Ɛksodɔs 20:23 - EBƆRƐ BE KAWƆL

²³ Men sa maŋ kaŋ ta shuwa ŋko gbiti n lɔŋɛ agbir kikɛ a shuŋ amo n ti ma so.

Ɛksodɔs 20:23 ပူးပေါင်းရင်းမြစ်များ

2 Bewura 17:33

B daa shuŋ Enyɛnpe Ebɔrɛ nna nseŋ naa shuŋ bumo be efuliana so be agbirana n ti so.

2 Bewura 17:41

B kraŋ kini nna a shuŋ Ebɔrɛ nsaa shuŋ bumo be agbir a ti so. Hale m ba fo kabre, loŋ nɛ bumo be kaman to ebi gba kraa wora.

Ɛksodɔs 32:31

Ndoŋ nna nɛ Mosis bɛta n yɔ Enyɛnpe Ebɔrɛ kutɔ n ya kaŋɛ mo: “Kashenteŋto, basa na wora kulubi gboŋgboŋi, ŋkpal manɛ so b ta shuwa n lɔŋɛ bumo gbagba be ebɔrɛ nsaa shuŋ kumo.

Ɛksodɔs 34:17

Men sa maŋ kaŋ ta kebɛlso n lɔŋɛ kegbir a bunyaŋ kumo.

Ezikɛl 20:39

Kusɔ nɛ Enyɛnpetale Ebɔrɛ bee kaŋɛ menyi nde: Menyi Israɛlebi, be ekama nɛ e bee sha e ya kaa shuŋ mbe agbirana, ŋkpal manɛ so, ade kikɛ be kaman menyeeŋ ba nu n sa ma nseŋ yige kebaa lara esarga a sa menyi be agbirana a jija ma ketre.

Ezikɛl 43:8

Israɛl be bewura daŋ pɔr bumo be ewurkpaana nna m mata ma bɔrɛlambu cheembi na ga. Egbal e daa wɔ ma nɛ bumo be nferinto. B daa wora asheŋ jiga nna a ŋaba ma ketre cheembi na, amoso nɛ n daŋ nya agbo m mur bumo na.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Danɛl 5:4

nsaa di bumo be agbir nɛ b ta shuwa nɛ gbiti nɛ danyaŋ nɛ abɛlso nɛ ndibi nɛ ajembu n lɔŋɛ na epaŋ.

Levitikɔs 19:4

Men sa maŋ kaŋ kplaŋ ma so n ya shuŋ agbir. Men sa maŋ ta abɛlso ŋko kusɔ kama n wora kapɔrduli be yiri kikɛ ŋ ki agbir a shuŋ kumo. Ma e la Enyɛnpe, men be Ebɔrɛ na.

Zefanaiya 1:5

Ma alɛ beeŋ mur bekama nɛ baa dii achoŋi so n ya kaa jɔŋɛ epeŋi nɛ kufɔl nɛ achɛkpabi ase a bunyaŋ amo na. Kumo be kaman nɛ n mur bekama nɛ baa bunyaŋ ma a kaŋɛ fanɛ ma e wɔ bumo, ama nsaa ta kegbir nɛ baa tre Mɔlɛk na be ketre a bɔ ntaŋ na gba.

Ditɛronɔmi 27:15

Ebɔrɛ be kɔnɔsho beeŋ ba esa kama nɛ e beeŋ ta kejembu ŋko kedibi ŋko kebɛlso n lɔŋɛ kegbir a shuŋ ashiri to so. Ŋkpal manɛ so, Enyɛnpe Ebɔrɛ na kishi kagbirshuŋ ga. Nɛ basa nɛ b yil Ebal be kebee so na kikɛ e shuli so le: ‘Amɛn!’

Ditɛronɔmi 29:17

Men daŋ wu bumo be agbirana nɛ b ta ndibi ŋko ajembu ŋko shuwa ŋko gbiti n lɔŋɛ. An ka daŋ wu amo kenishiso na gba k daa la ekishi nna n sa anyi.

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.

Demujipoana 17:3

Maika ka bɛta gbiti be ndarbi na n sa mo nio nɛ mo nio kaŋɛ: “Mee ta gbiti ere nna a sa Enyɛnpe Ebɔrɛ na, saŋɛ na so m pibinyɛn beeŋ bɛl kegbir nseŋ ŋalga amo ŋ gbiti kumo nɛ k ki fanɛ gbiti be kegbir. Amoso mee bɛta amo nna a sa fo.”