Ɛksodɔs 21:23 - EBƆRƐ BE KAWƆL

²³ Ama kedampo na be kegbeŋi be kaman nɛ k ba fanɛ eche na nu ebesa ga, kumo ere k daga b ka ta ŋkpa nna n tal ŋkpa to.

Ɛksodɔs 21:23 ပူးပေါင်းရင်းမြစ်များ

Levitikɔs 24:19

Nɛ esa ko doro mo barkasa dimɛdi, kusɔ kama nɛ e wora mo barkasa na a daga b wora mo alɛ gba loŋ.

Levitikɔs 24:20

Nɛ e bu mbe kuwibi nna, b bu mo alɛ be kuwibi nɛ mbe kenishi koŋwule nɛ e bure, b bure mo alɛ gba be kenishi nɛ mbe kenyi nɛ e ŋe ŋ gbaŋ, b ŋe mo alɛ gba be kenyi ŋ gbaŋ. Kanaŋkama nɛ esa baŋ doro mo barkasa, aloŋ gbagba a daga b baa doro mo alɛ gba.

Nɔmbɛs 35:31

Emɔpo kikɛ daga fanɛ b mɔ mo alɛ gba. A maŋ daga fanɛ b ka amansherbi n sɔ mo.

Ditɛronɔmi 19:21

Kasogberge nɛ k dese e la fanɛ nɛ esa baaŋ lara mo barkasa be efute ŋko kenishi ŋko kinyi ŋko ŋ ku mo barkasa be enɔ so ŋko keya so, b wora mo kananɛ e wora mo barkasa na gbagba chap. A maŋ daga fanɛ men baa wu kuwɔr ashi le be asheŋ to.