Ɛksodɔs 21:12 - EBƆRƐ BE KAWƆL

¹² Esa kama nɛ e ŋmɛa mo barkasa m mɔ, k daga fanɛ b mɔ amodoŋwura gba.

Ɛksodɔs 21:12 ပူးပေါင်းရင်းမြစ်များ

Jɛnesis 9:5

Esa kama nɛ e lara men be ŋkpaana ere k baŋ fuli nna fanɛ ma alɛ beeŋ bishi amodoŋwura na kumo be kuwule. Nɛ kusɔbɔya malɛ e lara dimɛdi be ŋkpa, meeŋ bishi kumo kuwule. Nɛ dimɛdi malɛ e lara mo barkasa be ŋkpa, meeŋ bishi mo mo barkasa dimɛdi na be ŋkpa na be kelara be kuwule.

Jɛnesis 9:6

Esa kama nɛ e mɔ dimɛdi, baaŋ mɔ amodoŋwura gba n tal to, ŋkpal manɛ so, Ebɔrɛ pɔr dimɛdi nna fanɛ mbe kaduli.

2 Samuɛl 12:13

Ndoŋ nna nɛ ewura Deevid kaŋɛ Neetan le: “N wora kulubi ŋ gbiti Enyɛnpe Ebɔrɛ.” Nɛ Neetan kaŋɛ le: “Enyɛnpe Ebɔrɛ gba ta fo alubi m paŋ fo, amoso fo maaŋ wu.

Ɛksodɔs 20:13

Men sa maŋ kaŋ mɔ.

Ɛksodɔs 21:11

Nɛ enyɛn na baa maŋ wora le be asɔ asa ere m bɔlɔ so, kumo ere eche na kɔ ekpa nɛ e lar mbe enɔ to nsaa maŋ ka shɛŋ.

Levitikɔs 24:17

Esa kama nɛ e lara mo barkasa dimɛdi be efute daga fanɛ b mɔ mo alɛ gba.

Matiu 26:52

Nɛ Yesu kaŋɛ ebɛsopo na le: “Bɛta fo tokobi n wɔtɔ kumo be efar to, ŋkpal manɛ so, bekama nɛ baa pe etokobi a kɔ la bumo nɛ etokobi beeŋ mɔ nna.

Ditɛronɔmi 27:24

Nɛ b naŋ kaŋɛ, “Ebɔrɛ be kɔnɔsho beeŋ ba esa kama nɛ e beeŋ ŋana m mɔ esa ashiri to na so.” Nɛ basa nɛ b yil Ebal be kebee so na e kaŋɛ: ‘Amɛn!’