24 Nɛ k ba fanɛ kenishi e bure, b bure kenishi n tal to, nɛ fanɛ kinyi e gbaŋ, b gbaŋ kinyi n tal to, nɛ k la enɔ, b ta enɔ n tal to, nɛ k la keya, b ta keya n tal to,
Ŋkpal manɛ so, ekpa kama so nɛ menyee bɔla a wu abar be alubi na gbagba so nɛ Ebɔrɛ gba beeŋ bɔla n wu menyi be alubi nseŋ ber asɔ kanaŋkamaso nɛ menyee ber amo a sa men braana na gbagba chap n sa menyi.
Men baa sa basa asɔ nɛ Ebɔrɛ malɛ e sa menyi. Loŋ na Ebɔrɛ beeŋ kɛ menyi asɔ m bɔlɔ men be enɔana a wurge fanɛ kananɛ ayufapoana bee karga ayu a bɔlɔ egarwa a wurge a fa na. Kanaŋkamaso nɛ menyee ber asɔ a sa men braana na gbagba chap nɛ Ebɔrɛ beeŋ ber amo n sa menyi alɛ gba.”
Kasogberge nɛ k dese e la fanɛ nɛ esa baaŋ lara mo barkasa be efute ŋko kenishi ŋko kinyi ŋko ŋ ku mo barkasa be enɔ so ŋko keya so, b wora mo kananɛ e wora mo barkasa na gbagba chap. A maŋ daga fanɛ men baa wu kuwɔr ashi le be asheŋ to.
Ndoŋ nna nɛ Samuɛl kaŋɛ Agag le: “Fo e naa suge mbiwurbi bumo nioana kutɔ a mɔ nɛ baa paŋ mbia na. Fo nio gba beeŋ paŋ ebi naniere kikɛ.” Ndoŋ nna nɛ Samuɛl mɔ Agag nseŋ ŋele mo to fanɛ mblaŋkul bɔrɛsure na ase ashi Gilgaal.