Ɛksodɔs 20:5 - EBƆRƐ BE KAWƆL

⁵ nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Ɛksodɔs 20:5 ပူးပေါင်းရင်းမြစ်များ

2 Samuɛl 21:1

Saŋɛ nɛ Deevid la ewura na nɛ akoŋgboŋ ko daŋ tɔr nfɛ asa. Ndoŋ nna nɛ Deevid bishi Enyɛnpe Ebɔrɛ kusɔ nɛ e beeŋ wora a laŋɛ akoŋ na be kaplɛa so. Nɛ Enyɛnpe Ebɔrɛ kaŋɛ mo le: “Ewura Sɔɔl nɛ mbe kanaŋ wora kulubi ŋkpal b ka mɔ Gibiɔnebi so.”

2 Samuɛl 21:6

Amoso, lara mbe kanaŋ to be benyɛn ashunu n sa anyi nɛ an ya chɛ bumo efɔl n shiga ashi Enyɛnpe Ebɔrɛ be ewura laraso Sɔɔl be kade nɛ baa tre Gibia na be kakpa nɛ baa bunyaŋ Enyɛnpe Ebɔrɛ na.” Nɛ Deevid yɛ: “Meeŋ ta bumo n sa menyi.”

1 Bewura 19:10

Nɛ Elaija kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo bɔrɛsureana n lɛ, m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

1 Bewura 21:29

“Fo gbagba ere wu kananɛ Ahab bar mbe kumu kaseto n sa ma nna na, amoso, m maaŋ shin nɛ jɛrbi e tu mo ama mo pibi be jemanɛ so nɛ meeŋ shin nɛ jɛrbi e ba mbe kanaŋ kikɛ so.”

2 Bewura 17:35

Israɛlebi na nɛ Enyɛnpe Ebɔrɛ na ka daŋ wora kɔnɔkoŋwule be ŋkre na, le nɛ e daŋ kaŋɛ bumo: “Men sa maŋ kaa shuŋ agbir; ŋko a jɔŋɛ amo ase ŋko a lara esarga a sa mo.

2 Bewura 17:41

B kraŋ kini nna a shuŋ Ebɔrɛ nsaa shuŋ bumo be agbir a ti so. Hale m ba fo kabre, loŋ nɛ bumo be kaman to ebi gba kraa wora.

2 Bewura 23:26

Ama Enyɛnpe Ebɔrɛ na kraŋ nya agbo ga n wɔtɔ Juda ŋkpal asɔ damta nɛ ewura Manase wora nɛ mbe agbo kaa ga na so.

2 Bewura 5:18

Ama mee kule Enyɛnpe Ebɔrɛ nna nɛ e ta ma alubi m paŋ ma saŋkama nɛ n shuŋi n nyɛnpe Siriya be ewura na n yɔ kegbirlambu to n ya bunyaŋ kegbir nɛ baa tre Rimmɔn na.

2 Bewura 5:27

Ŋkpal kusɔ nɛ fo wora ere so Neeman be keboti ere beeŋ pɛ fo nseŋ ki fo nɛ fo kaman to ebi be kulɔ mbaanaayɔ.” Gehazi ka lar Elaisha kutɔ nɛ keboti pɛ mo, epul to nɛ mbe kayurwule kikɛ fuli parr fanɛ ketebi.

2 Kronikɛls 25:14

Ewura Amaziya ka ya kɔ m pɔɔ Edɔmebi na so na nɛ e ta bumo be agbir m ba yili ŋ ki mbe agbir nsaa shuŋ amo a lara sarga a sa amo.

2 Kronikɛls 7:19

Ama nɛ fanɛ fo ŋko Israɛl be basa ko kini kebɛ ma mbra so nsaa shuŋ efuli pɔtɛana so be agbir,

Job be kawɔl 21:19

Menyi kaa kaŋɛ le: ‘Ebɔrɛ beeŋ gberge alubiworapoana be mbia kusoe ŋkpal bumo kurgepoana be asheŋ lubi so.’ Ama le nɛ ma ere kaŋɛ: ‘Ebɔrɛ e gberge alubiworapoana na gbagba kusoe nɛ b pin fanɛ bumo gbagba be alubi so nɛ e wora loŋ.’

Job be kawɔl 5:4

Bumo be mbia maŋ nya esa nɛ e beeŋ kuŋ bumo; esa malɛ kikɛ maŋ yili bumo be kaman ashi demujikpa.

Nshɛ 109:14

Enyɛnpetale Ebɔrɛ e sa maŋ ta mo tutoana nɛ mo nanaana be alubi m paŋ bumo kikɛ.

