Ɛksodɔs 20:8 - EBƆRƐ BE KAWƆL

⁸ Men baa ta kewushiachɛ na fanɛ ma, Enyɛnpe Ebɔrɛ be kachɛ nɛ k du cheembi.

Ɛksodɔs 20:8 ပူးပေါင်းရင်းမြစ်များ

Jɛnesis 2:2

Kachɛ shunusopo na ka fo nɛ Ebɔrɛ loge mbe kushuŋ kikɛ, amoso kachɛ shunusopo na e wushi nna ashi ashuŋ nɛ e shuŋ na kikɛ nyam to.

Jɛnesis 2:3

Amoso Ebɔrɛ daŋ nɛfa kachɛ shunusopo na nna n yili fanɛ kachɛ cheembi, ŋkpal manɛ so, kumo be kachɛ na nɛ e wushi ashi mbe durnya be keto be ashuŋ to.

Nehemaya 13:15

Ma alɛ daŋ naŋ dara m pin kusɔ nɛ Juda be basa na bee wora Kewushiachɛ na. Mannɛ kebaachichi asɔrso nɛ baa tre greep na so a wora yabra nawule nɛ b daa wora ama b daa teŋi ayu, nsaa chuge egreep nɛ figi be asɔrso nɛ adɔjibi pɔtɛana kikɛ n ti so nna Kewushiachɛ na. Bumo alɛ daa naa ta ekurma a sulɔ amo nna a yɔ Jerusalɛm n ya ka fa. Amoso n daŋ kpele bumo kusoe nna fanɛ b sa maŋ naa fa ajibi Kewushiachɛ.

Nehemaya 9:14

Fo yili kumo n sa bumo fanɛ b baa ta fo kewushiachɛ na fanɛ kachɛ cheembi. Fo daŋ kaŋɛ fo kayɛrbi Mosis nna fanɛ e ŋini bumo fo mbraana na.

Ɛksodɔs 23:12

Men ta nchɛ ashe n shuŋ, nseŋ wushi kachɛ shunusopo na, saŋɛ na so men be ana dɔso nɛ ekurma gba beeŋ wushi. Nɛ men be elaŋ to be anya nɛ befɔ gba e wushi.

Ɛksodɔs 31:12

Ade kikɛ be kaman nɛ Enyɛnpe Ebɔrɛ naŋ kaŋɛ Mosis le:

Ɛksodɔs 35:1

Ade kikɛ be kaman nɛ Mosis tre Israɛlebi na kikɛ m ba shɛr ŋ kaŋɛ bumo: “Asɔ nɛ Enyɛnpe Ebɔrɛ yili fanɛ men baa wora nde:

Aizaaya 56:2

Meeŋ nɛfa bekama nɛ baa keni kewushiachɛ na a bɔlɔ kenishi nsaa bɛ kumo so na. Ma alɛ beeŋ nɛfa bekama nɛ b maa wora asheŋ lubi.”

Aizaaya 58:13

Ade kikɛ be kaman nɛ Enyɛnpe Ebɔrɛ na naaŋ kaŋɛ le: “Nɛ men ta kewushiachɛ na fanɛ kachɛ cheembi a maa wora menyi gbagba be aparsheŋ fanɛ kebaayɔ nde ŋko a shuŋ kushuŋ be yiri kikɛ ŋko a malga mmalga jiga loŋ be kachɛ na,

Jɛremaya 17:21

Kaŋɛ bumo fanɛ nɛ baa sha bumo be ŋkpa, b sa maŋ kaa sulɔ asɔ kewushiachɛ. B sa maŋ kaa sulɔ shɛŋ a bɔla mbunagboŋ na to a luri ŋko a lar Jerusalɛm to.

Jɛremaya 17:22

Bumo alɛ e sa maŋ kaa sulɔ asɔ a lar bumo be elaŋana to gba ŋko a shuŋ kewushiachɛ na. A daga fanɛ b baa ta kumo fanɛ kachɛ cheembi nsaa maa shuŋ shɛŋ fanɛ kananɛ n yili kumo n sa bumo nananyɛnana na.

Jɛremaya 17:24

To, kaŋɛ basa na fanɛ a daga fanɛ b baa wora ma mmalga naseso kikɛ kasonu. A maŋ daga b baa sulɔ esulɔ kikɛ a bɔla mbunagboŋ na to a luri kadegboŋ na to kewushiachɛ kikɛ. A daga fanɛ b baa ta kewushiachɛ na fanɛ kachɛ cheembi nsaa maa shuŋ kushuŋ kikɛ kuraa.

Ezikɛl 20:20

Men ta ma Kewushiachɛ naŋ ki kachɛ cheembi, saŋɛ na so k beeŋ baa la tɔɔnɛ a ŋini fanɛ men la ma basa nna nɛ ma alɛ la Enyɛnpe menyi be Ebɔrɛ na.

Levitikɔs 19:3

Men be ekama daga e sa mo nio nɛ mo tuto bunyaŋ, nseŋ ta Kewushiachɛ na kachɛ cheembi fanɛ kananɛ n yili n sa menyi na. Ma e la Enyɛnpe menyi be Ebɔrɛ na.

Levitikɔs 19:30

Men baa ta Kewushiachɛ na fanɛ kachɛ cheembi nsaa sa kakpa nɛ baa shuŋ ma na bunyaŋ. Ma e la Enyɛnpe Ebɔrɛ.

Levitikɔs 23:3

Nchɛnshe nɛ menyeeŋ ta n shuŋ menyi be ashuŋ, ama men baa nyiŋi fanɛ kachɛ shunusopo na bre la Kewushiachɛ nna. Loŋ be kachɛ nɛ menyeeŋ ta n shɛr abar so m bunyaŋ ma Enyɛnpe Ebɔrɛ na. Kaplɛkama nɛ men wɔ, Kewushiachɛ na la Enyɛnpe Ebɔrɛ na be kachɛ nna.

Levitikɔs 26:2

Men baa ta Kewushiachɛ na fanɛ nchɛ cheembi nsaa sa kakpa nɛ baa shuŋ ma Ebɔrɛ na bunyaŋ. Ma e la Enyɛnpe Ebɔrɛ na.

Nɔmbɛs 15:32

Jemanɛ nɛ Israɛlebi na daa wɔ keshishɛrsawule na so na, nɛ b wu kanyɛn ko ka bee kil ndibi kewushiachɛ na kachako.

Ditɛronɔmi 5:12

Men baa sa ma kewushiachɛ na bunyaŋ nsaa ta kumo fanɛ kachɛ cheembi, fanɛ kananɛ ma, Enyɛnpe menyi be Ebɔrɛ na kaŋɛ menyi na.