Ɛksodɔs 20:3 - EBƆRƐ BE KAWƆL

³ Men sa maŋ kaŋ bunyaŋ kegbir n naŋ ti ma so.

Ɛksodɔs 20:3 ပူးပေါင်းရင်းမြစ်များ

1 Bewura 11:4

Ewura Sɔlɔmɔn ka bel nɛ mbe beche na yɛr mo kagbirshuŋ to nɛ e daa maŋ naa ji kashenteŋ a sa Enyɛnpe mbe Ebɔrɛ na fanɛ kananɛ mo tuto ewura Deevid daŋ wora na.

Nshɛ 29:2

Men di mbe ketre nɛ k kɔ kemaŋkura na epaŋ; nseŋ bunyaŋ mo ŋkpal e ka du cheembi nsaa kɔ kemaŋkura so.

Nshɛ 73:25

M maŋ naa kɔ esa kikɛ ebɔrɛso n naŋ ti fo so. Ŋ ka baa kɔ fo ere, m maŋ naa sha shɛŋ durnya ere to.

Nshɛ 81:10

Ma e la Enyɛnpe menyi be Ebɔrɛ nɛ e lara menyi ashi Ijipt be efuli so m ba na. Menyi ere e bugi kɔnɔ ŋ kaŋɛ ma kusɔ nɛ menyee sha de, nɛ n wora kumo n sa menyi.

Nshɛ 81:9

Men sa maŋ kaŋ shuŋ efuli pɔtɛ kikɛ be kegbir, ŋko kegbir kikɛ nɛ menyi maŋ nyi shɛŋ a laŋɛ kumo kaplɛa so!

Ɛksodɔs 15:11

O Enyɛnpe Ebɔrɛ, wanɛ e du fanɛ fo ashi ebɔrɛana kikɛ to? Fo kecheembiya bee mɔ kɔnɔ nna nɛ fo kemaŋkura shi. Wanɛ e du fanɛ fo? Wanɛ e naaŋ tiŋ n wora emamachisheŋ nɛ ashuŋgboŋ nɛ a baa du fanɛ feya ere?

Ɛksodɔs 20:23

Men sa maŋ kaŋ ta shuwa ŋko gbiti n lɔŋɛ agbir kikɛ a shuŋ amo n ti ma so.

Ɛksodɔs 22:19

Enyɛn kama nɛ e tu kusɔbɔya n di keche nɛ kenyɛn, k daga fanɛ b mɔ mo.

Ɛksodɔs 23:24

Men sa maŋ kaŋ bunyaŋ bumo be agbir na ŋko n shuŋ amo ŋko m bɛ bumo be edaŋkaresheŋ so. Men jija bumo agbirana na cheche nseŋ bure bumo be agbirjembu na to burburbi.

Ɛksodɔs 32:8

B teŋ kini kebɛ mbra nɛ n sa bumo na so nseŋ ŋalga shuwa n lɔŋɛ kenabi a shuŋ nsaa lara esarga a sa kumo a kaŋɛ fanɛ bumo be ebɔrɛ mo nɛ a lara bumo ashi Ijipt be kasawule so na nna na.”

Ɛksodɔs 34:14

Men sa maŋ kaŋ shuŋ kegbir kama, ŋkpal manɛ so, ma e la Enyɛnpe Ebɔrɛ, nɛ ma nɛ shɛŋ shɛŋ maa ji kechamana na.

Aizaaya 26:4

Amoso an baa yirda Enyɛnpe Ebɔrɛ na saŋkama, nɛ e baa la fanɛ kefalta a kuŋ anyi saŋkikɛ.

Aizaaya 42:8

N nawule kpeŋ e la Enyɛnpe Ebɔrɛ na. M maaŋ shuli nɛ agbir ŋko edimɛdi e sɔ kemaŋkura nɛ bunyaŋ nɛ e daga ma na.

Aizaaya 43:10

Menyi Israɛl be basa e la ma eshɛdajipoana; ma e lara menyi nɛ men baa la ma nyɛrbi, saŋɛ na so menyeeŋ pin ma nseŋ yirda ma nseŋ naŋ pin to fanɛ n nawule e la Ebɔrɛ. Ebɔrɛ kikɛ maŋ naa wɔtɔ n ti ma so. Ekama malɛ maaŋ naa wɔtɔ n ti ma so.

Aizaaya 44:8

Men sa maa lɔ kufu, ma basa! Men nyi yili dra dra na kikɛ m ba fo mbre, ma e naa kaŋɛ asɔ nɛ e beeŋ baa wora kikɛ; menyi alɛ e la ma eshɛdajipoana. N nawule e la Ebɔrɛ, shɛŋ maŋ naa kɔ eleŋgboŋ fanɛ ma.”

Aizaaya 46:9

Men baa nyiŋi kusɔ nɛ k wora dra na, nseŋ pin to fanɛ n nawule e la Ebɔrɛ. Ekama maŋ du fanɛ ma.

