Ɛksodɔs 21:1 - EBƆRƐ BE KAWƆL

¹ Ndoŋ nna nɛ Ebɔrɛ naŋ kaŋɛ Mosis le: “Naŋ ta le be mbraana ere n sa Israɛlebi na.

Ɛksodɔs 21:1 ပူးပေါင်းရင်းမြစ်များ

1 Bewura 6:12

“Fo baŋ bɛ ma mbra nɛ asɔ nɛ ŋ kaŋɛ fo ere kikɛ so, meeŋ wora kusɔ kama nɛ n nase kɔnɔ n sa fo tuto ewura Deevid na n sa fo.

2 Kronikɛls 19:10

Saŋkama nɛ men braana ndetobia na baŋ ta bumo be asheŋ fanɛ kamɔ ŋko kekini kenu n sa Ebɔrɛ be keŋini nɛ mbe mbra be asheŋ m ba menyi kutɔ, k daga men ka fɛa bumo so nɛ b sa maŋ kaŋ wora kulubi ŋ gbiti Enyɛnpe Ebɔrɛ saŋɛ na so mbe agbo maaŋ ba menyi nɛ bumo kikɛ so. Men baa wora loŋ bre, Ebɔrɛ maaŋ wu menyi kulubi.

Nshɛ 147:19

Ebɔrɛ e ta mbe mbraana nɛ keŋiniana n sa mbe basa nɛ b la an nananyɛn Jeekɔb nɛ e daa wɔtɔ dra dra na be kaman to ebi; bumo e ki Israɛl be efuli so be basa na.

Ɛksodɔs 19:7

Ndoŋ nna nɛ Mosis naŋ bɛta n tre basa na be bejuŋkparpoana na, nseŋ ta mmalga nɛ Enyɛnpe Ebɔrɛ kaŋɛ mo fanɛ e malga na kikɛ n sa bumo.

Ezikɛl 20:11

Ndoŋ nɛ n sa bumo ma mbraana nɛ ma keŋini, nɛ b wora amo kasonu nseŋ pin kananɛ baŋ baa keta bumo be amu.

Ezikɛl 20:25

Nɛ n daŋ kpal loŋ so n sa bumo mbraana nɛ ŋ gbagba nyi fanɛ b daa maaŋ tiŋ m bɛ amo so n nya ŋkpa.

Levitikɔs 18:26

B daŋ wora le be ekishisheŋ ere nna n shin nɛ kasawule na wora eyurpi, ama menyi ere e sa maŋ kaŋ wora amo. Menyi, Israɛlebi na nɛ befɔ kama nɛ b wɔ menyi to na kikɛ daga fanɛ men nu nseŋ bɛ Enyɛnpe Ebɔrɛ na be mbraana nɛ mbe atande kikɛ so

Levitikɔs 18:5

Men baa wora a bɛ ma atande nɛ mbraana so. Men wora loŋ, menyeeŋ mɔlga menyi be amu, ŋkpal manɛ so, ma e la Enyɛnpe Ebɔrɛ na.”

Levitikɔs 19:37

Men baa wora ma mbraana nɛ atande kikɛ kasonu, ŋkpal manɛ so, ma e la Enyɛnpe Ebɔrɛ na.”

Levitikɔs 20:22

Ade be kaman nɛ Enyɛnpe Ebɔrɛ na naŋ kaŋɛ, “Men baa nu nsaa bɛ ma mbraana nɛ atande nɛ n yili n sa menyi na kikɛ so, saŋɛ na so, Keenan be kasawule nɛ m bar menyi kumo so na maaŋ kini menyi n lɛ.

Malakai 4:4

Men baa nyiŋi men nananyɛn ma kayɛrbi Mosis be keŋini na, nɛ mbra nɛ n ta n sa mo ashi kebeegboŋ nɛ baa tre Sainai na so fanɛ e ta n sa Israɛl be basa kikɛ nɛ b bɛ amo so na.

Nɔmbɛs 35:24

kumo ere k daga kade na to ebi ka ji emɔpo na nɛ esa nɛ e bee fin mo nɛ e mɔ n tal to to na be asheŋ le be ekpa so.

Nɔmbɛs 36:13

Le be mbra ere nɛ Enyɛnpe Ebɔrɛ daŋ ta n sa Mosis fanɛ e sa Israɛlebi saŋɛ so nɛ b daŋ wora bumo be nyi to Mowab be keplasawule nɛ k mata Jɔɔdan be lɔr nɛ Jɛriko wɔ kumo be kaba ndoŋ na.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Ditɛronɔmi 15:12

Israɛl be enyɛn ŋko eche kama nɛ e beeŋ fa mbe kumu ŋko nɛ esa beeŋ fa n sa menyi be ekama, a daga fanɛ nɛ e baŋ shuŋ nfɛnshe, men yige mo kafɛ shunusopo na to nɛ e baa yɔ.

Ditɛronɔmi 4:14

Enyɛnpe Ebɔrɛ na daŋ kaŋɛ ma nna fanɛ ŋ ŋini menyi mbraana nɛ menyeeŋ wora kasonu ashi kasawule nɛ menyee yɔ nɛ men ya kɔ n suge ashi Jɔɔdan be lɔr na be epeŋitɔrkpa be kaba so na.

Ditɛronɔmi 4:45

Israɛl be basa na ka lar Ijipt be efuli so m ba fo ketaŋɛ nɛ k dese Jɔɔdan be lɔr na be epeŋilarkpa be kaba so m mata kakpa nɛ baa tre Bɛf Piyɔɔ na, nɛ Mosis ta mbraana ere n sa bumo. Amɔriebi be ewura Sihɔn nɛ e daŋ chena Hɛshbɔn n ji kuwura na be kasawule e daa la kumo. Mosis nɛ Israɛl be basa na daŋ kɔ m pɔɔ mo

Ditɛronɔmi 4:5

Mbraana nɛ Enyɛnpe, ma Ebɔrɛ na ta n sa ma na kikɛ nɛ ŋ ŋini menyi na. Men wora amo kasonu ashi kasawule nɛ menyee yɔ nɛ men ya kɔ n sɔ n chena so na so.

Ditɛronɔmi 4:8

Efuligboŋ ŋko kefimbi kikɛ maŋ wɔtɔ a kɔ mbraana nɛ a walɛ fanɛ amo nɛ ŋ ŋini menyi kabre ere.

Ditɛronɔmi 5:1

Mosis daŋ tre Israɛl be basa na kikɛ nna m ba kaŋɛ bumo le: “Israɛlebi, men kaŋ asoe n nu mbraana nɛ mee ta a sa menyi kabre ere. Men koya amo nseŋ wora amo kasonu.

Ditɛronɔmi 5:31

Ama fo ere, Mosis, e shir ma kutɔ nfe nɛ n ta ma mbraana kikɛ n sa fo nɛ fo ta amo n ya ŋini basa na, saŋɛ na so baaŋ baa wora amo kasonu ashi kasawule nɛ mee sa bumo na so.”

Ditɛronɔmi 6:1

“Mbraana nɛ Enyɛnpe menyi be Ebɔrɛ na ta n sa ma fanɛ ŋ ŋini menyi nna na. Men ya kaa wora amo kasonu ashi kasawule nɛ menyee dii Jɔɔdan be lɔr na a yɔ nɛ men ya sɔ n chena so na.

Ditɛronɔmi 6:20

Kachako menyi be mbia beeŋ ba bishi menyi le: ‘Manɛ nna nɛ Enyɛnpe Ebɔrɛ na sa anyi mbraana nɛ keŋini ere?’

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.