Nshɛ 78:58

B daŋ pɔr agbirana nna n yili agurɔŋgu so a shuŋ; n shin nɛ Ebɔrɛ be kukɔrkɔ koso nɛ e nya agbo ga.

Nshɛ 79:8

Sa maŋ gberge anyi kusoe ŋkpal an nanaana be alubi so. Wu anyi kuwɔr naniere. Ŋkpal manɛ so, anyi maŋ naa kɔ tama kikɛ.

Nshɛ 81:15

Bekama nɛ b kishi ma, Enyɛnpe Ebɔrɛ na, beeŋ ta kufu m ba jɔŋɛ ma ase; bumo alɛ be kasogberge beeŋ baa wɔtɔ mbaanaayɔ.

Ɛksodɔs 23:24

Men sa maŋ kaŋ bunyaŋ bumo be agbir na ŋko n shuŋ amo ŋko m bɛ bumo be edaŋkaresheŋ so. Men jija bumo agbirana na cheche nseŋ bure bumo be agbirjembu na to burburbi.

Ɛksodɔs 34:14

Men sa maŋ kaŋ shuŋ kegbir kama, ŋkpal manɛ so, ma e la Enyɛnpe Ebɔrɛ, nɛ ma nɛ shɛŋ shɛŋ maa ji kechamana na.

Aŋasa 8:36

Bekama nɛ b maŋ nya ma bre bee tɔrɔ bumo be amu nna. Ekama nɛ e kishi ma bee sha luwu nna na.”

Aizaaya 44:15

Ndibi nɛ edimɛdi kɔ a puga edɛ na be ako nɛ baa ku a lɔŋɛ agbirana. E beeŋ kpele kedibi na be ayabi m puga edɛ n wɔl gbaŋgbaŋ to nseŋ ta ako m puga edɛ n daŋɛ n ji. Kumo be kaman nɛ e ku kedibi na be kaba n lɔŋɛ kegbir a shuŋ kumo.

Aizaaya 44:19

Esa nɛ e bee lɔŋɛ agbir maŋ kɔ mbe kumu so be eleŋ ŋko nfɛra nɛ e tiŋ ŋ kaŋɛ le: “Ndibi na be ako nɛ n ta m puga edɛ n daŋɛ ajibi n ji nseŋ tɔ eblaŋ edɛ koŋwule na to n we na. Ndibi nɛ a ka na nɛ n ta n lɔŋɛ kegbir na. Amoso kedishiŋ fuloŋ nɛ mee gbir a bunyaŋ na!”

Jɛremaya 2:9

Ŋkpal loŋ so, ma, Enyɛnpe Ebɔrɛ beeŋ yɛr ma basa demujikpa n ya kute kusɔ nɛ bumo nɛ bumo kaman to ebi wora n da ma so ashi bumo be anishito.

Jɛremaya 32:18

Fo lara fo kasha nɛ k maa chɛrga na ŋ ŋini basa ŋgboŋ to ŋgboŋ to, nseŋ gberge basa asoe ŋkpal bumo tutoana nɛ bumo nioana be alubi so. Fo la Ebɔrɛ gboŋgboŋi nsaa kɔ yuku nna nɛ fo ketre la Enyɛnpetale Ebɔrɛ.

Ezikɛl 18:19

Ashere menyeeŋ bishi fanɛ nɛ mannɛ e baa nɛ ebi maaŋ nya mo tuto be asheŋ lubi be kakɔka? Kusɔ nɛ k ba e la fanɛ ebi na wora kusɔ nɛ k daga nseŋ wora ma mbraana kasonu nna.

Ezikɛl 18:2

“Ezikɛl, mee kaa nu Israɛl be basa ka bee bɔ keŋasa ere e kaŋɛ fanɛ; bekurgepo e ji anyinyembi nɛ a bee nyiri bumo be mbia be anyi.

Ezikɛl 20:7

Kumo be kaman, nɛ e naŋ kaŋɛ bumo fanɛ bumo be ekama e yige agbirana nɛ men ta menyi be anishi n yuu so, nɛ amo be asheŋ bee nu ma agbo nɛ ŋ kishi amo ga na be kebaashuŋ; saŋɛ na so, menyi maaŋ ta Ijipt be efuli so be agbirana n jija menyi be kebaawɔtɔ. Ŋkpal manɛ so, ma e la Enyɛnpe menyi be Ebɔrɛ na.”

Ezikɛl 39:25

Ade ere malɛ kikɛ be kaman, nɛ Enyɛnpetale Ebɔrɛ na naŋ kaŋɛ le: “Ama naniere bre meeŋ wu Jeekɔb be kaman to ebi nɛ b la Israɛl be basa na kuwɔr nseŋ shin nɛ b naŋ dii dama. Ma alɛ beeŋ kuŋ ma ketre cheembi na.