Jɛremaya 25:6

Anebiana na kaŋɛ menyi fanɛ men sa maa bunyaŋ ŋko a shuŋ agbir nɛ men lɔŋɛ na; saŋɛ na so Enyɛnpe Ebɔrɛ na maaŋ nya agbo n wora menyi. Men daŋ wora Enyɛnpe Ebɔrɛ na kasonu nna, e daa maaŋ gberge menyi kusoe.

Jɛremaya 35:15

Ŋ kraa shuŋi ma anya anebiana na menyi kutɔ, nɛ baa kaŋɛ menyi fanɛ men yige menyi be asheŋ lubi na nsaa wora kusɔ nɛ k niŋi. B kpele menyi kusoe fanɛ men sa maa bunyaŋ nsaa shuŋ agbir pɔtɛana, saŋɛ na so menyi kraa beeŋ chena kasawule nɛ n ta n sa men nananyɛnana na so. Ama men kini kenu n sa ma nsaa maŋ wora lakal a laŋɛ kumo be kaplɛa so.

Jɛremaya 7:9

Men wɔtɔ nna a yuri, nsaa mɔ basa, nseŋ naa ji kubojua. Menyi alɛ naa ku efɛ nna a bɔ ntaŋ nseŋ naa lara esarga a sa kegbir nɛ baa tre Baal, a shuŋ agbirana nɛ men maŋ nyi ŋ ku so.

Danɛl 3:18

Ama, hale nɛ E maŋ mɔlga anyi gba Yiramu, anyi maaŋ shuŋ fo agbir, anyi alɛ maaŋ jɔŋɛ shuwa be kapɔrduli nɛ fo pɔr n yili na gba.”

Hoziya 13:4

Enyɛnpe Ebɔrɛ yɛ: “Ma e la Enyɛnpe, men be Ebɔrɛ nɛ n lara menyi ashi Ijipt be kasawule so na. N nawule e la menyi be Ebɔrɛ nɛ men be emɔlgapo.

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

1 Kɔrintebi 8:4

To, naniere an keni nlɔŋɛjibiana be asheŋ to. An baa nyi fanɛ kegbir la kusɔ nɛ k maŋ kɔ ŋkpa kumo to nna a wɔtɔ, anyi alɛ nseŋ naa nyi fanɛ Ebɔrɛ koŋwule e wɔtɔ, ekama maŋ naŋ ti mo so.

1 Kɔrintebi 8:6

ama anyi ere kutɔ Ebɔrɛ koŋwule e baa wɔtɔ, mo e la Etuto mo nɛ kusɔ kikɛ shi mo kutɔ, mo alɛ so nɛ an wɔtɔ na. Enyɛnpe koŋwule, Yesu Kristo na malɛ e wɔtɔ, mo nɛ Ebɔrɛ bɔla mo so n to kusɔ kikɛ mo alɛ nsaa sa anyi ŋkpa na.

Ɛfesesebi 5:5

Men baa nyi kesheŋ ere geeŋ fanɛ esa kama nɛ e kɔ kesakalea be kebaawɔtɔ ŋko eyurpisheŋ ŋko esa kama nɛ e kɔ kejimuni maaŋ luri Kristo nɛ Ebɔrɛ be kuwura na to. Kejimuni du fanɛ kagbirshuŋ nna.

Ditɛronɔmi 5:7

Men sa maŋ kaa shuŋ Ebɔrɛ kikɛ n ti ma so.

Ditɛronɔmi 6:14

Men sa maŋ kaa shuŋ basa nɛ b kulti menyi na be agbirana kikɛ.

Ditɛronɔmi 6:5

Men baa ta menyi be ŋgbene kikɛ nɛ menyi be ayoyu kikɛ nɛ menyi be eleŋ kikɛ a sha Enyɛnpe menyi be Ebɔrɛ na.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

Kɔlɔsiebi 2:18

Men sa maŋ shin nɛ esa kikɛ e kute n wu menyi kulubi a kaŋɛ fanɛ men baa koya bunyaŋ a bunyaŋ emalaika a ta kamoowu fuloŋ ŋkpal asɔ nɛ a lar mo so nɛ e wu amo na so. Mbe nfɛra lubi na so nɛ e kɔ loŋ be kamoowu fuloŋ na.

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.

Kelaraŋŋini 22:9

nɛ e kaŋɛ ma le: “A maŋ daga fanɛ fo wora loŋ. Ma alɛ gba la fo nɛ fo niopibiana anebiana nɛ bumo nɛ baa ta kawɔl ere to be mmalga a wɔtɔ bumo be ŋgbene to na bumo barkasa kenya nna. Ebɔrɛ e daga fanɛ fo baa maŋ mo so.”

Demujipoana 6:10

Ma alɛ e kaŋɛ menyi na fanɛ ma e la Enyɛnpe, menyi be Ebɔrɛ na, men sa maŋ kaŋ shuŋ Amɔriebi nɛ men tase bumo be kasawule so ere be agbirana. Ama menyi maŋ nu n sa ma.”