Ɛksodɔs 21:6 - EBƆRƐ BE KAWƆL

⁶ kumo ere a daga fanɛ mo nyɛnpe na ka keta mo n yɔ kakpa nɛ baa shuŋ Ebɔrɛ na n ya shin nɛ e yili m mata kukuloŋ ŋko kabuna to nɛ e futi mbe kusoe, a ŋini fanɛ e beeŋ baa la mo nyɛnpe be kenya hale nɛ e ya wu.

Ɛksodɔs 21:6 ပူးပေါင်းရင်းမြစ်များ

1 Bewura 12:7

Nɛ bumo alɛ kaŋɛ le: “Fo baa wora basa ere kelela nsaa wora kusɔ nɛ baa sha a sa bumo, kumo ere bumo alɛ beeŋ baa shuŋ fo saŋkikɛ.”

Nshɛ 82:1

Ebɔrɛ e naa juŋkpar ebɔrɛso be nshɛrgboŋ na; mo e naa ji agbirana na demu a kaŋɛ amo le:

Ɛksodɔs 12:12

Kumo be kanyɛ na meeŋ ba Ijipt be efuli so m ba mɔ ewurkoŋnyɛn kikɛ, meeŋ mɔ edimɛdi nɛ asɔbɔya kikɛ peya. Ma alɛ beeŋ gberge Ijipt be efuli so be agbirana kikɛ kusoe. Ma e la Enyɛnpe Ebɔrɛ na.

Ɛksodɔs 21:22

Nɛ basa anyɔ malɛ bee bile nseŋ nu edampoche ko ebesa nɛ mbe kedampo na gbeŋi, nɛ shɛŋ maŋ naŋ wora mo, k daga esa nɛ e nu mo ebesa na ka ka amansherbi kanaŋkamaso nɛ edampoche na mo kul beeŋ ku n sa mo. Kumo alɛ daga fanɛ k bɛ kananɛ ndoŋ be demujipoana bee yili asheŋ so.

Ɛksodɔs 21:5

Ama nɛ fanɛ kenya na bugi to ŋ kaŋɛ le: ‘Mee sha n nyɛnpe nɛ ma eche nɛ ma mbia ga, amoso m maaŋ sɔ ma kumu’,

Ɛksodɔs 21:7

Nɛ enyɛn kama baŋ fa mo pibiche fanɛ kenya, mo ere maaŋ tiŋ n nya mbe kumu fanɛ anya nyɛnso na.

Ɛksodɔs 22:28

Ekama e sa maŋ kaŋ malga ŋ gbiti Ebɔrɛ ŋko n shoduu menyi to be ejuŋkparpo.

Aizaaya 1:26

Ma alɛ beeŋ sa menyi bewura nɛ besoetojipo nɛ b du fanɛ bumo nɛ men daa kɔ dra na. Ŋ kaŋ wora loŋ, baaŋ naa tre Jerusalɛm Kadegboŋ Niŋiso nɛ Kashenteŋji be Kakpa.”

Levitikɔs 25:23

A maŋ daga men ka fa kasawule n sa esa nɛ e baa kɔ kuraa, ŋkpal manɛ so, k maŋ la menyeya nna, Enyɛnpe Ebɔrɛ na e wɔ kumo nɛ menyi alɛ du fanɛ befɔ nɛ e sa ekpa nɛ men baa ji kumo so be tɔnɔ.

Levitikɔs 25:40

Shin nɛ e baa wɔ fo kutɔ fanɛ paawura a shuŋ fo n ya fo Kelaŋɛ n sa be Kafɛ nɛ k baa ba na nɛ e nya mbe kumu.

Zefanaiya 3:3

Kumo be ekrachi du fanɛ ebuluŋ nɛ a bee munto nna, nɛ kumo be demujipoana malɛ du fanɛ ejiŋkaamu nɛ a bee pɛ kusɔ kanyɛso a ji nɛ, kare be kechɛ kachipurso nɛ shɛŋ maŋ naŋ ka na nna.

Ditɛronɔmi 1:16

Loŋ be jemanɛ na n daŋ kaŋɛ demujipoana na nna fanɛ b baa keni to nsaa ji asheŋ kama nɛ a beeŋ ba menyi to na nɛ amo be ekpa so. Hale demu na la menyi be basa nawule nna ŋko men be eko nɛ befɔ nɛ b wɔ menyi to na be eko be demu gba nna, a daga fanɛ b ji kumo nɛ kumo be ekpa so.

Ditɛronɔmi 15:16

Ashere fo kenya na maaŋ baa sha keyɔ ŋkpal e ka bee sha fo nɛ fo kanaŋ so nsaa sha kebaawɔ menyi kutɔ.

Ditɛronɔmi 15:17

Kumo ere fo keta mo n yɔ fo laŋ be kabuna to n ya futi mbe kusoe, nɛ e ki fo kenya mbaanaayɔ. Hale kenya cheso gba a loŋ a daga fanɛ fo wora mo alɛ gba.

Ditɛronɔmi 16:18

Ade kikɛ be kaman nɛ Mosis naŋ kaŋɛ Israɛlebi na le: “Menyeeŋ lara demujipoana nɛ benimuana ko ashi menyi be ndeana nɛ Enyɛnpe, menyi be Ebɔrɛ na beeŋ sa menyi na to nɛ bumo alɛ e sa maa ji basa demu ŋkpɛato be ekpa so.

1 Samuɛl 1:22

Ama kafɛ nɛ Haana kurge na mo ere daa maŋ yɔ. Le nɛ e daŋ kaŋɛ mo kul: “Ma nɛ Samuɛl bre maaŋ yɔ ama m baŋ ku mo kenyipo nna pɔɛŋ nseŋ ta mo n ya sa Enyɛnpe Ebɔrɛ ashi Shilo nɛ e baa wɔ ndoŋ hale n ya fo mbe luwu achɛ.”

1 Samuɛl 27:12

Akish daŋ yirda Deevid ga nsaa fɛ le: “Ŋkpal Deevid be basa, Israɛlebi, ka kishi mo ga so e beeŋ ki ma kayɛrbi mbaanaayɔ.”

1 Samuɛl 28:2

Nɛ Deevid kaŋɛ le: “Kashenteŋ nna, fo kayɛrbi e la ma, fo gbagba malɛ beeŋ wu kusɔ nɛ meeŋ wora.” Nɛ Akish malɛ kaŋɛ le: “Mbo! Meeŋ ta fo ŋ ki esa nɛ e beeŋ ba kuŋ ma saŋkikɛ.”