Ezikɛl 8:3

Nɛ k teŋi kusɔ ko to fanɛ enɔ na m pɛ ma emin to. Ndoŋ nna nɛ Ebɔrɛ be Kiyoyu maŋ ma so awɔlto ashi bɔrɛdare to n ta ma n yɔ Jerusalɛm to n ya yili bɔrɛlambu na be epunto be kelɔnɛ na be kabuna nɛ k bee laŋɛ kelargato be esoso be kaba so be kakpa nɛ basa na ta kegbir nɛ k bee shin nɛ Ebɔrɛ be kagbene bee kaa ga na n yili na.

Danɛl 1:2

Nɛ Enyɛnpe Ebɔrɛ shin nɛ ewura Nebukadneeza kɔ m pɔ ewura Jehowakim so m pɛ mo nɛ basa ko n ta bɔrɛlambu na to be asɔ na be ako n ti bumo so n yɔ Babilɔn be efuli so n ya ta asɔ na n yili mbe agbir be ebu to ashi Babilɔn.

Danɛl 3:18

Ama, hale nɛ E maŋ mɔlga anyi gba Yiramu, anyi maaŋ shuŋ fo agbir, anyi alɛ maaŋ jɔŋɛ shuwa be kapɔrduli nɛ fo pɔr n yili na gba.”

Levitikɔs 20:5

meeŋ pal kaman n sa esa na nɛ mbe kanaŋ kikɛ nɛ bekama nɛ b ti mo so a maŋ ji kashenteŋ n sa ma nseŋ ya kaa shuŋ kegbir Mɔlɛk na. B maaŋ naa ti ma basa so.

Levitikɔs 26:1

Ndoŋ nna nɛ Enyɛnpe Ebɔrɛ naŋ kaŋɛ: “Men sa maŋ kaŋ lɔŋɛ agbirana ŋko n wora mpɔrduli nɛ ajembu be eshabɔrɛ n yili, ŋko n shɛl ajembu a shuŋ amo. Ma e la Enyɛnpe menyi be Ebɔrɛ na.

Levitikɔs 26:29

Akoŋ nɛ k beeŋ pɛ menyi na beeŋ wora alegai n shin nɛ men we menyi gbagba be mbia be eblaŋ.

Nahum 1:2

Enyɛnpe Ebɔrɛ na kishi kechamana ga, nsaa beeŋ gberge mo doŋana kusoe. E beeŋ bishi bumo kuwule agbo so.

Nɔmbɛs 14:18

‘Ma, Enyɛnpe Ebɔrɛ na maa nya agbo manaŋ manaŋ, ma alɛ kɔ kashenteŋ be kasha nsaa ta bekama nɛ baa kini kenu n sa ma nsaa wora alubi na be alubi a paŋ bumo. Ama ma alɛ maaŋ yige kegberge bekama nɛ b wora alubi kusoe hale n ya fo bumo be kenanafofo nɛ kenana gbiramuli.’

Nɔmbɛs 14:33

Ŋkpal men ka maŋ kɔ yirda so, menyi be mbia beeŋ baa wɔ keshishɛrsawule ere so a kilgi to a ji awurfoŋ nfɛ adena hale nɛ menyi be esa lalalogesopo e wu.

Nɔmbɛs 25:11

“Ŋkpal kusɔ nɛ Finihas wora ere so, ma agbo maŋ naa wɔ Israɛlebi so. E maŋ shuli fanɛ esa kikɛ e shuŋ kegbir n ti ma Enyɛnpe Ebɔrɛ na so. Kumo so nɛ m maŋ kaa agbo m mur Israɛlebi kikɛ na.

Matiu 4:9

nseŋ kaŋɛ mo le: “Nɛ fo baŋ gbir m bunyaŋ ma, meeŋ ta asɔ ere kikɛ nyam n sa fo.”

Baru lela nɛ Jɔn kute na 15:18

“Nɛ durnya ere baŋ kishi menyi, men baa nyi fanɛ ma nɛ k fara ŋ kishi pɔɛŋ nseŋ ba kaa kishi menyi na.

Baru lela nɛ Jɔn kute na 7:7

Durnya maaŋ tiŋ ŋ kishi menyi ere, ama ma ere, k kishi ma nna ŋkpal ŋ ka bee kaŋɛ fanɛ kumo be asheŋ woraso maŋ walɛ so.

Baru lela nɛ Jɔn kute na 9:2

Ndoŋ nna nɛ mbe bebɛsopo bishi mo le: “Eŋinipo, kanyɛn ere gbagba be alubi so nɛ e tan ere ŋko mo nio nɛ mo tuto bre e wora alubi?”

