Ɛksodɔs 20:25 - EBƆRƐ BE KAWƆL

²⁵ Ama nɛ men baŋ ta ajembu nɛ men pɔr bɔrɛsure n sa ma, men sa maŋ kaŋ ta kanase n shɛl amo m pɔr kumo, ŋkpal manɛ so, nɛ men baŋ ta kanase n shɛl amo, kumo ere men maaŋ naŋ tiŋ n lara sarga kumo so n sa ma.

Ɛksodɔs 20:25 ပူးပေါင်းရင်းမြစ်များ

1 Bewura 6:7

Ŋkpal ewura Sɔlɔmɔn ka daa maa sha akpanfu nɛ b kɔ a bure ajembu to be awɔr kakpa nɛ baa pɔr bɔrɛlambu na so, e daŋ shin nna nɛ mbe beshumpo shɛl ajembu nɛ baaŋ ta m pɔr kumo ashi kakpa nɛ baa bure ajembu to ashi kebee so be efuli so na pɔɛŋ nseŋ sulɔ amo m ba kade to.

Ɛksodɔs 20:24

Ama men baga eshishɛr m pɔr bɔrɛsure n sa ma nsaa lara men be esarga chɔɔso nɛ men be kɔnɔkoŋwule be esarga kumo so. Amo nɛ menyee ta mbolpɔ nɛ mboe nɛ ana a lara na. Kaplɛkama nɛ n ya kaa sha fanɛ men baa bunyaŋ ma ndoŋ, meeŋ ba menyi kutɔ m ba nɛfa menyi ndoŋ.

Ɛksodɔs 24:4

Ndoŋ nna nɛ Mosis sibɛ Enyɛnpe Ebɔrɛ be mmalga na kikɛ n nase. Kare ka chɛ kachipurdidi nɛ e wule ŋ koso n ya yuu bɔrɛsure ashi kebee na be kaseto nseŋ ta ajembu tenteŋ kuduanyɔ n yuu nɛ a yili n sa Israɛlebi be eyiri kuduanyɔ na.

Ezikɛl 40:42

Ajembu nɛ b daŋ shɛl n lɔŋɛ eteebɔl ana nɛ a daa yil ebubi na to, nsaa ta asɔbɔya nɛ baa ta a lara esarga chɔɔso na a deŋi amo so a bɛ. Amo be jeŋgreŋ daŋ fo fanɛ keyadra koŋwule nɛ bargato nɛ amo be esoso be mparto malɛ be mba ana na be kekama daa la ayadra anyɔ nɛ bargato. Nsaŋɛ nɛ asɔ kama nɛ b kɔ a mɔ nsaa bɛ esarga be asɔbɔya na kikɛ daa deŋ eteebɔl ere so nna.

Joshuwa 8:31

Kananɛ Enyɛnpe be kayɛrbi Mosis daŋ kaŋɛ Israɛlebi na gbagba chap nɛ mo alɛ gba daŋ bɛ so m pɔr kumo, fanɛ kananɛ Mosis be mbra kaŋɛ le na: “Bɔrɛsure mo nɛ b ta ajembu nɛ b maŋ ta kebɛlso n shɛl m pɔr so nɛ baaŋ lara sarga chɔɔso, nɛ kɔnɔkoŋwuleso be sarga n sa Enyɛnpe Ebɔrɛ.”