Ɛksodɔs 20:21 - EBƆRƐ BE KAWƆL

²¹ Basa na kikɛ daŋ ya kaa yil kufɔ kufɔ nna nɛ Mosis bre firgi n taga ketentembirigboŋ na to ashi kakpa nɛ Ebɔrɛ daa wɔ na.

Ɛksodɔs 20:21 ပူးပေါင်းရင်းမြစ်များ

1 Bewura 8:12

Ndoŋ nna nɛ ewura Sɔlɔmɔn kule Ebɔrɛ le: “Enyɛnpe Ebɔrɛ, fo e to epeŋi ere n shiga esoso ama fo kaŋɛ fanɛ feeŋ baa wɔ awɔlpa lembir ere to.

2 Kronikɛls 6:1

Ade be kaman nɛ ewura Sɔlɔmɔn kule Ebɔrɛ le: “Enyɛnpe Ebɔrɛ, fo e kaŋɛ fanɛ feeŋ baa wɔ awɔlpa lembir ere to.

Nshɛ 104:2

nɛ kefulto kulti fo n wɔtɔ kaplɛkama. Fo e parga kuwɔlpa to n sɔ kaplɛkama fanɛ wajɛbu, a wɔ kumo to.

Nshɛ 18:12

Nɛ abɔrɛjembubi nɛ bɔrɛ be kenyɛkpɛ be edɛ juŋkpar mo n fulto ashi awɔlpa jimajima na to.

Nshɛ 18:9

Nɛ esoso bugi nɛ e lar m ba nɛ awɔlpa jimajima wɔ mbe aya ase.

Nshɛ 97:2

Bɔrɛwɔlpa nɛ tentembiri mina e kulti mo n wɔtɔ kaplɛkama. Mo alɛ bee ji mbe kuwura ekpa niŋiso nɛ keji asheŋ nɛ amo be ekpa so nna.

Ɛksodɔs 19:3

Kumo be kaman nɛ Mosis dii kebeegboŋ na so n yɔ nɛ e ya tu Ebɔrɛ. Ndoŋ nna nɛ Enyɛnpe Ebɔrɛ tre mo ashi kebee na so ŋ kaŋɛ mo: “Kaŋɛ Israɛlebi nɛ b la Jeekɔb be kaman to ebi na le:

Ditɛronɔmi 5:22

Mbraana nɛ Enyɛnpe Ebɔrɛ na daŋ ta n sa Israɛl be basa kikɛ jemanɛ nɛ men daa wɔ kebee na ase na nna na. Jemanɛ nɛ e daŋ bɔla awɔlpa lembir gbitigbiti nɛ edɛ daa lar amo to na to m malga awɔrso na, mbraana ere nɛ e daŋ ta n sa na nɛ mannɛ apɔtɛ ko. Kumo be kaman nɛ e sibɛ amo n deŋi ajembu peŋgeleŋ peŋgelembi anyɔ so nseŋ ta amo n sa ma.

Ditɛronɔmi 5:5

N daa yil bumo nɛ Enyɛnpe Ebɔrɛ na be kefɛato nna a kute asheŋ nɛ e daa kaŋɛ na a sa bumo, ŋkpal manɛ so, b daa ŋana edɛ na nna nsaa maŋ shuli n dii kebee na so. Ndoŋ nna nɛ Enyɛnpe Ebɔrɛ na kaŋɛ,

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.