Romebi 1:30

nsaa malga alubi a gbiti abar a kishi Ebɔrɛ be asheŋ a tege abar nsaa wu bumo be amu. B kɔ mpuchi a fin alubi be ekpa popɔrana a wora alubi nsaa kini kebaanu a sa bumo nioana nɛ bumo tutoana.

Romebi 8:7

Amoso, nyiŋgbasa baŋ shin nɛ kapɔr lubi ere wɔ mbe nfɛra, kumo ere e ki Ebɔrɛ mo doŋ nna na, ŋkpal manɛ so, e maa nu a sa Ebɔrɛ be mbra na. Kashenteŋto, e baŋ maaŋ tiŋ n nu n sa kumo nna gba kuraa.

1 Kɔrintebi 10:22

Ŋko anyee sha fanɛ an wɔtɔ Enyɛnpe kayurbesa to nna ŋ keni? Anyi e chɔ mo eleŋ a?

Ditɛronɔmi 32:21

B daŋ bunyaŋ agbirana nɛ a maŋ kɔ tɔnɔ n shin nɛ ma kukɔrkɔ koso nɛ n nya agbo. Amoso meeŋ shin nɛ men be kukɔrkɔ nɛ agbo e koso, ŋkpal kusɔ nɛ meeŋ wora efuli nɛ k maa wu kuwɔr nsaa maa kɔ tɔnɔ be basa so.

Ditɛronɔmi 32:41

fanɛ meeŋ yee ma tokobi nɛ k baa nyɛkpɛ nseŋ shin nɛ kashenteŋji e dii efuli. Meeŋ ka n doŋana kukɔ nseŋ gberge bumo nɛ b kishi ma kusoe.

Ditɛronɔmi 4:24

ŋkpal manɛ so, Enyɛnpe, menyi be Ebɔrɛ na beeŋ tiŋ a du fanɛ edɛ nɛ k bee ji a mur. E la Ebɔrɛ nɛ e maa sha kechamana nna.

Ditɛronɔmi 5:10

Ama mee sha bumo nɛ baa sha ma nsaa wora ma kasonu a bɛ ma mbraana so na nna hale n ya fo bumo be kekurge to be kenana kagboŋ.

Ditɛronɔmi 5:9

Men sa maŋ kaŋ gbir m bunyaŋ kegbir kikɛ ŋko n shuŋ kumo, ŋkpal manɛ so, ma e la Enyɛnpe, menyi be Ebɔrɛ nɛ m maa sha echamana na. Ma e naa gberge bekama nɛ b kishi ma nɛ bumo be kamanebi kusoe hale n ya fo bumo be kenanafofo nɛ kenana gbiramuli.

Ditɛronɔmi 6:15

Nɛ men kaŋ shuŋ agbirana, Enyɛnpe Ebɔrɛ na be agbo beeŋ ba menyi so fanɛ edɛ m ba mur menyi cheche ashi durnya ere to. Ŋkpal manɛ so, Enyɛnpe menyi be Ebɔrɛ nɛ e wɔ menyi kutɔ na maa sha kechamana.

Ditɛronɔmi 7:10

Ama e maa chɛr kegberge bumo nɛ b kishi mo na kusoe.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

Joshuwa 23:16

Nɛ men baŋ maŋ bɛ kɔnɔ naseso be ŋkre nɛ Enyɛnpe Ebɔrɛ sa menyi na so nsaa wɔtɔ a shuŋ nsaa bunyaŋ agbir bre, kumo ere e beeŋ gberge menyi kusoe agbo so nɛ men paŋ kasawule lela nɛ e ta n sa menyi ere gba.”

Joshuwa 23:7

Men sa maa ji a tir kasawule na so be basa nɛ b ka a wɔ menyi to na. Men sa maa nase nnɔ bumo be agbir to ŋko a bɔ amo. Men sa maa shuŋ agbir na ŋko a bunyaŋ amo.

Joshuwa 24:19

Ndoŋ nna nɛ Joshuwa kaŋɛ basa na le: “Ashere menyi maaŋ tiŋ n shuŋ Enyɛnpe Ebɔrɛ na. E la Ebɔrɛ cheembi nna. Mo alɛ maaŋ ta menyi be alubi m paŋ menyi, ŋkpal manɛ so, e maa sha kechamana be asheŋ.

Demujipoana 2:19

Ama nɛ ejuŋkparpo na baŋ wu b naa bɛta nna a yɔ asheŋ alubi nɛ a chɔ amo nɛ bumo tutoana daa wora na gba to. Kumo e la fanɛ baa bɛ agbirana so nna a shuŋ amo nsaa kini kelar bumo be asheŋ jiga to.