedamta nɛ b daŋ ta ŋkilgi be nwɔl ŋ koya ŋkilgi na daŋ bar amo kikɛ abar so m ba chɔɔ amo basa kikɛ be anishito. B ka daŋ ber nwɔl na be amansherbi a daa wɔ pɔŋ ŋgboŋ adesa.
nɛ agbirshunsheŋ nɛ kegbaya nɛ kekishi nɛ nlusheŋ nɛ abar be asɔ be kebaayɛlga nɛ kanya agbo nɛ nfɛragboŋ be kebaafɛ nɛ amu be kebarga a wɔ ntuŋ so be kebaawɔtɔ.
Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.
Samuɛl ka wu, nɛ Israɛlebi na kikɛ ba abar so m ba shu mbe keeli nseŋ ta mo n ya puli mbe kade to ashi Raama. Ndoŋ nna nɛ Sɔɔl ju bekpalpo nɛ belejipo kikɛ ashi Israɛl be kasawule so.
Nɛ kache na kaŋɛ le: “Manɛ nna nɛ menyee wora nambara nɛ men nya ma m mɔ? Men nyi kashenteŋto kusɔ nɛ Ewura Sɔɔl wora. Men nyi e ka ju bekpalpo nɛ belejipo ashi Israɛl be kasawule so.”
