Ɛksodɔs 21:2 - EBƆRƐ BE KAWƆL

² Fo baŋ tɔ kenya nɛ e la Israɛl be esa, nfɛnshe e daga e ka shuŋ fo, ama kafɛ shunusopo bre to, k daga fanɛ fo shin nɛ e nya mbe kumu nsaa maŋ ka shɛŋ.

Ɛksodɔs 21:2 ပူးပေါင်းရင်းမြစ်များ

Jɛnesis 27:28

Ebɔrɛ e shin nɛ bunyaŋ e shi ebɔrɛso m ba sa fo nsawule kayul nseŋ shin nɛ fo kasawule e baa walɛ a wora ajibi damta. Kumo e la fanɛ adɔjibi kama nɛ a shi ayu be yiri to be adamta n ta yabra belbelso n ti so.

Jɛnesis 27:36

Nɛ Isɔɔ kaŋɛ mo tuto: “Mbe kela nyɔsopo nna na e ka puni ma. E daŋ kesɔ ma kekurge to be kenimu nseŋ naŋ sɔ ma nɛfa ere na. Alawude e ka bee ji Jeekɔb.” Kamalga ere be kaman nɛ Isɔɔ bishi mo tuto: “Ama fo maŋ yige nɛfa kaman yili ma a?”

2 Bewura 4:1

Kachako nɛ ekulpoche nɛ e la anebiana na be katuŋ to be eche na yɔ Elaisha kutɔ n ya kaŋɛ mo le: “N nyɛnpe, ma kul wu nna. Fo alɛ nyi e ka daa la esa nɛ e kɔ kabɔrɛŋana ga. Naniere esa ko nɛ e paŋ amansherbi a maŋ tiŋ ŋ ka na, ba nɛ e ba keta ma mbinyɛnsobi anyɔ.”

Nehemaya 5:8

An wora ania n tɔ anyi be basa nɛ b pɛ anya n yɔ efuli pɔtɛana so na m bɛta m ba. Ama naniere menyi e naa fa bumo be bedamta na, nɛ an naŋ ya tɔ bumo!” Ekrachi na nɛ bejuŋkparpoana na daa maŋ kaŋɛ shɛŋ, ŋkpal b ka nyi k kaa la kashenteŋ so.

Ɛksodɔs 12:44

Ama kenya kikɛ nɛ men tɔ nseŋ ku mo kututu bre beeŋ tiŋ n ji kumo.

Ɛksodɔs 21:3

Nɛ k la fanɛ kenya na nawule e ba mo nyɛnpe na be enɔ to, k daga fanɛ mo nawule e baa yɔ. Ama nɛ mo nɛ mbe eche e ba bre, kumo ere k daga fanɛ mo nɛ mbe eche na kikɛ e baa yɔ.

Ɛksodɔs 21:7

Nɛ enyɛn kama baŋ fa mo pibiche fanɛ kenya, mo ere maaŋ tiŋ n nya mbe kumu fanɛ anya nyɛnso na.

Levitikɔs 25:54

Nɛ fanɛ e maŋ nya kesɔnyige akpaana ere be kekama so, a daga fanɛ mo nɛ mbe mbia kikɛ ka nya bumo be amu Kelaŋɛ n sa be Kafɛ nɛ k baa ba na to.

Matiu 18:25

E daa maŋ tiŋ nɛ e ka, amoso, mo nyɛnpe daŋ kaŋɛ nna fanɛ b ta mo nɛ mbe eche nɛ mbe mbia nɛ mbe asɔ kikɛ nyam n fa ŋ ka kukɔ na.

1 Kɔrintebi 6:20

Ŋkpal manɛ so, kukɔ damta nɛ Ebɔrɛ ka n tɔ menyi. Amoso, men ta men be eyurana ere a maŋkura Ebɔrɛ.

Ditɛronɔmi 15:1

Nfɛ ashunu kikɛ be lalaloge menyeeŋ ta bekama nɛ b ji menyi akɔ na kikɛ be akɔ nɛ b ji na m paŋ bumo.

Ditɛronɔmi 15:18

Nɛ men baŋ yige menyi be anya malɛ fanɛ b baa yɔ, men sa maŋ shin nɛ kebaabesa menyi nɛ men baa bile asheŋ. Ŋkpal manɛ so nfɛnshe kikɛ nɛ baa shuŋ menyi, menyi alɛ maŋ jija amansherbi bumo so a fo kananɛ menyee ka paawura kukɔ be bargato gba. Aloŋ nɛ Enyɛnpe menyi be Ebɔrɛ na beeŋ nɛfa menyi kusɔ kama nɛ menyee wora to.

Ditɛronɔmi 31:10

Kumo be kaman nɛ Mosis kaŋɛ bumo le kenishipere so: “Nfɛ ashunu kikɛ be lalaloge, kumo e la kafɛ nɛ baa yige akɔ a paŋ na, men kraŋ mbra be kawɔl ere awɔrso n sa ekama jemanɛ nɛ menyee ji Kebaawɔ Abuu to be kachɛgboŋ na.