Ɛksodɔs 20:26 - EBƆRƐ BE KAWƆL

²⁶ Kede be kaman, men sa maŋ kaŋ pɔr bɔrɛsure nɛ menyeeŋ baa ta kasakpar a dii so. Ŋkpal manɛ so, men baa dii kasakpar na baaŋ baa wu men be mboŋ gela.”

Ɛksodɔs 20:26 ပူးပေါင်းရင်းမြစ်များ

Nshɛ 89:7

Fo nɛ ekama bee ŋana ga ashi ebɔrɛso ndoŋ. Fo asheŋ malɛ bee keta kufu nsaa kɔ bunyaŋ ga a chɔ bekama nɛ b wɔ ebɔrɛso.

Ɛksodɔs 28:42

Men ta ago be wajɛ m ba ewondoŋshiimbi n sa bumo nɛ b baa dela a buu bumo be wulo so. Men shin nɛ amo be nteŋ to e yili kashɛr to m ba fo amuli to.

Ɛksodɔs 28:43

A daga fanɛ Ɛɛrɔn nɛ mbe mbinyɛnso na e baa wɔtɔ loŋ be ewondoŋshiimbi ere saŋkama nɛ baa luri Enyɛnpe be wajɛbu na to ŋko saŋkama nɛ baa ba bɔrɛsure na ase nɛ b ba shuŋ ma ashi kakpa cheembi na to, saŋɛ na so b maaŋ wu ŋkpal b ka na kayurkpaŋ so. Le be mbra ere beeŋ baa dese n sa Ɛɛrɔn nɛ mbe kaman to ebi hale mbaanaayɔ.

Kaŋinichiŋgeliŋ 5:1

Baa da asheŋ nɛ fee wora ashi Ebɔrɛ be lambu to so. Fee yɔ ndoŋ nna nɛ fo ya nu kusɔ nɛ beŋinipo bee ŋini, mannɛ keya lara kawuliso be sarga fanɛ bewulpo nɛ b maŋ nyi alubi nɛ alela be mbarga na.

Ezikɛl 43:17

Kumo be nferinto na gba be mba ana na kikɛ daa sasa nna. Kaba kama daŋ fo fanɛ ayadra adunyɔ nɛ ana nna, nɛ kumo be ekarso ŋ kulti malɛ be jeŋgreŋ daŋ ka gbrɛ nɛ k fo keyadra koŋwule. Atemprembi nɛ baa dii so a yɔ bɔrɛsure na be esoso na daa wɔ a laŋɛ epeŋilarkpa be kaba so nna.

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

1 Pita 1:16

Ŋkpal manɛ so, abɔrɛsibɛ na bee kaŋɛ fanɛ Ebɔrɛ kaŋɛ: “Men baa du cheembi, ŋkpal manɛ so, n du cheembi nna.”