Ɛksodɔs 21:26 - EBƆRƐ BE KAWƆL

²⁶ Nɛ esa baŋ ŋmɛa mbe kenyache ŋko mbe kenyanyɛn be kenishi m bure, k daga fanɛ e shin nɛ kenya na e baa yɔ nsaa maŋ ka shɛŋ ŋkpal kenishi na so.

Ɛksodɔs 21:26 ပူးပေါင်းရင်းမြစ်များ

Nehemaya 5:5

Anyi alɛ gba la Juwebi nna, nɛ anyi be mbia nɛ bumo be mbia kikɛ la kukoŋwule. Ama anyi ere bee fa anyi be mbia nna nɛ baa ki anya. Naniere anyi maŋ naa kɔ kechɛto kikɛ be tama ŋkpal an ka ta anyi be adɔsawule nɛ ndibi sɔrso be adɔana ŋ n chɛr ayu so.”

Nshɛ 10:14

Ama fo Ebɔrɛ na bee wu tɔrɔ nɛ awurfoŋ ere kikɛ, nseŋ wora shiriya nɛ fo chɛ to. Basa nɛ baa wu awurfoŋ na bɔɔ fo enɔ nna. Fo e naa chɛ amunibi to na.

Nshɛ 10:18

Fo e naa kuŋ amunibi nɛ basa nɛ baa mɛaŋ na; saŋɛ na so, dimɛdi nɛ e la shishɛr na maaŋ naa tɔrɔ mo braana n shin nɛ kufu e baa pɛ bumo ga.

Nshɛ 9:12

Mo e maŋ teŋ kegberge alubiworapo kusoe so, mo alɛ maa kplaŋ kenu bumo nɛ b wɔ awurfoŋ to be kushu so.

Ɛksodɔs 21:20

Esa kama baŋ ŋmɛa mbe kenyache ŋko kenyanyɛn kekpabi nɛ kenya na wu epul na to, k daga fanɛ b gberge mo nyɛnpe na kusoe.

Ɛksodɔs 21:24

Nɛ k ba fanɛ kenishi e bure, b bure kenishi n tal to, nɛ fanɛ kinyi e gbaŋ, b gbaŋ kinyi n tal to, nɛ k la enɔ, b ta enɔ n tal to, nɛ k la keya, b ta keya n tal to,

Ɛksodɔs 21:25

nɛ k la kechɔɔ nna, b chɔɔ n tal to, nɛ k la doro nna, b doro n tal to, nɛ k la kemargaso nna, b marga so n tal to.

Ɛksodɔs 21:27

Nɛ k la fanɛ e ŋmɛa mbe kenyache ŋko mbe kenyanyɛn be kinyi nna nɛ k tia, k daga fanɛ e shin nɛ kenya na e baa yɔ nsaa maŋ ka shɛŋ ŋkpal kinyi na so.

Ɛfesesebi 6:9

Benyɛnpe, menyi alɛ gba e baa wora menyi be anya loŋ. Men sa maa funti a funti bumo, ŋkpal manɛ so, menyi alɛ gba nyi fanɛ esa nɛ e wɔ ebɔrɛso a la menyi nɛ anya na kikɛ be Enyɛnpe na maŋ kɔ ŋkpɛato.

Ditɛronɔmi 16:19

K maŋ daga b baa ji durmu ŋko a kpɛa to ashi bumo be demujiana to. B sa maŋ kaa sɔ brɔbu basa kutɔ pɔɛŋ nsaa ji bumo demu, ŋkpal manɛ so ŋkɛ be kesɔ beeŋ tiŋ n shin nɛ enyiashempo e sa maŋ ji kashenteŋ nseŋ shin nɛ beshenteŋjipo e ki befɛpo, saŋɛ na so nɛ b baa ji asheŋ ekpa nɛ k maŋ daga so.

Kɔlɔsiebi 4:1

Benyɛnpeana, men baa kɔ men be anya to kpakpa a keni bumo so nɛnɛ nsaa nyi fanɛ menyi alɛ gba kɔ Enyɛnpe ebɔrɛso.