Ɛksodɔs 22:10 - EBƆRƐ BE KAWƆL

¹⁰ Nɛ esa ta mbe kusɔbɔya n sa mo barkasa fanɛ e baa keni so nɛ kusɔbɔya na wu ŋko n nya doro ŋko n foe nɛ esa kama maŋ wu kumo,

Ɛksodɔs 22:10 ပူးပေါင်းရင်းမြစ်များ

Jɛnesis 39:8

Nɛ Josɛf kini nseŋ kaŋɛ kache na: “Ŋ ka bee ji kejuŋkpar laŋ ere to ere, n nyɛnpe maŋ naa fɔŋ shɛŋ so, kusɔ kama nɛ e kɔ e ta kumo nna m bɔɔ ma enɔ.

Ɛksodɔs 22:11

k daga fanɛ esa nɛ e bee keni kusɔbɔya na so na e yɔ Ebɔrɛ be anishito n ya bɔ ntaŋ fanɛ e maŋ wora kusɔbɔya na shɛŋ. Kede be kaman a daga fanɛ kusɔbɔya na wura e shuli fanɛ k la kashenteŋ nna, nɛ mo barkasa na e sa maŋ ka shɛŋ n sa mo.

Ɛksodɔs 22:9

Nɛ basa anyɔ bee kɔ a mɔlga kusɔ foeso fanɛ kusɔbɔya ŋko kusɔbuuso, nɛ k ki bumo emɔrɔ, k daga fanɛ b ta demu na n yɔ Ebɔrɛ be anishito demujipoana kutɔ nɛ b mige to. Kumo be kaman nɛ b shin nɛ emo nɛ e bee puni kumo na e ka kusɔ nɛ e bee puni na be ntuŋ anyɔ n sa mo barkasa na.

Luuk 12:48

Ama kenya kama nɛ e maŋ nyi kusɔ nɛ mo nyɛnpe bee sha nseŋ wora asɔ nɛ baa kpal amo so ŋ kuya basa so, baaŋ kuya mo so gbrɛ. Esa kama nɛ b sa asɔ ga, amodoŋwura kutɔ nɛ baa tama kenya ga nɛ ekama malɛ nɛ b ta asɔ damta n wɔtɔ mbe enɔ to, mo kutɔ nɛ baa tama kenya ga.”

Luuk 16:11

Nɛ fanɛ fo maŋ tiŋ n ta kagbene koŋwule ŋ keni durnya ere to be asɔ so, wanɛ e naaŋ ta asɔ nɛ a la dama kashenteŋto n sa fo nɛ fo baa keni so?

2 Timoti 1:12

Kumo alɛ so nɛ mee ji le be awurfoŋ ere na. Ama kumo alɛ maŋ kɔ ma anishinyɔr, ŋkpal manɛ so, n nyi esa nɛ n yirda, ma alɛ maa ji kumo emɔrɔ fanɛ e beeŋ tiŋ ŋ keni kusɔ kama nɛ e ta m bɔɔ ma enɔ so hale n ya fo kachɛ na.