Ɛksodɔs 22:17 - EBƆRƐ BE KAWƆL

¹⁷ Hale nɛ eche na mo tuto kini kasha na gba, k daga fanɛ enyɛn na e ka kasuŋgurbia na be tumba be kukɔ.

Ɛksodɔs 22:17 ပူးပေါင်းရင်းမြစ်များ

Jɛnesis 23:16

Ndoŋ nna nɛ Eebraham shuli n sɔ kukɔ nɛ Efrɔn ku na nseŋ bɛ ndoŋ be jemanɛ na so be eyawujipoana be kananɛ baa karga amansherbi na so ŋ ka kukɔ na basa na kikɛ be anishito n sa Efrɔn.

Jɛnesis 30:20

Kede to nɛ Lia kaŋɛ: “Kashenteŋto, Ebɔrɛ kɛ ma kakɛ lela, amoso m baa nyi fanɛ kede to ŋ kul beeŋ bunyaŋ ma ŋkpal ŋ ka kurge bibinyɛn ashe n sa mo so.” Amoso ketre nɛ e daŋ sa kebia na e daa la Zɛbyulɔn.

Jɛnesis 34:12

Men ku kebia na be keshaji be kukɔ nɛ kakɛ nɛ meeŋ sa kanaŋkamaso nɛ menyee sha. Kusɔ kama nɛ men yili ma, meeŋ wora. Menyi ere e ta kebichebi na n sa ma nɛ n ta mo ŋ ki ma eche bre de.”

Levitikɔs 20:6

Esa kama nɛ e beeŋ yɔ ekpalpo kutɔ n ya bishi so, meeŋ pal kaman n sa mo nɛ e maaŋ naa ti ma basa so.

Ditɛronɔmi 18:10

Men sa maŋ kaa chɔɔ menyi be mbia ebɔrɛsure so a lara esarga. Menyi alɛ e sa maŋ shin nɛ menyi be basa e baa kpal ŋko a kɔ mputi ŋko a to akprambi ŋko a kre mbre. Kumo be kaman men sa maŋ kaa malga bubuni kutɔ a bishi so a fin kenu kusɔ ko bumo kutɔ.

Ditɛronɔmi 22:29

a daga fanɛ men tintiŋ enyɛn na nɛ e ta eche na a kil. Enyɛn na beeŋ ka gbiti be ndarbi adunu nɛ a la keshaji be amansherbi n sa eche na mo tuto pɔɛŋ nɛ e ki mbe eche ŋkpal enyɛn na ka teŋ di mo na so. Enyɛn na malɛ maaŋ naŋ tiŋ ŋ kini eche na kikɛ hale nɛ e ya wu.

1 Samuɛl 18:25

nɛ Sɔɔl kaŋɛ bumo fanɛ b ya kaŋɛ Deevid le: “Keshaji nɛ ewura baa fin fo kutɔ e la fanɛ fo mɔ Filistiebi na be basa kalfa nseŋ ba kaŋɛ ma fanɛ fo wora loŋ. Kumo be loŋ e naŋ ŋini fanɛ an kɔ an doŋana na n tal to.” Kananɛ Sɔɔl bre daŋ kre nna na, saŋɛ na so Filistiebi na beeŋ nya Deevid m mɔ.

1 Samuɛl 28:3

Samuɛl ka wu, nɛ Israɛlebi na kikɛ ba abar so m ba shu mbe keeli nseŋ ta mo n ya puli mbe kade to ashi Raama. Ndoŋ nna nɛ Sɔɔl ju bekpalpo nɛ belejipo kikɛ ashi Israɛl be kasawule so.