Ɛksodɔs 21:14 - EBƆRƐ BE KAWƆL

¹⁴ Ama nɛ esa baŋ kute m mɔ mo barkasa bre, hale nɛ e shile n yɔ ma bɔrɛsure na ase gba, k daga fanɛ b mɔ mo.

Ɛksodɔs 21:14 ပူးပေါင်းရင်းမြစ်များ

2 Samuɛl 3:27

Abna ka ba na nɛ Jɔab keta mo n lar kabunagboŋ na ekpa fanɛ e ka bee sha nɛ e kuli m malga mo kutɔ na, nseŋ ta kasaŋɛ n da mbe epun nɛ e wu. Ŋkpal Abna ka mɔ Jɔab mo sipo Asahɛl so nɛ Jɔab malɛ mɔ mo na.

2 Bewura 11:15

Jehowada daa maa sha b ka mɔ ewurche Atalia bɔrɛlambu na ase, ŋkpal loŋ so, e daŋ tre benapo be benimuana na nna ŋ kaŋɛ bumo le: “Men ta mo m bɔla bekumpo na to n yɔ. Esa kama malɛ nɛ e kaŋ pɛl a sha kesɔ mo n yige, men mɔ amodoŋwura.”

Nshɛ 19:13

Nseŋ pete ma ashi alubi be kekute n wora to. Sa maŋ shin nɛ loŋ be alubi e pɔɔ ma so. Saŋɛ na so ma nfɛra maaŋ ji m bri ma nɛ n ji n lar alubi to.

Ɛksodɔs 21:15

Esa kama malɛ nɛ e ŋmɛa mo tuto ŋko mo nio, k daga fanɛ b mɔ mo.

Aŋasa 28:17

Esa kama nɛ e mɔ esa, be nfɛra beeŋ baa ji a bri mo hale nɛ e ya wu. Mo alɛ maaŋ nya kechɛto kikɛ.

Nɔmbɛs 35:16

Nɛ fanɛ esa ta kebɛlso ŋko kejembu ŋko kedibi m mɔ esa, kumo ere e ki emɔpo nna na nɛ a daga fanɛ b mɔ mo alɛ gba.

Ditɛronɔmi 1:43

Ndoŋ nna nɛ ŋ kaŋɛ menyi kusɔ nɛ Enyɛnpe Ebɔrɛ na kaŋɛ, ama men daŋ maŋ nu. Men daŋ lar mo kaman nna nseŋ yɔ abeesawule na so kamoowuso.

Ditɛronɔmi 18:22

Nɛ fanɛ anebi baŋ sa kubɔya ko ashi Enyɛnpe Ebɔrɛ na be ketre to nɛ k maŋ ba kashenteŋ nseŋ wora m bɔlɔ so, kumo ere kubɔya na maŋ shi Enyɛnpe Ebɔrɛ na kutɔ nna na. Anebi na gbagba be nfɛra to nɛ kubɔya na shi nɛ a maŋ daga fanɛ men baa ŋana loŋ be anebi na.

Ditɛronɔmi 27:24

Nɛ b naŋ kaŋɛ, “Ebɔrɛ be kɔnɔsho beeŋ ba esa kama nɛ e beeŋ ŋana m mɔ esa ashiri to na so.” Nɛ basa nɛ b yil Ebal be kebee so na e kaŋɛ: ‘Amɛn!’

Hibruwebi 10:26

Ŋkpal manɛ so, b ka baŋ bugi kashenteŋ na to n sa anyi ere be kaman nɛ an kraŋ kini a wɔtɔ a wora alubi, sarga kama maŋ naa wɔtɔ nɛ k tiŋ ŋ kpra alubi na n lɛ.

2 Pita 2:10

fɔnfɔŋ bumo nɛ b wɔtɔ a bɛ bumo be eyurana be nyɛlga lubiana so nsaa kini Ebɔrɛ be eleŋ na so. Loŋ be basa na nya kagbene nna a wɔtɔ a wu bumo be amu nsaa tege bebunyampoana nɛ b wɔ ebɔrɛso na ŋkaa maa ŋana,